حجز موعد المقابلة أو الاختبارات الوظيفية ...

حسبنا الله و نعم الوكيل
فعلاً أنا كلمت مؤسسة النقد اليوم و قالوا لي نفس الكلام و قلت للموظف أنا قدراتي و نسبتي الموزونة فوق ال 80 وماوصلني شي و سألته ادا في احتمال يرسلون مواعيد لأشخاص زياده ف الايام الجايه
قال ليي فيه احتمال ف تخصصات معينة بس ف الآي تي ماراح يرسلون لأن المنافسة قوية جدا وهم اختاروا بناءا على النسبة الموزونة.
ظلم بصراحة كان من المفترض على الأقل ندخل المقابلة الشخصية و بعدين يفاضلون أنا من الناس الي تركوا الوظيفة علشان شروط هذا البرنامج و بما أن تخصصي تقنية معلومات استغليت فترة الانتظار الطويلة و عملت روبوت و سويت له برنامج تحكم ف الكمبيوتر عن طريق لغة الجافا و كنت متأملة اني اعرض لهم عملي ف المقابلة الشخصية و لكن للأسف.
أدري الي صار خيره لي بس و الله من كلمتهم لحد الان وأنا متضايقة و دموعي تنزل لاارادي.
بس الحمدلله دائما و ابدا و الله يوفق الجميع يارب و يقدم لنا الي فيه الخير

لعلها خيرة .
الخيرة فيما اختاره الله لك.
بالتوفيق

ان شاءلله خيرة

واذا في فرصة ثانية للسنة الجاية قدمي
الله يكتبها لك

اللي جاهم قبول للمقابلة الله يوفقهم
لكن حنا ظلمونا بأنهم ماقالو اختبار القدرات من أول ولا امدانا نستعد
غير كذا صار هو المعيار للمفاضلة !!

طبعا غير ان الشركات هي اللي تحدد القبول وعدد الطلاب من بكالوريوس او ماستر
ومحد وضح لنا هالنقطة !

لما كلنا اخترنا مؤسسة النقد كان المعيار الوحيد اجتياز المقابلة ؟؟
وحنا اصلا رفضونا بدون ماندخل المقابلة

انا كنت ابي البعثة للدراسة مو للوظيفة اصلا
ولما حققت الشروط من محرم والخ
وقدمت على اساس انها مثل السنوات السابقة
لكن غيرو النظام كله

سؤال : في اشخاص موظفين قطاع حكومي او خاص واقبلوهم بالترشيح المبدرئي ؟؟

لا.. سألت في امل بالايام الجايه يطلب مني مقابله قالي لا للأسف مثل ماكتبت انو الاي تي عليه ضغط كبير ووقفوا على 90 الموزونه
المشكلة كان عندي فرصة ثانيه جتني بنفس الوقت فضلت عليها هالبرنامج.. وضعت فيه أمل كبير..

اللهم ارزقني العوض القريب.. اذا ربي مش كاتبها لنا لو نحفي من اليوم لبكرا مارح نحصلها

نفس وضعي وجهزت لهم انجازاتي بس ماتركت وظيفتي لأني توقعت هذي الحوسه والتأخير لكن عدم الترشح للمقابله!! ابببدا ماكان بالحسبان لأنه فعلا غير عادل

فعلاً ..و نعم بالله

يارب..
ادا السنة الجايه نفس هذي الشروط مااتوقع اقدر اقدم بسبب شرط العمر.
الله يوفقك لك مالنا الا الصبر ماندري ايش يصير لعل الله يحدث بعد ذلك امرا.
بالنسبة لسؤالك ..نعم اعرف ناس موظفين قطاع خاص و ترشحوا مبدئيا

فعلاً عدم الترشح للمقابلة كان شي يغبن.
الله لا يضيع لك تعب .ان شاء الله يشوفون حل للمتضررين من ذا البرنامج

مافيه أي يش يضمن لك لأنك ما تعرفني شخصياً ولا تعرف ماجد شخصياً ولا احد يعرفه ـ لذلك الضمان انك تتصل على مؤسسة النقد وأول ما يرد عليك الرد الألي حط رقم التحويلة الي حطيتها لك ـ و أسأله بنفسك ــ

هذا أفضل حل لكـ بما أنك ـ حريص بالمعلومة الموثوقة ــ وأعتقد الجميع أصبح من الصعب الوثوق بالمعلومات لأنها صارت مثل المطر لكنها جمر بدال الماء ــ

والله يوفقك ويوفق الجميع انشاء الله ,

السلام عليكم ورحمة الله و بركاته،

المتضررين كيف نفسياتكم عقب الصدمة؟ عسى الله يعوضنا وياكم باللي افضل.

اخر محاولة وعساها تصيب، فيه شباب وبنات متجمعين في قروب تليقرام جهزنا برقية و بنرسلها لمكتب الملك سلمان ومكتب محمد بن سلمان.

اللي حاب يدخل القروب ويضم صوته معنا فـ هذا الرابط:

https://telegram.me/joinchat/BkeahAEMsVzKJPGjOYcKmg