(مُتَنفسْ للجَمِيعْ)غَيْمة مَحْمُومَةٌ بـ ..!!

وش صار و وش حصل ..؟
بشويش و دقيقة فهمني..
هل أنا صرت ماأنطاق.؟ أم أنت إلي متغير..؟
ماراح أسمح للوضع يزيد سوء..
تراها وصلت للحضيض صدقني..!
وين أبعد و وين أسوأ ممكن نوصل لهـ؟

أبي اسألك شي..
هل ممكن تكون أنت إلي بعت لهـ قلبي..
هل ممكن تكون أنت نصيبي.. و قسمتي في هالدنيا..
الوحيد إلي سمحت لهـ يحتكرني و برضاي !
و غيرت روحي عشانك.. و لغيرك لو يموت ماأرضاهـ..

تقول لي ايهـ .. و بكل قواهـ !!!
أجل ليش تسوي فيني هالسوات ..!!!





لاتحسب إني ماأحس .. لاتحسب إني ماأدري..
ترى جرحي عميق يافلان بس المشكلهـ شموخي..
أبكي و أموت في صمتي و أموت في اليوم ألف مرة أهون علي ..
ولا تدري بجرحي و إنكساري..

موب أنا أنكسر لفعلهـ إنسان ولا خيانة خوان..
صحيح إني بشر و مازدت ولانقصت عنك..

بس تذكر و حط في بالك أن لو تلف هالكون ماتلاقي من تعطيك نص إلي عطيتك..
إخلاص و وفا و حب حطم الأفلام..
كنت أصونك في غيابك أكثر من حضورك.. و غير أسمك لبشر والله ماناديت..

ملايين كانو عشاقي.. و أنت تدري بهم.. ولاتبي أذكرك بإلي مضى يافلان..!
كانو يتمنون نظرة وتكفيهم شهور..
غيرك صانني من دون مايملكني.. و أنت تملكتني بس ماصنتني ..!
نعمة غيرك تمناها و أنت من ضمنهم كنت تحلم بها و لاصدقت يوم صارت في إيدينك..
قبل كنت أنا الحلم إلي مستحيل توصل لهـ.. الخيال إلي مايفارقك صاحي أو نايم..
كنت تلم ترابي و كأنهـ ورود .. و تعظم (و العظمة لله وحدهـ) الطريق إلي أمر فيهـ.. و تسرح فيهـ بالساعات..
و بعد ماصرت حلالك.. طرت و كن ماغيرك تهنا و تحققت أقصى أحلامهـ..

يوم يومين.. سنه سنتين..و بعدها وش صرت تقول فيني..؟
وش فيها زود؟ وش تفرق عن باقي البنات؟ بلاقي إلي مثلها و زود؟
هذا كلامك يوم عاتبوك الناس..
لاتحسب مدري يافلان.. وعلى نياتكم ترزقون..
الله وصل لعندي كل شي..
إبتلاني فيك بس وراني عيوبك و خفاياك..

اخترت أصبر لأني أحبك.. و لأن قلبي قلب عذراء حفرت أسمك عليهـ ولايمكن ينساهـ
صحيح البعد كان أسلم و أعقل !
بس وش أسوي.. أبي الأجر و أملي كبير..
صدمت الناس يوم قلت يحبني و أدري ماغيري سكن قلبهـ و أنا أضحك على نفسي..
حتى مجنون ليلى لو درى بفعايلي وفعايلك لرد للعقل و ترك الهبال لي ..!
أعترف كنت هبلهـ يوم وثقت في إنسان..
مادريت إن الناس خوانهـ..
هبلهـ يوم كنت ملاك وسط البشر..

بس الحين.. وصلت لمفترق الطرق..
ومنيب متحملهـ أكثر بدعي ربي يرزقني من يعوضني..
أو الصبر و الأجر يوم القيامة أعظم..
ياتعقل و تقدر إلي الله عطاك..
ياالله يستر عليك..بأتركك قبل لاتحس بغيابي..
لاتحاتي بتعيش..و بتتذكر بنت فلان !
"عمتك" إلي خليتها تضيع بسواياك..
بتندم و عيش هاللحظات و تذكر فلانهـ ..

بترك لك في كل شي ذكرى.. عشان أضمن لك عذآآب ماينتهي..
و متأكدة إن عذابي ماراح يخلص و بيزيد يوم بعد يوم..
لأني أعرف مين أنا و مين أنت..
و غلطت يوم وافقت وخلطت الماي بزيت..!




فمآآآن الله يالحب..
والله ماعاد فيني صبر..
حاولت لأني أحبك حاااااااوت و بكل إلي فيني صرخت لك أحبك ليش كذ تردها لي..
قسوة و جفا..ألم و دموع..
غديت أكرهـ الليل لأنهـ يذكرني فيك..
و ماعدت أقوى أقوم صباحي من غير "صباح الخير ياأجمل ملاك"
بس اسمح لي أنت صرت يقرفني كذبك.. صحيح كنت أماشيك بس ماراح أعيد و أقولك ليهـ..
والحين صبري نفذ.. بترك لك هالليلهـ قرر و قول لي..
ياتشتري من باع الدنيا وقلب موازينها و شراك..
أو ببيعك بإلي يسواك..بترآآب هالصحاري و رملها..

إسمح لي دموعي غالية يافلان..
و إنت ماقدرت ثمنها..