تجمع المتقدمين على المؤسسة العامة للصناعات الحربية !!

على طاري الاختبار في احد يقدر يشرحلي السؤال هذا، طبعا ما فية له شرح بالكتاب اللي عندي. اذا طلع حلة سهل راح اتحطم صراحة.

هل استاذي مكتوبه الاجابه تحت السؤال ان ماخاب ظني

aالاجابه

لكن بالمناسبه وش اسم هالكتاب !؟

كتاب امل القحطاني
الأجابة هي a بس ابي الشرح لاهنتوا...

هل اجرائاتنا راح تكون روتينيه ؟! !!!!!

حسب التخصص والمقدمين عليه.

يامرحبا م. سعد النصائح توكل على الله وفوض امرك إلى الله.. خلك طبيعي بالنسبة الوقت 120 دقيقة إجراءات موظفي قياس سهلة جداً..بالنسبة ياريد تنهي الأسئلة الفردية السهلة بسرعة..لأن هناك أسئلة الفقرات (القطع) الإستنباط والإستنتاج وهذي تأخذ وقت أطول ياريد تراجع قبل تنتهي من كل قسم...الله يوفقك

بالنسبة لعناصر المفاضلة في المؤسسة العامة للصناعات العسكرية حتى الآن هي:
1-المقابلة الشخصية (لجميع المراحل) إجباري وسيعتمدون على المفاضلة (المعدل في شهادتك + درجتك في المقابلة الشخصية)
2- العنصر الجديد اللي طلبوه الأسبوع الماضي اللي هو إختبار قياس فقط إجباري (للماجستير-الدكتوراة). وسيعتمدون في المفاضلة على(المعدل في شهادتك +درجتك في قياس+ درجتك في المقابلة الشخصية)



النتائج ماتظهر إلا بعد أسبوعيــــن

تنبيهات بخصوص المقابلة الشخصية:
نصائح عامة 1- خلك طبيعي وهادئ 2- كن مرتب ونموذجي في إجاباتك 3- لاتنزعج من الأسئلة المفاجأة 4- كل سؤال موجه لك ياريت تعطيه حقه من الإجابة.
بالنسبة للأسئلة المتوقعه:
1- أسئلة عامة 80% (ثقافة عامة ).
2- أسئلة متخصصة.

السلام عليكم ورحمة الله

انا اختبرت اليوم الظهر وحاب أشارككم تجربتي للمهتم علماً أن هذا رابع اختبار قدرات اختبره.

وقبلها بحاول اجاوب على بعض الأسئلة المتكرره.
اولا: رسالة التحقق تجاهلها تماماً، مالها اي معنى سوا تأكد تسجيل رقمك في قاعدة البيانات وان رقمك مفعل.
ثانياً: مايحتاجون منك اي شي لدخول الاختبار سوا الهويه الوطنية، ورآح تبصم بيديك الثنتين وياخذون لك صوره شخصيه، فلا تستغرب من هذا الإجراء.
ثالثاً: مايحتاج تسدد ولا تدفع ولا ريال، المؤسسة متكلفة بقيمة الاختبار، كل ماعليك التسجيل والحضور في الموعد. إجراءات التسجيل ماتستغرق اكثر من دقيقتين.
رابعاً: نتيجة الاختبار راح تظهر بعد أسبوع الى أسبوعين على موقع قياس. يعني اختبر وتوكل على الله وتابع معهم بعض أسبوع والله يوفق الجميع.
خامساً: ممنوع دخول اي اله حاسبة او اي محتويات او مقتنيات شخصية، حتى الساعه وبكت الدخان غير مسموح فيها.
سادساً: المكان مراقب بكاميرات ومجهز تجهيز جميل وممتاز جداً، صار نفس اختبار الجيمات واختبار الزمالة الامريكية.

نجي الان للأختبار.

الاختبار يستغرق ساعتين وربع بالضبط.
الاختبار عباره عن خمس اجزاء، كل جزء من الجزء الاول والثاني والثالث عباره عن ٢٤ سؤال، وكل جزء يستغرق ٢٥ دقيقة.
كل جزء محدد بوقت، يعني لازم تجاوب كل الأسئلة ال ٢٤ في الوقت المحدد الي هو ٢٥ دقيقة.
الجزء الرابع والخامس عباره عن ١٦ سؤال لكل جزء، وكل جزء برضوا محدد بوقت الي هو ٢٥ دقيقه.
الاختبار عباره عن أسئلة عامة، رياضيات، لغة، منطق.
الاختبار مجملاً موب صعب.
الاختبار يحتاج تركيز كبير قبل البدء وأثناء الاختبار.
قبل البدء في جواب اي فقره اقرأ السؤال بتركيز عشان تعرف تجاوب.
اخر خمس الأسئلة في الأجزاء الثلاثه الاولى عباره عن قطعه تقرأها وتجاوب عليها. القطعة مكرره في كل سؤال، يعني لاتخاف مايحتاج تلف او تتقدم او تتأخر، كل ماعليك تقرا السؤال وتقرأ الجزء الخاص بالسؤال من القطعه، لأنك لو قريتها كامله راح تنساها عند الذهاب للسؤال الي بعده.

هذا الاختبار بشكل عام والآن عندي بعض النصائح للمتقدمين اذا حاب ومهتم.
. توكل على الله أولاً وأخيراً
. الاختبار ما يحتاج مذاكره، قد مايحتاج تعرف سياسة الطريقة والأسئلة وكيفية الإجابة، وهذي مذكورة في المقدمة الي راح تقرأها إجباريا قبل لا يبدأ الاختبار من خلال الكمبيوتر.
. بيعطونك ورقة نوت وقلم، راح تستخدمها فتذكر انها معاك ولا تبدأ تحسب في رأسك او على أصابعك علشان تكسب الوقت ولا تضيع في الحساب.
. يوجد في الاختبار خاصية مراجعة الأسئلة الي شاك في إجابتها او ماحليتها، فلا تحط على اي سؤال مراجعة او تذكير، لا تحط مراجعة الا على السؤال الي فعلاً تبي تتأكد من اجابتك، وهذا بسبب ضيق الوقت، وفي الغالب يمكن مايمديك تراجع اذا عندك أسئلة كثيره تحتاج مراجعة.
. يعتمد تنظيم الوقت كل جزء في الاختبار على شخصك، بعض الأسئلة جوابها يحتاج دقيقتين، هذا علم عليه وروح للي بعده عشان تكسب وتحفظ وقتك، اذا خلصت ارجع له وحله، طبعاً تحديد وقت اجابة السؤال يعتمد عليك انت.
. حاول تكون هادي ومركز، المكان مهيأ والأسئلة صدقوني موب صعبه، تحتاج تركيز فقط.

حاولت اجمع كل الي اذكر او جا ببالي، وأتمنى أكون أفدتكم.

لاتنسوني من دعواتكم، والله يوفقكم جميعاً.

ماطلع عندي حجز المواعيد انا الوحيده لو في احد مثلي ؟ ، ياخوفي يصدمونا ويقولون المؤسسه بس للشباب

الحجز كان لمده يوم واحد. للحين ماحجزتي ؟؟