شرح أبرز ما جاء في اختبار ومقابلة الهيئة الملكية

نظراً للمنافسة القوية بين المتقدمين والأعداد الكبيرة المتقدمة لبعض التخصصات وبعد اجراء المفاضلة بين المتقدمين بناء على المعدل الأكاديمي. فإن الهيئة الملكية للجبيل وينبع تبلغك بأنك ضمن قائمة الانتظار للمدعوين الى المقابلة الشخصية. وفي حال وجود مقعد متاح سيتم التواصل معك عن طريق البريد الالكتروني وارسال رسالة الى جوالك المسجل لدينا وذلك في موعد اقصاه اسبوع من تاريخ هذه الرسالة.


هذه رسالتهم حقت الايميل

يب يب هذه الرسالة اللي وصلت لكل الشباب اللي على قائمة الانتظار بس مالهم اي حق يقولو كذا على حسب المعدل من شروط الابتعاث إنّو يكون المعدل فوق 3.75 والكل هنا مستوفي الشروط ... حتى لو كان في إعداد كبير ماتفاضل في المعدل بل تسوي اختبار او مقابلة

فعلآ والله لازم يكون في اختبارات لجميع المتقدمين واختيار الافضل ، المعدل نسبه والمقابله الشخصيه نسبه والتخصص نسبه وجمع النقاط وخذ الافضل ، كيف تحكم ع المتقدمين بالمعدل في جامعات سهله وفي جامعات صعبه وفي تخصصات صعبه وفي تخصصات سهله ، قسم بالله ظلم ،، حسبي الله ونعم الوكيل ، الله يوفقك اللي تم ترشيحهم ودعواتي لكم بالخير

للمعلومية الجامعات بعد لها مفاضلة وترتيب معين المسألة مو لعب ....
بداية من جامعة الملك فهد للبترول والمعادن وبعدها جامعة الملك سعود او الامام مو مفتكرة بالضبط وهكذا ...
لاتحط في بالك جامعات سهلة وصعبة مثل ماقلت تبدأ بالجامعات الاقوى ...
بالنسبة للتخصصات ( حسب الإحتياج ) للجهة الوظيفية
( يعني ممكن يقبلوا تخصص علم اجتماع ويرفضوا هندسة ) مو والله استهانه ببعض التخصصات ولكن الناس قدرات وميول ورغبات هههههههه وحظوظ بعد الله سبحانه
أضف لذلك اللي معدله من ٥ افضل من اللي معدله من ٤
والله يوفقنا جميع ويكتب لنا مافيه الخير والصالح

اتمنى من الاخوه اللي اختبرو و حضرو المقابله يتكرمو لنا لو برؤس اقلام عن اللي واجهو

والله ولي التوفيق

طيب كانو قالو من اول إنّو في ترتيت بالجامعة وفي افضلية مو الوزارة تعمل شروط وهما في نص التقديم ينزلو شروط على كيفهم شوفي اغلب الجهات عملت اختبارات لجميع المتقدمين وانا ما ابخص حق كل المتقدمين لكن من المفترض انو يكون فيه توجيه من جهة الوزارة من حيث التخصصات في الجهات الوظيفية اي بمعنى

الهيئة الملكية ايش مجالها شركات ومصانع بتروكيماوية اي تحتاج تخصصات علمية

والله حرام اغلب الشركات خلصت والهيئة لسى ما خلصو من المقابلات

مليت من الانتظار والتعب و5 أشهر بدون عمل وبعد ما شفت هالنتيجة والله أني تمنيت لو قدمت في اي جهة ثانية غير الهيئة

يارجال والله انا مليت إن جات خير وبركة وإن لا يكون أفضل لأني عارف محا تكون خير ليا

نصيحة للجميع من اخوكم سجلو في الجامعات متى ما فتحت
ودورو على وظائف من له الرغبة في الوظيفة وخلو البعثة مثل ماهي إن جات خير وبركة وإن لا برضو خير وبركة
ضاع من وقتنا الكثير في الإنتظار طيب إلى متى
خلاص كل واحد لازم يحط قدّامه خيار إن ممكن تجيه رسالة بالرفض من البعثة بعدها وش يسوي لازم من الأن تفكرو لأن الوضع ما يطمئن
وسامحوني على الإطالة
بالنسبة ليا قدمت على الكلية التقنية بجدة بكالوريوس
وعندي اختبار قبول بكرا إدعولي بالتوفيق
والله يوفقك ويوفقني ويكتب لكم ولي كل خير بإذنه

السلام عليكم ,

اسعد الله مساكم . انا توني مخلص المقابله واختبار الانقليزي واتمنى ان يحالفني الحظ واكون من المقبولين.

بالنسبه للعدد تقريبا كان 15 شخص , التنظيم كان ممتاز ومتعاونين , والافضل انك تجي بدري عشان تخلص بدري.

اختبار الانقليزي كان سهل جدا , الاختبار من جامعة ( English Placment test of ( michigan university يمكن لو تبحثون عن النت لاختباراتهم او اختبارات مشابهه بتحصلون.

الاختبار مقسم لاربعة اقسام ( listening, grammar vocabulary, reading ). مدة الاختبار ساعه كامله.

المقابله : كانت بالعربي , بالبدايه تعرف عن نفسك , واغلب الاسئله كانت من السي في ومن خلال التجارب الماضيه في العمل او التدريب او مشروع التخرج.

هم راح يصرون انك تذكر خطتك المستقبليه , وليش تدرس هالتخصص وليش تبي تاخذ ماجستير وفي ايش راح تفيدك ووش بتسوي بعد الماجستير ومن هاذي الاسئله . عن نفسي صارحة ما حبيت اوضح لهم بالضبط وش ابي انا لان ممكن اخسر الفرصه لو قلت لهم مثلا ابي اكون اكاديمي وهم بالاصل يبحثون عن مهندس ميداني. ف كنت عام ورادوني بالاسئله كثير مدري شي ايجيابي ولا سلبي . لكن اعطيتهم خطه دراسيه فقط وما ربطتها في العمل.

طبعا فيه نقطه مهمه جدا وقاليها بالحرف : ماهو شرط ابدا انك تتخرج ونوظفك . وهينا سلكت الموضوع ولا ناقشته وابديت له الموافقه لان في النهايه انا ابي ادرس واتفتح ع معالم ثانيه وتتوسع مدراكي .

هذا اللي عندي والله يوفقكم جميع . الموضوع جدا سهل احرص انك تجي بدري وكل شي بيتسهل . موفقين

وعليكم السلام ورحمة الله وبركاته

اهلا استاذ خالد إن شاء الله راح تبشرنا بالقبول النهائي إن شاء الله ، بس إيش تخصصك أخي؟ وهل كان في زحمه ولا ؟

الله يوفقك