كل ما يتعلق ويختص بالمرحلة 12 تجدونه هنا!! وظيفتك وبعثتك

الابتعاث مو مضمون ، غير الشروط الي مايعلنوها الا متاخر ، باي حق اجازف بمستقبلي !! وانا لا اعرف لا موعد تقديم ولا شروط !! غير بعض الجامعات السعوديه قبولها لحديثي التخرج لو فرضنا يعني اجلس واتيح الفرصه لغيري !! وبالنهايه ممكن تروح علي الفرصتين

لو موعد التقديم بالابتعاث نفس موعد تقديم الجامعات وقتها بكون انا معك

ولنا بلي تركوا وظايفهم ولا حصلوا ابتعاث عبرره

فعلا انانيه ولما تشوف ردودهم بس راح يقولو نفسي نفسي ومستقبلي اهم من الباقي.

السلام عليكم عندي سؤالين اتمنى احد يفيدني فيهم، الأول انا عندي سجل تجاري هل يرفضوني الابتعاث عشانه؟
الثاني ابي اسأل هل عدم وجود تخصص على موقع سفير الجامعات يعني انه غير معترف به؟
لان كثير من الجامعات عندها تخصصات اكثر من المذكورة في موقع سفير الجامعات. هل كلها غير معترف بها؟ ومين يقدر يأكد لي هالشي.

شكرا

السلام عليكم و رحمة الله و بركاته
انا خريجة علم نفس معدلي 4.71 و ارغب في دراسة الماجستير
هل كان علم النفس من التخصصات المعتمده في المرحلة السابقة ؟
و ما هو امتداده او مساراته المفتوحة؟

السجل التجاري مالي علم فيه لكن بالنسبه للتخصصات بعضها مو مذكور المسمى لكن معترف فيه مثلا إذا كنت بتخصص هندسه حاسب وبنفس بسفير الجامعات المعترف فيها مكتوب أن التخصصات الحاسب معترف فيها لمرحله البكالوريوس فقط وأنت تبي ماستر أجل مو معترف فيه

بإمكانك أنك تتأكد أن التخصص الدقيق معترف فيه انك ارسل القبول اللي يجيك للملحقيه تصدقه أنا سويت كذا يوم جبت القبول حقي وما كان ذكور باللسته لأن المسمى جديد والتخصص ما صار له سنه


بالتوفيق

- - - مشاركة محدثة - - -

مالي علم لكن إن شاء الله موجود
أنتي شوفي التخصصات الدقيقه اللي داخله بالمجال الطبي أو غيره لا تحصرين نفسك

بالتوفيق

طيب واللي اعتذروا منهم الوزاره وش وضعهم
الصراحه ما ألوم الطلبه والطالبات دام مافيه آليه تضمن حقهم

متأكده اللي اعرفه أن البكالوريوس من 90 قدرات وتحصيلي ولا أنا غلطانه ؟!

غلطانه المدرسه ٩٠ و القدرات وتحصيلي ٨٠

نتكلم بمنطقية اكثر، تتوقع فيه انسان عاقل بيعلق امله ع شيء واحد؟ مستحيل

من الطبيعي انه يحاول يضمن شيء،، ويسعى للشيء الاخر

انا ما اشوف فيها انانية من حقهم بكل صراحه دام النظام مو مانعهم

تخيل لو ان كل اللي يبغو الابتعاث هذي السنة ما قدمو ع الجامعات،، كم شخص بيبقى عاطل في هذي اللحظه ويشكل عبء ع المجتمع؟

بالعكس انا اهنيه الشخص اللي سعى للقبول في الجامعة وينتظر الابتعاث،، ع الاقل جالس يعمل شيء لمستقبله

ع العموم الله يوفق الجميع،، والرزق بيد الله سبحانه ان كتب لي ولك الابتعاث ف محد راح يمنعه لو يقدمون عليه كل سكان المملكة