كل مايخص قدرات الجامعيين .. مرحله 12

عزيزتي العام ماكان مطلوب اختبار القدرات العامة للجامعيين

وصج وقعت ع تعهد ما اعلم احد ههه ماكنت اعرف بالنقطة هذه بس لا تخافوا

جوري انا ايضا تخصصي صحي اشوفك بالملتقيات ان شاء الله

- - - مشاركة محدثة - - -

قصدي لا تخافوا من الاختبار لان كل الي ذكروا اش جاهم بالاختبار ماخرج عنه يعني مألوف

بالتوفيق

الا كان مطلوب لدى بعض الجهات

السلام عليكم و رحمة الله

حبيت أفيدكم بخصوص الإختبار عن أشياء فيه زي ما استفدت منكم ..
الاسئلة نصاً طبعا ما اتذكرها بس بقول لكم الأفكار و عشان ما نكون أخلينا بالتعهد كمان ..

* الإختبار كان خمس أقسام كل قسم ٢٥ دقيقة
بالنسبة لي حسيت أول قسم كان الأسهل و هكذا
مشكلتي بالأخير جت اسئلة كلها أشكال و بعضها كان فيه حول ٢٠ شكل و أوجدي الناقص ! و الوقت داهمني هذا غير إني دخلت متأخرة بسبب ظرف قاهر
ممكن أحد يقول لو إني استعجلت بالأسئلة السهلة و ممكن أحد يقول بالعكس أضمن السهلة و الباقي بكيفه .. فكل واحد و فكرته .

من الأفكار في الأشكال :
- يعطيك شكل مكعب إذا طليناه بالكامل كم عدد المكعبات اللي بيكون مطلي منها وجهين
- مكعب كبير مكون من مكعبات صغيرة ناقص كم نحتاج من مكعب عشان يصير مدري وشو
- أشكال هندسية على ميزان ، ضع الشكل اللي يكمل الميزان الناقص
- مربعات داخلها مستقيمات أو مثلثات ماهو المكمل لها
- اشكال هندسية متداخلة إذا قلبناها وش تطلع
- أشكال زي شبكة الكلمات المتقاطعة يظلل اجزاء منها و يقول اختار المكمل لهم
- دائرة مقسمة داخلها أرقام و احسب الرقم الناقص في الدائرة الأخيرة ( زي هذي تستنزف الوقت مرة، تقعد تفكر وش العلاقة بعدين ترجع تحسب الأرقام و هكذا )

برضو جتني اسئلة كثير مبنية على بعض :
إذا فلان في أول الطابور و بينه و بين فلان ٣ و أمامه فلان و عليها كذا سؤال من ٣ ل٤ اسئلة

أب اشترى لإبناءه ٣ جوالات إذا قيمة الثالث سدس ثمن الأول ( سدس ثمن هذي هنق مخي عندها هههه ) فكم قيمة الثالث

فلان اشترى ارض مساحتها كذا ( تحسب مساحة ) و سعر نص متر فيها كذا ثم بدلها بأرض مساحتها كذا و كذا و سعر المتر فيها ٣ اخماس سعر ( الأرقام أغلبها تأليف بس عشان اشرح الفكرة )

جتني اسئلة كثير عن الأشكال البيانية مهم تتدربون على قراءتها و استخراج القيم منها
فيه فقرة كانت ملحوسة شوي يوم حليتها صح قفلت الشاشة عشان الوقت فأفضل حطوا إجابة تخمين حتى لو تركتوها عساس ترجعون لها .. بس انتبهوا لما يقول متوسط القراءات يعني تطلع القراءات من البيانات و تجمعها أو تطرحها حسب المطلوب ثم تجمعها و تقسمها على عددها عشان يطلع المتوسط ( إن شاء الله شرحتها زين )

انتبهوا للأسئلة جدااااا بعضها يكون فيه مكتوب اختر الأصح ، أو قيمة س تقريباً ( يعني تطلع الناتج و تقربه و النذاله حاط لك القيمة بدون تقريب ههه ) أو متوسط القيم أو منوال أو الفرق و هكذا ..

جتني ٣ قطع
١ علمية ، الثانية في علم النفس نظريات شوي عميقة ، و الثالثة مقولة لأعرابي
اسئلة القطع كانت اختر عنوان للقطعة، ماذا تفيد الجملة أو على ماذا تعود أو اختر الأصوب من الجمل اللي تلخص الفقرة ( سؤال كريييييه إذا ما عرفتوا نطوه لا تضيعون وقتكم فيه مثلي )
ما معني الكلمة كذا في النص .

نص الأعرابي بإختصار ( حقير ) هههه
تعرفون الكلام الفصيح المتفذلك ؟ صح إنه ٣ جمل و نص بس يلحس المخ .. يعني هو أصلا غامض و كانت الأسئلة عنه في الجملة كذا و كذا و يعطون خيارات أغرب من النص هههه

- جاني كثير الكلمة الشاذة و كانت أسهل من نماذج منصة نون و مباشرة الحمدلله

- الهندسة مسألة وحدة بس .

- الكمي أكثر شي كسور و مضاعف و نسب مئوية

إييييه السؤال الأحقر ههههه هذا كان عالأخير، هو مش صعب .. سهل ممتنع يحتاج تركيز
كأنه قصة إنه فيه باحث اجرى بحث عن كذا و كذا ( يشرح كيف سوا البحث و كيف طلعت معاه النتايج و حاطط جدول لها )
الأسئلة : هل تتفق مع الباحث في أن كذا و كذا
إذا كنت أنت الباحث فما الذي ستغيره
من قيمة كذا نستدل على

مافيه ارقام أبدا بس جمل استنتاجات توصف البحث .. الخيارات أغلبها صحيحة ، لكن إذا ركزت بالسؤال تلقى فيه فكرة تدلك عالإجابة و الإجابات أغلبها تكون من استنتاجك و تحليلك مو معلومات مباشرة


نقطة مهمة كمان ، فيه بنات جوا أمس يفكرون الإمتحان ساعتين و نص
الصحيح الإمتحان ساعة و نصف فقط،
مع إنه أول ما نبدأ مكتوب ١٠٤ سؤال في ١٢٥ دقيقة و ساعة و نص ٩٠ دقيقة .. والله فرق

أنا أصلا جيت متأخرة و مرتبكة و بنتي كانت مريضة و أمي مريضة و أنا مرضت و كلها قبل الإمتحان بأيام .. فيعني الحمدلله على كل حال
هذا غير إن شرط العمر ما ينطبق علي ! فما أدري بيعجبهم القبول اللي جبته أو بيفتحون المجال للدراسات العليا في تخصصي أصلا !

لكن توكلنا على الله ، ناخذ بالأسباب و اللي يستفيد من كلامي يدعي لي بظهر الغيب و ربي يختار لنا و يختار لكم الصالح و الخير يااااارب و يرزقني علامة عالية يا رب

و عذرا عالإطالة

الجهات المطالبه ب اختبار القدرات
كم نسبة القبول ؟؟
هل احتسبت درجة القدرات و هي الأساس الأول للمفاضلة قبل المعدل و المقابله؟
أو تم حوسبتها جميعا (قدرات + معدل+ مقابلة شخصية) و من ثم يتم القبول؟

اسأل الله لي و لكم التوووفيـــــــــــــق.