كندا #وظيفتك وبعثتك المرحلة ١٢

أشكرك على الرد , أتمنى اذا احد يدرس في معهد ELS انو يتكلم عن المعهد و عن تجربته الشخصية في المعهد

و كمان لو في احد جرب السكن مع عائله عن طريق معهد ELS ياليت يفيدنا بتجربته , لاني طلبت اني اسكن اول شهر مع عائله , و أبغى استفيد من تجاربكم و شكرا.

هههههههه من جد اهم شي بالشتاء لازم تكون قريب للستيشن صحيح حتي لو معكم او تفكرون بسياره اسكن قريب للمحطات الباص او القطار افضل شي

انا باذن الله ناويه اطلع لكندا لدراسة ماستر كيمياء حيويه طبيه وفي كم جامعه فيها تخصصي بس مو عارفه ايش اسهلهم في القبول وهل يعطون قبول مشروط والجامعات كالاتي :تورنتو او يورك او مكماستر او كلجاري ياليت احد يفيدني بشروطهم ع الأقل وكيف السكن هناك الاجارات الله يسعدكم

^^^
للاسف الجامعات ذي ماتعطي قبول مشروط الا نادر وقبولاتها فيها منافسه قويه. ممكن تعطيك قبول مشروط اذا كانت درجه اختبار اللغه نازله شي بسيط عن المطلوب او القسم حقك موافق انك تدرسين بمعهد الجامعه التابع لها.
انا خريجه مكماستر درجاتي قبل ماقدم فيها اعلى من المطلوب لغه ومعدل قدمت اول مره ورفضوني قدمت مره ثانيه وقبلوني. بالمره الثانيه انقبلت بسبب اني تواصلت مع دكتور وعمل معاي مقابله ومشت اموري حمدلله..
من الاشياء الي ترفع نسبه قبولك باي جامعه لمرحله الماستر او الدكتوراه بالاضافه لإستيفائك لشروط القبول تواصلك مع احد الدكاتره قبل تقديمك للابلكيشن. واعرف ناس انقبلو بسبب انهم تواصلو مع دكتور وهم ماعندهم درجه اللغه المطلوبه.

بالنسبه للسكن تورنتو بطبيعتها غاليه. هاملتون وكالجري شويه ارخص من تورنتو.

السلام عليكم ..
شكرا لانكم طرحتوا هالموضوع لان كان عندي استفسارات كثيرة بس مدري لاي موضوع اتجه
الحمدلله تم قبولي في المرحلة ال12 بكالوريوس علاج تنفسي respiratory therapy واولا راح ادرس لغة
لكن شفت كثير يتكلمون عن صعوبة قبول الطب وخاصة اني توي مخلصه الثانوي وكمان قرأت انه مقاعد الطب اكثرها تروح للطلاب الكنديين
ياليت أي احد عنده فكرة او خلفيه عن دراسة الطب وكيف يتم القبول وايش الجامعات اللي تقبل طلاب اجانب بسهولة ويقدر يفيدني ما يبخل علي
غير كذا في موقع الملحقية يقولون انه التقديم في التخصصات الطبية يكون عن طريق الملحقية هل هذا صحيح ويشمل طلاب البكالوريوس؟؟

السلام عليكم
اود ان استفسر عن الدراسة في جامعة Simon Fraser University
و المعهد الموجود حيث انني اطلعت على البرنامج لاكنني مترددة جدا للالتحاق به
هل يوجد شخص يدرس هناك أو هل تعرفون شخص يدرس هناك؟
ولكم جزيل الشكر

السلام عليكم انا تخصصي محاسبة (دبلوم) و الدولة امريكا و بحول لكندا او استراليا ايهم افضل؟؟؟
من ناحية الامان اولا و الاسعار و الحياه بشكل عام
و ابغى معهد في منطقه امنه و رخيصه نوعا ما في السكن وغيره
.
.
اتمنى الرد و شكرا

السلام عليكم ورحمة الله وبكاته

انا الحمدالله اموري طيبه لكن للاسف حطوني في بريطانيا و انا ودي بكندا لان تخصصي علم النفس العيادي و متوفر في كندا بشكل كبير

سؤالي لكم هل اقدر اجيب معهد اكاديمي من كندا و اقدمه لهم و يحولون الدولة او لا ؟؟؟؟؟

انا قدمت طلب تحويل لكندا وحولني بدون اي سبب بس رفعت طلب تحويل وحولوني