كل مايخص قدرات الجامعيين .. مرحله 12

صح تذكرت قالت لي نفس الكلام المشرفه بس حسيت اني جالسه شهرين بالاختبار مستحيل يكون ساعه ونصف
اذكر دخلت الاختبار الساعه 9 ونصف بالضبط بديت احل الاسئله بعد خمس دقائق يمكن بس يوم طلعت وكلمت اللي يوصلني قال لي الساعه 12 الحين
عاد انتي احسبيها
اللي يقهر ما تقدرين تشوفين الوقت لان الساعه ممنوع تدخلين فيها بس صدقيني بيكفي الوقت اذا قسمتي الاسئله لكل قسم حسب مستوى الصعوبه وبديتي بالاصعب ثم الاسهل عشان ما تحسين بضغط الوقت
اهم شي حاااااولي قد ما تقدرين ما تقلقين ابد استرخي واقري اذكارك واذا دخلتي سمي باسم الله واقري الاسئله بتأني وان شاء الله تجيبين الدرجات العليا وتحققين اللي ببالك يا رب
موفقه بإذن الله

اختبرت قبلك الاربعاء ، عادي ماقالت لي وقت محدد انا اختباري كان تسعه وربع ودخلت 8 ونص وطلعت 10ونص ومرا المراقبات كانو لطيفات

اختباري كان الثلاثاء اللي فات وللآن مانزلت درجتي !!

هل اللي اختبروا الثلاثاء نزلت درجاتهم ؟

اعرف واحد اختبر نفسك يوم الثلاثاء وطلعت الدرجة الاربعاء امس

على فكرة من تخلصي الاختبار درجتك المفروض تطلع مباشرة لأن النتيجة جاهزة بس ما اعرف سبب التأخير

جوري ايش تخصصك ؟ جاني فضول لاني انا كمان بالصحه

من جدكم يا بنات !

ضاق صدري مرة

و أنا داخلة معاي مجموعة بنات قالت لنا الموظفة ترا قدامكم ساعة و نص بس .. المركز بيقفل ٨.٣٠ و موعدنا كان ٧ المسا ..
لما وصلت نص القسم الرابع جتني موظفة قالت ها ما خلصتي ؟ و كانت لابسة عبايتها قلت ليه كم الساعة؟ .. قالت سوي انهاء و انتقلي للي بعده يللا

معليش ضروروي اللي اختبروا و قالوا لهم الزمن حق الإختبار يبلغوني ..
إذا فيه اختلاف بالوقت المسموح للمختبرين هذا مو عدل ! طيب ليش تفتحون مواعيد بالليل إذا دوامكم ينتهي ؟ و ليش ندفع نفس المبلغ ؟
أنا اتصلت عليهم اليوم و كانت اجابة الموظف عايمة .. شوي يقول ساعة و نص بعدين قال لا ساعتين .. قلت بالدليل حقكم حق القدرات للجامعيين مكتوب ساعتين و بالشاشة مكتوب ١٢٥ دقيقة .. كيف يعني ؟؟؟؟! حتى لو نص ساعة زيادة كانت بتفرق معاي ..

غريبة !!!!!! اصلا الموظفه مالها حق ابد تقول لك انهي القسم لك حق تختبرين القسم لين تخلص ال 25 دقيقه حقته لازم ترفعين خطاب للمركز الوطني حق قياس اشتكيهم خير ان شاء الله
الوقت للمختبرين نفسه ما يتغير لكل قسم 25 دقيقه واذا عديتي القسم بكامل ارادتك يقل الوقت بس اذا ما تبين بيكون نفس وقت اختبار البقيه مافيه زياده ابد
الدليل انهم مالهم حق اجابه الموظف العقيمه يدري انه بيكون بمشكله لو اشتكيتي لادارة اعلى (انقهرت وانا مالي دخل حسبي الله عليهم )

مو معقول .. أجبرتك تضغطي إنهاء قبل الوقت؟!!

اشتكي عليهم لا تسكتي
معروف الوقت لكل قسم 25 دقيقة يحق لك تسوي اللي تبغي فيها حتى لو انتهيتي من كل الحل يحق لك لو تجلسي بس تتفرجي في الأسئلة !!

مرره مو من حقها تجبرك انك تمشي القسم وانتي لسا ما خلصتي

نصيحتي لك لا تسكتي عن حقك

هذا اللي هبل بي !
كل قسم ٢٥ دقيقة مفروض يمشي للكل ! شلون تقول قدامكم ساعة و نص ؟
آخر قسمين تخبيص .. الخامس بالذات يمكن بدقيقتين جاوبت و طلعت بعد ما وترتني
و أنا كلمتهم عساس رافعة رافعة شكوى الله لا يعوق بشر ، كنت بقول الغوا امتحاني و احجبوا الدرجة.. عشان ما يحسب علي و اقدر اعيده قبل شهر.
يوم شفت ردهم التعيس عرفت أن ما وراهم الا وجع الراس و بيضيعون وقتي .. لأن هذي مو أول تجربة سيئة معهم .. مرة حجزت امتحان و دفعت و ولدت قبله بيوم
كلمت الغيه قعدت الموظفة تنافخ تقول انتي غلطانه ما الغيتي قبل ٧٢ ساعة !
قلت أنا اعلم الغيب ؟! لا ترجعون الفلوس رجعوه رصيد و احجز وقت ثاني
قالت ولو .. ليش تحجزين و انتي على وجه ولادة عساس إني اتحكم بقبول الجامعات و اوقاتها أو بولادتي هههه



والله هذا اللي صار .. جتني و أنا أراجع اسئلة القسم ٤ اللي ما حليتها ..
لأن اللي محتاجة وقت قفزتها ، قالت خلاص سوي انهاء مراجعة و انتقلي للقسم اللي بعده قلت بس باقي وقت أنا نطيت الاسئلة الصعبة، قالت انتقلي للجزء الأخير خلص الوقت

عموما هذا درس .. و اللي يقرأون انتبهوااااااااااا تحجزون مواعيد على نهاية الدوام هههه

الله يسعد قلبك و يوفقك يا رب
يا رب اخذ علامة زينة و ما اضطر اعيده يااارب