تجمع المتقدمين على المؤسسة العامة للخطوط الحديدية (١١)

يوم رحت للمؤسسة قالولي ان طلاب الهندسة المدنية راح يحطوهم في دول الإتحاد الأوروبي
و يوم قدمت طلب الضمان المالي من امريكا قبلوا الطلب
مع العلم اني من طلاب الهندسة المدنية !!!

رسلت لهم استفسار

شباب اش صار بالعقود

المؤسسة ارسلت الاتفاقية على الايميل

لاهنت ابي اتواصل معك بأي طريقة ان امكن ، عندي امور كثيرة تدور في راسي بخصوص المؤسسة .

تفضل

راح اجاوبك باللي أعرفه أن شاء الله

اولا هل ابتعثت تبع المؤسسة العامة للخطوط الحديدية ؟
معدل الدرجات معقول ولا لا ، كم عدد اللي تقدموا على المؤسسة ؟ ، هل كان القبول صعب ؟ ، ايش قالو لك في المقابلة ؟ ، ايش الدول اللي تبعث لها المؤسسة ، واخيرا برنامج اللغة الانجليزية هنا ولا في دولة الابتعاث ؟

ادري غثيتك بس تحملنا شوي

اي نعم أنا مبتعث تبع المؤسسة

الدرجات مطلوبة في التسجيل الأساسي للابتعاث
المؤسسة ممكن انها تسوي مفاضلة بين الطلاب بنسب معينة من الدرجات والمقابلة لأن الوزارة ترسل لها طلاب أكثر من حاجتها فالمؤسسة تختار

ماذكر عدد الطلاب اتوقع كانو 240 طالب اللي سوو المقابلة

القبول كل ما ارتفعت درجاتك وحضرت للمقابلة بيكون أسهل أن شاء الله

ماذكر أسئلة المقابلة بالضبط لكنها كانت اسألة عادية مثل اللي في جميع المقابلات

في البداية كانت فقط اسبانيا وكم دولة لغتهم ليست انجليزية لكن بعدين فتحوا امريكا مادري السنة هذي ايش هي الدول اللي بيفتحوها

اللغة في دولة الابتعاث

خذ راحتك

لاهنت اقدر اتواصل معك على الخاص ؟ تويتر او ماشابه ؟ لاهنت

المشكلة قوانين المنتدى تمنع وضع الحسابات الشخصية