تجمع المتقدمين على وزارة الصحه

السلام عليكم .. هل ممكن اقدم على الجامعات عن طريق مكتب ولا لازم بنفسي اراسلهم ؟

الله يعطيك العافية

المكاتب ربحية غالبا، الحل انك تروح لموقعهم وتعبي الابليكيشن حق التسجيل وعاد اذا طابقت شروط الجامعة بعدين ترسل بالبريد لعنوانهم المتطلبات الشهادة الاخيرة والسجل الاكاديمي والضمان المالي (و اذا مطلوب ايلتس او توفل وبعضهم سات ) قيمة التقديم يمكن 60 او 50 دولار ماني متذكر تدفعها فيزا او شيك على حسب الجامعة ، بعدين يرسلون لك القبول ( ورقة مختومة pdf ) وهذا هو القبول الجامعي عشان تتطلع قرار الابتعاث ،،

الرابط هذا مفيد http://www.mbt3th.us/vb/forum8/threa...l#.VvpYBvkrLIU

بالتوفيق

طلاب وزارة الصحة استفسرت عن العقود وجاني رد "يجب ان تتواصل مع جهتك بأسرع وقت" يعني بالعربي رموها علينا ولا فكرو يتواصلو معهم لذلك يا شباب اللي ناوي يطلع شهر 5 ميلادي يتواصل مع الصحة لان وزارة التعليم نايمين
هذي ايميلات التواصل مع ادارة الابتعاث لوزارة الصحة راسلوهم

قسم الابتعاث الخارجي
hqts.s@moh.gov.sa
قسم الايفاد الداخلي
hqts.efad@moh.gov.sa

مو المشكلة منصور اليامي الي المفروض يكون مسؤول الابتعاث في وزارة الصحة صرح في التويتر ان ماعنده اي معلومة عن العقود و ان الشي يعتمد على وزارة التعليم.
من عادتهم كل جهة تقطه على الثانية و تطيح براسنا.
حسبنا الله ونعم الوكيل المفروض البرنامج يصير اسمه وظيفتك من صحتك بدل وظيفتك و بعثتك.

على العموم ياجماعة الشي الأكيد ان موعد توقيع العقود مابيصدر قبل مايخلصوا من نتائج المفاضلة، و يمكن ينتظروا لين مايجي القبول و كل شي يعني مو قبل شهر.

ان اشاء الله بقدم على الابتعاث هالسنة حبيت اسأل ماهي شروط القبول للطب في بولندا وهذي السنة الثانية من تخرجي ثانوي ومن شروطهم انه ما تتجاوز شهادة الثانوي سنتان او اكثر (ياليت احد يأكد لي هالشيء) خصوصا انه راح يكون الفرق شهر بس

انا رسلولي رسالة انو القبول مسؤولية الملحقية الثقافية ..وما عرفت أصلا أي دولة حروح !!
انا مقدمة على بكالوريس طب
ممكن احد يفيديني ايش يقصدو بده الكلام؟

صحيح هذي من ضمن شروط التقديم على الطب.

أقدر ارفع طلب استثناء أو شي مثل كذا؟