كل ما يتعلق ويختص بالمرحلة 12 تجدونه هنا!! وظيفتك وبعثتك

يا اخوان الحين اذا فك التقديم كم تقريباً تجلس المدة ؟ لاني للحين ماطلعت جواز السفر واخاف أتاخر ما الحق عالتسجيل

الجواز يطلع في يوم او يومين بالكثير

بالنسبة لمدة التسجيل العام كان 10 ايام اظن وعلى اخر يوم مددوه كثير
الشاهد مستحيل تكون الفترة أقل من أسبوع

بالتوفيق

الله يعطيك العافية اخوي

والله خايف من الوضع حالياً ميزانية الدولة والوضع السياسي في امريكا ان مافيه ابتعاث

وكأني ماسويت شيء طموحي اني ادرس برا

الابتعاث مو اخر الحلول
انا جلست 3 سنين ادور قبول وما اراد الله وبعدها لقيت قبول في جامعة NYU "ابحث عنها لتعرف مستواها"
وجلست الثلاثة سنين موقفة حياتي لا قبلت أرجع وظيفتي ولا اتحرك من مكاني ولما جاني القبول رحت وبدأت الدراسة واتخرجت الحمد لله

طول وقت دراستي وانا أحمد الله على التأخير اللي تبين لاحقا انه كان من مصلحتي وانا ماكنت دارية

المشكلة كانت في الوقت اللي ضاع وما استثمرته ولا حطيت خطة بديلة اذا ما جا الابتعاث

جهز نفسك بكل شيء ماديا ومعنويا انك تقدم للابتعاث واذا لم يكتب لك الله هذه السنة ابدا بالخطة البديلة بدون تأخير

بالنسبة للوضع المالي والميزانية موضوع اخر وله من يهتم به ويكون مسؤول عنه. تناقل الكلام بدون فايدة لايسبب الا الإحباط.
الدولة مهي مكسوفة منكم تقول مافي ابتعاث لقلة الميزانية او لاي سبب اخر غير ذلك.
خليكم متفائلين بالخير لتجلبو الخير

بالتوفيق للجميع

لا الحمدالله انا حالياً طالب في المسار الصحي سنة تحضيرية طبعاً ما اراح اضيع الوقت


لكن رغبتي بالأبتعاث اكبر من اي شيء ثاني عشان كذا متخوف بس اذا ماجاء الابتعاث عاد قدر الله وماشاء فعل بكمل هنا في السعودية

اذا تبي تطلع جواز وبسرعة انصحك تروح بنفسك عشان تتأكد يكون اسمك بالجواز بالانجليزي نفس اللي بالشهادة وهذا مهم جدا

ادفع الرسوم عن طريق الصرافة وروح لاقرب فرع جوازات عندك واطلب اصدار جواز ، الموظف بيقول لك ممنوع الاصدار يكون بس عن طريق ابشر ، لكن انت قل له انه عندك بعثه وتبي اسمك بالجواز يكون نفس اللي بالشهادة ، وبكذا بيوافق لك ان شاء الله وياخذ يومين بالكثير ويطلع.

الاوراق المطلوبة لاصدار الجواز :
اذا كان عمرك تحت ٢١ سنه لازم ولي امرك يروح معك للجوازات.

صورتين شخصية خلفية بيضاء ٤ في ٦.
صورة من بطاقة الأحوال.
وحجز موعد قبل تروح للجوازات وتطبع ورقة الموعد وتاخذها معك.

واتمنى لك التوفيق اخوي.

ايش راح تفرق ياخوي ؟ انا اسم الوالد في شهادتي غير عن اسمه هو في جواز سفره مع العلم ان الأصح اسم الوالد في الجواز

اسم الوالد ماله دخل.

اسمك بالجواز لازم يكون مطابق لأسمك بالشهادة باللغة الانجليزية اذا انت اللي تبي تبتعث.

يعني لما تروح للجوازات اكتب اسمك كامل بالانجليزي نفس اللي بالشهادة ، لانه لازم يكون مطابق لما تبتعث.

اسمي لحاله مطابق للي في بطاقة الاحوال يعني عادي لو تغير السبيل في اسم الوالد ؟