تجمَع المتجاوزين لشرط العمر

ياشيخه جيبي قبول مشروط والباقي على الله
وزي ماقلت مانشستر اعطتني قبول في اقل من اسبوعين

السلام عليكم
انا متجاوزة لشرط العمر وكلنا ع نفس المسار ..
ولكن انا حديثة تخرج مضى ع تخرجي 9 اشهر
دراستي انتظام تخرجت ب اربع سنوات ونصف
يعني دراستي نظامية
هل تعتقدون راح يضعو هالشي بالاعتبار ...
أو ابحث عن قبول نظرا لاني لسه ما اختبرت الايتلس

هل في احد متجاوز العمر وفتح معه التسجيل ولا مايقبل
تاريخ الميلاد 1409-08-02 يعني عمري 27 والنظام مو راضي يقبل اسجل ارسلت للدعم ولا حس ولا خبر منهم
يعني حتي الشرط التعجيزي غير منطقي يقولو انه 27 ولايقبل من ولد قبل 1410/6/8هـ يعني حتي 1410 باقي ما وصل عمره 27 كيف كذا
عذراً، لا يمكنك التقدم بسبب:
العمر أكبر من السن المحدد
ملحوظة: في حال تحديث بياناتك لدى جهات أخرى غير وزارة التعليم الرجاء المحاولة بعد يوم عمل واحد
انقر هنا

اول صفحه للتسجيل وادخال رمز لارسال كود تفعيل ع الجوال يظهر لنا العمر اكبر من المحدد

هذا الي طلع معنا

اكثروا من الاستغفار وكلنا هدفنا واحد ونيتنا طيبه والله يسهلها

مساء الخير
يجماعه اللي فهمتو من د وافي
انو التسجيل بيكون يدوي بوكالة الابتعاث ...

صحيح

^^^

التســـجيل اليـدوي إذا تم فأل خير!
وبيسهل أمور كثيره وبتم على خير!!

مشكورة صقرة الله يسعد قلبك ويكتب لك كل خير


بسألك عن التوصيات انا عندي بالعربي شكلي ماقدر اترجمهم للانجلش لان مافيهم ايميلات الدكتورات واللي بيجيب لي القبول قال لازم تجيبين توصيات فيهم ايميلات الدكتورات عشان بيتواصلون معهم ..
وشكلي بمر الجامعة اجيب من جديد
والسجل الاكاديمي بعد بالعربي هل لازم يترجم عشان القبول
خااايفه ان الوقت مايسعفني 😭

وهل فيه امل يمددون وقت التسجيل
ياربي مادري ايش اسوي

انا مريت على قسمي بالجامعه وكان عندهم توصيات بالانجليزي
اذا مالقيتي عندهم روحي لقسم الدراسات العليا
وانا عني اخذت ايميلاتهم ورمزهم البريدي من صفحتهم على موقع الجامعه
واذا مالهم ايميلات او رمز بريدي
حطي ايميل الجامعه والرمز البريدي حقها
بالنسبه لكشف الدرجات ماني عارفه هل ضروري يترجم ولا لا
انا الي عندي بالانجليزي شكلي باروح اترجمه للاحتياط
استعيني بالله وادعي ودائما قولي دعاء الهم ولاحول ولا قوة الا بالله
وبإذن الله تفرج

ياجماعه الخير لا تتوترو على موضوع القبول ، القبول مبلغه اقل من ٥٠٠ دولار بكثيير ، انا اتنصب عليا زمان من مكتب خلاني ادفع قبول معهد وجامعه ب ٢٥٠٠ ريال ، ولمن رحت امريكا وسألت قالو لي قبول الجامعه ب ٧٠ دولار يعني حوالي ٢٦٠ ريال! يعني لا تتهور ، يمديك تعبيها لحالك وتقدم اوراقك وصدقني بتلاقي الجواب!
بس القصه شكلها لازم زياره على شؤون البعثات

بالعكس أنا أختلف معك التسجيل اليدوي مو عملي أبداً. ومو محفز للتقديم، ممكن يكون مناسب للقلة لكن الأكثرية مايناسبهم.
هذي المشكلة ماتوقع انها تغيب عن المسؤولين التقنيين ،يعني هم عارفين الموضوع ، نفس النظام مبرمج على هذي الآلية.
هل يمكن حلها فنياً بطريقة أسهل من اليدوي وكيف ؟
طبعا ممكن ببرمجة نظام الموقع بمجرد ما تدخل عمر أكبر أو أصغر مثلاً من المطلوب ، تظهر لك خانة لستة تحديد اسم جامعة مميزة من نفس اللائحة ( باعتبار الشروط ) . طبعا بكون خيار الزامي. لكن مايحتاج يطلب ارفاق قبول الجامعة المميزة لسببين:
1-ان الوقت ضيق لجلب قبول مباشر(( لجامعة مميزة)).
2- ان ممكن شخص يدخل أي ورقة أو قبول ويقبلها النظام ، ويرسل الطلب ، فبالتالي يبطئ من عملية الفرز للطلب وراج يجي له الرفض لعدم انطباق الشروط بسبب ورقة قبول خاطئة أو من جامعة غير مميزة.

والحل بسيط وبشكل الكتروني ،، فقط عند التقديم وبمجرد ادخال عمر أكثر من المطلوب ، تظهر لك خانة الزامية لاختيار اسم الجامعة المميزة من اللائحة وقت التقديم بعد ماتحدد الدولة ،، وفي مرحلة تدقيق الأوراق أو عند الترشيح الأولي ( الغير أكيد) تسلم لهم القبول من نفس الجامعة المميزة الي اخترتها وبعدين هم بتواصلوا مع الجامعة للتحقق من صحة اصدار القبول منها. وبكذا نكون حققنا الشروط ووفرنا للجميع التقديم الالكتروني بدون روحة و صف سرى. يعني القبول تقدر تسلمه يدوي أو بعد الترشيح المبدئي وتدقيق الأوراق لكن تقديم الطلب يكون الكتروني.
هذا الحل يقدر يسويه الدعم الفني المتخصصين في الموقع ، لكنه مايقدر يتصرف من تلقاء نفسه بدون أوامر من نفس جهات الابتعاث.

أنا كل هالكلام الي كتبته وانا ماسجلت . فقط اعتمادا على كلامكم.