شرح أبرز ما جاء في اختبار ومقابلة الهيئة الملكية

السلام عليكم ,

اسعد الله مساكم . انا توني مخلص المقابله واختبار الانقليزي واتمنى ان يحالفني الحظ واكون من المقبولين.

بالنسبه للعدد تقريبا كان 15 شخص , التنظيم كان ممتاز ومتعاونين , والافضل انك تجي بدري عشان تخلص بدري.

اختبار الانقليزي كان سهل جدا , الاختبار من جامعة ( English Placment test of ( michigan university يمكن لو تبحثون عن النت لاختباراتهم او اختبارات مشابهه بتحصلون.

الاختبار مقسم لاربعة اقسام ( listening, grammar vocabulary, reading ). مدة الاختبار ساعه كامله.

المقابله : كانت بالعربي , بالبدايه تعرف عن نفسك , واغلب الاسئله كانت من السي في ومن خلال التجارب الماضيه في العمل او التدريب او مشروع التخرج.

هم راح يصرون انك تذكر خطتك المستقبليه , وليش تدرس هالتخصص وليش تبي تاخذ ماجستير وفي ايش راح تفيدك ووش بتسوي بعد الماجستير ومن هاذي الاسئله . عن نفسي صارحة ما حبيت اوضح لهم بالضبط وش ابي انا لان ممكن اخسر الفرصه لو قلت لهم مثلا ابي اكون اكاديمي وهم بالاصل يبحثون عن مهندس ميداني. ف كنت عام ورادوني بالاسئله كثير مدري شي ايجيابي ولا سلبي . لكن اعطيتهم خطه دراسيه فقط وما ربطتها في العمل.

طبعا فيه نقطه مهمه جدا وقاليها بالحرف : ماهو شرط ابدا انك تتخرج ونوظفك . وهينا سلكت الموضوع ولا ناقشته وابديت له الموافقه لان في النهايه انا ابي ادرس واتفتح ع معالم ثانيه وتتوسع مدراكي .

هذا اللي عندي والله يوفقكم جميع . الموضوع جدا سهل احرص انك تجي بدري وكل شي بيتسهل . موفقين

أخ kaser31a

بس لدي إستفسار ما قد شفت وقابلت احد المرشحين للماستر هندسه كهربائية ؟ أمرهم غريب مسحوب عليه تخصصنا للماستر ، و الإيميل محد يرد ،بالأول والأخير ما نقول الا الحمد لله على كل حال.

هلا والله اخوي عبدالرحمن ،، ونعم بالله .
والله للأسف ماتعرفت الا على واحد كان جالس جنبي في ساحه الانتظار

كنت ناوي اليوم اكلمهم بخصوص موضوعكم وقائمه الانتظار لكن كان تعاملهم معنا جدا رسمي ،، لدرجه اني سألتهم راح نبدأ اول بالاختبار او المقابله ؟؟ فجلس يطالعني بنظره غريبه وقالي كل شي تعرفه في وقته وسحب علي ️

هههههههههههههههههههه السلامه زينه ياخوي ، الله يعافيك والله ما تقصر ، إن شاء الله يصير خير الإسبوع ذا ونتطمن

شكرا لكل من نقلنا تجربته والله يرزقكم البعثة يارب

- - - مشاركة محدثة - - -

انا تو ردوا علي بخصوص الانتظار قالوا سيتم الرد على جميع المتقدمين في الايام القادمة

طيب شباب اللي حضرتم عن المقابله ما سئلتهم عن القبول النتائج متى تطلع ؟

أخ kaser31a

بس لدي إستفسار ما قد شفت وقابلت احد المرشحين للماستر هندسه كهربائية ؟ أمرهم غريب مسحوب عليه تخصصنا للماستر ، و الإيميل محد يرد ،بالأول والأخير ما نقول الا الحمد لله على كل حال.

طيب شباب اللي حضرتم عن المقابله ما سئلتهم عن القبول النتائج متى تطلع ؟