تجمع المتقدمين لمؤسسة النقد العربي السعودي ...

انا جبت ٧٩ ومعدلي عالي واتصلت على المؤسسه وشرحت لهم الوضع وقالوا مالنا دخل كلمي الوزاره وقلت لهم يعني معليش بس المطلوب ١٦٠ شخص بس ماستر قال ايه نبغى اكبر عدد بكالوريوس الموضع ظلم شوي قال مابيدنا شئ واليوم رحت للوزاره قالوا مالنا دخل المؤسسه طلبت منا كذا واحنا وجهناكم لها تبيكم ولا ماتبيكم خلاص ماعاد فيه امل

كل واحد ييرمي المشكله على الثاني

حسبي الله ونعم الوكيل الله يعوضني ويعوضكم بالخير

طول السنين إلي راحت كنت اتمنى ابتعث لكن الظروف ما كانت تسمح لي بالأبتعاث ولما تيسرت ظروفي الوزارة طرحت نظام جديد بس وش اقول غير الحمد لله على كل حال ، و مؤمنة بقوله تعالى " و عسى أن تكرهوا شيء وهو خير لكم وعسى أن تحبوا شيء وهو شر لكم والله يعلم وأنتم لا تعلمون* "
وبإذن الله ما انصرف عننا هالشيء وإلا في المستقبل نصيب أجمل منه ..
والفترة إلي راحت وحنا ما انجزنا شيء فيها نعوضها بالأيام الجاية نطور من انفسنا اكثر دورات وخبرات والجامعات هنا قربت تفتح للتسجيل في الماجستير ونقول راحت فرصة وجات بدالها عشر فرص .


والله يوفقنا ونوصل لمناصب عالية 💪💜

الحمدلله على كل حال
المؤسسات الثانيه معطيه خبر اختبار من قبل بس هالمؤسسة مسوية حركة سبرايـز فجأه نشوف في اختبار قدرات ومده قصيره
فممدانا نتجهز مو عذر لكن والله جد ظلم


المهم أحب اشكر كل الأعضاء الي هنا كثير منكم ساعدني بستفساراتي خصوصا أخ شموخ

والله يوفقكمـ ويوفقنا اجمعين
ونشوفكم أن شالله بعد ستة أشهر في مرحلة ثانيه أذا ربي احيانا<<وراهم وراهم خخخخ

العفو أختي الكريمة. إخوان ونتعاون.
الله يوفقك

https://telegram.me/joinchat/CI_JCgKUSqu27DAUqFuPHw

هذا بعض الاشخاص مسوين قروب تلجرام للتجهيز للمقابله ..
بالتوفيق

أنا معدلي بالقدرات 83 وبالجامعة 4.61 يعني كيف ماحسبوها الحمد لله معدلي حلو..وما أرسلولي شي..
عزام الدخيل وقع معهم مذكرة تفاهم على 5000 آلاف مقعد معقولة ما يكون منها ماستر إلا 160 لجميع التخصصات؟!!!
حتى لو الأغلبية باكلريوس على الأقل ألف من اصل خمسة 160 رقم مضحك على مستوى المملكة!!
وحسب المتعارف االابتعاث الخارجي من يوم ما فتح الأولوية للدراسات العليا!!
بحكم إن الهدف منه إحضار ماليس موجود..وتخصصات المتقدمين كلها موجودة عندنا باكلريوس..لكن الماستر هو المحدود..المعلومة غير منطقية أبدا
لكن هل الي درجاته عالية وماجاه رد لسا له أمل؟؟ مثل مارجعو وأرسلو لدفعة ثانية للباكلريوس للمقابلة الشخصية؟؟
يا رب تكرمنا وتوفقنا

حابه أقول مبروك لكل اللي قبلوهم
والله يوفقكم ان شاء الله
واللي ما قبلوهم إن شاء الله
الله يعوضنا بشي أخير منه
وشكراً لجميع الأعضاء الموجودين .

مستشارة قانونية. حتى الان ولا قانوني او قانونية وصل لهم مسج بالمقابلة؟ مالك الا تنتظرين وبالنسبة لدرجتك فأعتقد تعديتي مرحلة الخطر

ربي يوفق الجميع

المضحك المبكي ان المفروض تكون الاولوية لِـ الدراسات العليا ! هذا المتعارف عليه عموما

تواصلت مع استاذ ماجد وعلى طول سالني انتي IT والا قانون قلت لا قال اجل ماليه قلت لا

انا قدمت استثمار وقدراتي بالسبعين ومعدلي جميل الحمدلله ..وقال الي اقل من الثمانين اظطرينا ماندخلهم بالترشيح وانا عارف كلكم متميزين وتستحقون لكن مافيه شي واضح للان

الدعوه مره حوسه ولخبطه حتى حقين البرنامج انفسهم موب عارفين

صحيح اعتبر اني انرفضت تقريبا لكن الي هوّن عليّ الامر اسلوبه ماشاءالله تبارك الرحمن


سألته بتتغير حالتي بالموقع قال لا
وخلي عندك امل ماتدرين يمكن تتم احالتك الى جهة اخرى


عاد احنا الاستثمار ننعد ع الاصابع

عموما الف مبروك للي انقبلوا الله يوفقكم والي ماربي كتب ماتدرون شرّ وربي صرفه عنكم ❤

السلام عليكم اخواني
انا مقدم ماجستير قانون
في امريكا ، كندا
وآخر مرحلة عديتها هي القدرات
ومن طلعت النتيجة ماجاني خبر
مين ممكن يفيدني اذا كانوا ردوا على احد او لا؟
ومتى ممكن يردون ؟
وكم عدد المقاعد المتاحة لتخصص القانون ؟ وكم عدد المتقدمين ؟