~~~~~~ حكـــــــــــــاوينــــا ~~~~

إنشغلناا كثير بعد العيد ،،وذا اخنا نستعد بعوده الاطفال للمدارس والله يعين.
يارب تكونوا كلكم بصحه وسلام .

كلنا بصحه وسلااام الحمدالله

عساكي انتي بصحه وسلام يارب

والله يعينكم على عوده الاطفال للمدارس وتدريس لهم ورعايه

كان الله في عونكم


بس لا تنشغلين عن الموضوع وتحرمينا من حكاااويك

هدأت الضوضـاء.. وخفّ وهج الحماس
وذابت عن الألسن لذائذ حلوى العيد..
طابت لكم أعيـاد الحيـاه ...
ودُوّنت أسماءكم في لوح القدر من أهل الجنـه.


( تمت المشاركة باستخدام تطبيق مبتعث )

بالعشرر الأواخر من رمضان ..كنت أشوف حرمه كبيره بالسن ..تقريبا يوميا تحط بنت ابنتها في البيبي سيتر <غرفه للصلاه مع الاطفال ..أنا كنت اصلي بهذه الغرفه المنعزله مع اطفالي ..وهناك الكثير من النساء مع اطفالهن <اللهم زيد وبارك ,المهم
يوميا تحط البنت وتروح هي للصلاه في الغرفه المجاوره الخاليه من الاطفال ..لاخر يوم سبحان الله ..دخلت وجلست بجوااري ..واخذت معها واعطيت بالكلام ..استغربت من حديثهاا ..
تقول :- أنا حديثه الاسلام ما غلقت سنه من يوم اسلمت ..كنت اشتغل بالجيش الامريكي مع الكثير من المسلمين ..قالت خلال خمسه وثلاثين عام من الشغل مع المسلمين في الجيش ..ما عمري سمعت عن الاسلام شي بينهم ..ولاحد صحح من مساري في الحياه ..
ولا حد علمني شي عن دينهم ..
الكلام اوجع قلبي للامانه ..قلت لهاا يمكن يخافواا حد يشتكي بهم أو تتضايقي وكذاا مبررات ..
سألتها ..طيب كيف أسلمتي ..قالت درست بالكليه عن الاديان السماويه من قريب ..درسوني عن الاسلام ..وكذاا كل حرف قيل عن الدين الاسلامي أحسه رسخ بذهني وتبلووور بفكرري ..
فبدءت أهتم وابحث ..أحسه هو النجااه وليس الدين الذي كنت عليه ..
قالت الان ..اصبحت اتكلم عن الاسلام كثير ولو ما أعي منه الا القليل ..بس احسه واجب علي اني اتكلم ,حتى لو زعل المستمعون ..المهم اني ابريت ذمتي ..
قالت اي شي اتعلمه من هذا الدين ..أحدث به ولو لناس غير معتنقين به ..قالت لانـــي مقتنــعه به <<يعني سبحان الله الناس اللي كانت بينهم غير مقتنعين بالدين ؟شي يوجع ..عشره سنين وما أثرر ولا حركووا ساكن من حولهم ..
المهم ..أخذت رقمي يومهاا ..اليوم أتفأجااء باتصال منها ..تقولي علميني ..وهي كبيره بالسن ..عمرها يتجاوز الستين عام ..
رحبت باتصالهاا وبهاا ..بالرغم من انشغالي اللحظه ..كنت اطبخ اهل بيتي صائمون ..زوجي تولى امر الطبيخ ..وذا انا انتظرهااا الان ..طبعا الحرمه من جنوب امريكاا ..

طلعت الحرمه قبل شووي ..مشوارهاا طويل الله يعينها يارب ..
اليوم كان يوم متعب جداا بالنسبه لي ..صاحيه من اربع ونصف إلى الوقت هذااا ..خلصت أموري وخلص اليوم ..اللهم لك الحمد ياارب ..
الان في حاله هجوود ..

انا نفسي احد يسلم على يد

لاكن ما احس عندي العلم الكافي عشان اعطيه للشخص عشان يسلم

ولو جاء يناقشني ما اضن بعرف اتناقش زين معااااه

اخاف اوصل شى بطريقه غلط

خاصه اني جيراني لاصقين ببيتي اثنين كبار بالسن في السبعينات رجل وحرمته وطيبين جدااااااا

ودي اتجرأ يوم وادعيهم للاسلام

الدين المعاامله ..أحيان طيب اخلاق الشخص تدعوو للدين نفسه ..سلوكياته تصرفاته اسلوبه بالحيااه ..تعامله مع البشريه ..وهلم جرى ..
ليس بالضروره تكون شيخ ..أو داعيه ..او عندك من العلم الكثيرر ..
والهدايه من الله اولا واخيررا ..ذا هي الحرمه تقول لهاا سنين الله بين المسلمين ..واصدقاائهاا يعتبروا ..يعني ليست بالعلاقه العابره ..غير عشرره عمر ..ومهتدت !
الله نور قلبهاا للاسلام ..وكان كلاس يدرسوا به بعض الاديان السماويه ..فبحثت هي ..وشوف كيف ..

اليوم السفر ...باذن الله
شعور جربته من قبل لكن طعمه هالمره غير ...يارب عليك توكلنا يسر لنا جميع أمورنا .


( تمت المشاركة باستخدام تطبيق مبتعث )

الله يوفقك ويسهل امرك ويكتب لك كل خير بسفترك ياااارب

حبيت اسعدك بدعوة

النبي ﷺ سُئِلَ : أي العمل أحَب إلى الله ؟ قال " أدْومُه وإن قَل. صحيح مسلم.

رحمتك ياارب بناا ..