تجمع المتقدمين على وزارة التجارة والصناعة !!

موفقين يارب. و أرض الله واسعة يا حبايبي. عندكم دول الخليج فرص أوفر هناك. عندي عدة زملاء ماشاءالله عليهم متوظفين و مكملين دراستهم فيها. لا تقف عند أي حد أبداً.

أكيد ماراح يوقفنا برنامج .باذن الله وراح نكمل الخطط البديلة . بس تعب علينا الانتظار كذا لو يعطونا قبول او رفض .. لكن نتفائل بالدفعات القادمة .. واللي انقبل اسأل الله له التوفيق والسداد .. مازلنا ننتظر حتى ينزلون مواعيد الملتقيات واذا ما نزلت نعوض بالسنوات القادمة باذن الله .. متأكدة اللي قدم من خيرة الطلبة .. يارب بشرنا بما يسرنا .. وربما يكون شر صرفه الله عنا ..

انا الحمدالله جاني قبول نهائي
قانون دولي - ماجستير
وزارة التجارة

الكل بيقول انو بكرا راح تنزل دفعة قبوول للبقيه ان شالله ، الله يكتبلكم اللي فيلوا الخير

الصناعات الحربية نزلت مواعيد المتلقيات في 28-29-30
فاعتقد انو الوزارة اللي تخلص دفعتها تنزل ايام ملتقيتها

عفوا متى جاك القبول ؟ اليوم ؟

لا الخميس اللي فات

هذي تواريخ مقابلات الصناعات الحربية ماهي الملتقيات

محد جاه قبول اليوم !

للاسف الشديد لا

ببتأخر القبولات ،، عني انا ما صار فيني صبر ودقيت ع جهتي الوظيفيه شركة kpmg وقلت لهم ابغى شفافيه ووضوح ومستحيل انتم من قابل وما تم الاختيار عن طريقكم قلت له من الآخر اسمي فلانه الفلاني تخصص تسويق واعطيته معدلي وقلت له هل انتظر الدفعات الثانيه والا خلصتم الاختيار واللي نزلت اسمائهم ف الدفعه الاولى هذولا فقط اللي اخترتوهم قال لي عبدالله الفوزان رئيس مجلس ادارة الشركة اكون صريح معك اخت فاطمه احنا ركزنا ع تخصص المحاسبه واللي معدلاتهم عاليه جدا جدا ومتمكنين من اللغه ،، لأن طبيعة عمل الشركة محاسبي واللغه اول شروطها ، شكرته ع الرد وارتحت لمن عرفت اني مو مقبوله ،، واللي تبع هالشركة ان كنتم محاسبه تأملوا خير مو محاسبه لا تزعلون اقولكم شي يفرحكم ترى باقي ع التقديم لرمضان الجاي ٥ شهور و ٢٠ يوم ما بقى كثير 🙃 ،،، انا بقعد هالخمس اشهر واجرب ضربة الحظ من جديد في الجامعات وبرنامج الابتعاث وان خابت مره ما بتخيب المره الثانيه ،،



حتى اللي رفضوا لا تزعلون باقي ع التقديم الجاي برمضان ٥ شهوووووور قليل باقي م بقى كثير 🏼🏼🏼🏼🏼🏼

الله يوفقكم يارب. و كلامك صحيح باقي وقت قليل حتى تقديم رمضان. أستغلو وقتكم بالعمل و جمع الخبرة مع دراسة الجامعة على الأقل.