ماجستير الحقوق الطبية والمؤسساتية

صح وتذكرت قال ترا مو اكيد ان اخذت الشهاده ورجعت نوظفك وش راح تسوي

لان فيه مقابله وظيفيه بعد ماترجع

السلام عليكم انا مقابلتي الاحد الجاي 24 ابريل الساعه 10 صباحا الله ييسر
تخصصي قانون والدوله اللي طلعت امريكا ماني حاطتها الخيار الاول وطلعت لي مادري هل لو تم القبول بيكون عليها او لا

بالنسبه للمقابله في كذا شخص منزلين اسئلة عن مقابلتهم في تويتر

قالو انه كان في عدة لجان وكل لجنة شخص مدري هل البنات بنكون نفسهم او لا
الاسئلة ماكان فيها شي شخصي ولا سياسي
مدة المقابله 10/15 دقيقه
سالوه عن الانجليزي هل تتكلم بالانجليزي ومدى معرفتك بالانجليزي بناء عليه يكون السؤال

#تم السؤال عن الاهداف بعد 10/5 سنوات
#ايش راح تفيد الوزارة الداخلية لو تم قبولك
#ايش راح تعمل لو رفضناك
#ماهو مدى معرفتك بالتخصص ((الحقوق القانونية الطبيه المؤسساتيه))
#عرف الالتزام .؟
الجواب
واجب قانوني يقع على عاتق شخص(مدين ) يلتزم بأداء مالي لمصلحة شخص أخر وهو (الدائن).

#لورجعت من بلد الابتعاث ولم يتم توظيفك ماذا ستفعل ..؟


بعدها قال اطرح اي سؤال
ماهو التخصص .؟ الجواب انه وظيفة التخصص انه يدافع عن حقوق المستشفى في الاخطاء الطبية وما الى ذلك
هل الوظيفة مضمونة ..؟ لا غير مضمونة


اسال الله لنا ولكم التوفيق

في واحد كانت مقابلته اليوم وقالوله انهم مو مسؤولين عن دراسة اللغه لمبتعثي الماستر!

كيف مو مسؤولين عن دراسة اللغه لطلاب الماستر ... كلام مو في محله ٩٠٪ من التخصصات دراستها بالعربي ف الجامعه ... ما اعتقد هالكلام صحيح ...

اهلين ومرحبا للجميع .. انا مقابلتي هالاسبوع ان شاء الله الله يسهلها


بس وش تعرفون عن افضل الولايات بامريكا وافضل الجامعات لتخصصنا ..؟؟

موفقين جميعا 💕
الله يستر منهم بس الحمدالله و انا واثقه فينا و بقدراتنا و كلكم تقدرون لا تَحُطُّون الخوف حاجز لنا

بالنسبه لأستاذ احمد وينك ما قلت لنا وش صار معك

أستاذ عبدالله اشكرك على معلومات

يلا انتظر تجاربكم

السلام عليكم ،،الحين بالمقابلات الشخصية تكرر سؤال هل عندك قبول المفروض كطلاب ماستر المطلوب نجيب قبول لغه والا ماستر ؟

السلام عليكم أعتذر جداً عن التأخير نظرا لسفري من الرياض للمدينة بعد القابلة مباشرة
نبداْ معكم التفاصيل بالكامل أول حاجة الفندق للأشخاص الي من خارج الرياض
اسم الفندق مرفال للأجنحه الفندقية فندق حلو ونظيف وسعره ب 190 ريال للغرفة الواحدة وهي نظام استديو
المقابله الحمدلله المقابلة كانت جداً سهله ونظامهم 10 مكاتب وكل مكتب عليه شخص طبعاً أول ماتوصل ياخذوا الهويه الوطنية ويتأكدوا منها وبعدين يعطيك ورقه صفرا فيها رقم مكتوب لنفترض 6 على رقمي خلاص تكون المقابلة عند المكتب رقم 6 طبعاً الأسئلة تختلف من واحد لأخر
أول شي عرف عن نفسك
وبعده هل يوجد لديك أطفال
وبعده ليش أخترت تخصص الحقوق
وبعده تعرف تتكلم انجليزي اذا نعم حاول أن تعرف عن نفسك بالإنجليزي
وبعده سأل قال ايش معنى الإلتزام أو ايش تعرف عن الإلتزام
وبعده قام يسألني عن البرنامج قلت أنه من الإسم واضح انه تعاقد ثم ابتعاث فقال لا حتى لو ابتعثتك الدولة مو شرط انك مقبول بعد ماترجع نسوي مقابلات ثانية ونحدد المقبولين من المرفوضين بعدين بعدين قال انت ادا طلعت فأنت تمثل المملكة العربية السعوية على وجه العموم ووزارة الداخلية على وجه الخصوص سألته عن الدكتوراه ومن حب أنه يحضرها قال لا احنا طالبين ماستر فقط

هذا ماحدث معي من الألف الى الياء واعتذر عن التأخير
وأنوه لإدارة المنتدى أنه في حال التصفح من الجوال يكتب الرد لكن لا تظهر الحروف أو لايظهر مايكتب
واكرر اعتذاري من الجميع

السؤال عن الالتزام يقصد معناه القانوني ولا التزام اللي هو الانضباط او الديني ماعرفت وش المقصود

لا اتوقع يقصد الالتزام بشكل عام لانهم سألو التخصصات الثانيه عنه