تجمَع المتجاوزين لشرط العمر

انا قدمت طلب على تواصل وارفقت القبول المشروط من الخميس والى الان لا حس ولا خبر
واقول ياارب يردولي ويفتحولي التسجيل
لسا عندي امل 😢

يا اخت بدور
التقديم عن طريق اللنك اللي حطيته
أرفعي طلب جامعي لجهة الابتعاث في برنامج خادم الحرمين الشريفين
وحطي معلوماتك كاملة وارفقي الملفات المطلوبه الاساسية مثل الوثيقه وكشف الدرجات والقبول الجامعي وورقة افاده المحرم
ممكن التسجيل بشكل يدوي من جهتهم ويعطونا خبر بعد اسبوع او 3 اسابيع , الله العالم وش الأليه اللي شغالين عليها وبس

- - - مشاركة محدثة - - -

ان شاء الله تجي الاخبار ونقول يارب

حددت الوزارة ثلاثة أسابيع للتقديم على السنة الثانية عشرة من المرحلة الثالثة من برنامج خادم الحرمين الشريفين للابتعاث الخارجي. بدأ التسجيل في ( 15/3/1438هـ ) وستغلق استمارة التسجيل الساعة الثانية عشرة ليلاٌ من يوم الثلاثاء 5/4/1438هـ حسب تقويم أم القرى.
وعلى من لديهم قبول من جامعات متميزة في مرحلة الماجستير، أو الدكتوراه، ولم يسمح لهم النظام بالتسجيل بسبب العمر أن يرسلوا صورة من وثائقهم، مع صورة القبول الأكاديمي من الجامعة المتميزة على تواصل الوزارة، على الرابط:

https://tawasul.moe.gov.sa


وذلك خلال مدة التسجيل، ولن تنظر الوزارة في أي طلب بعد إغلاق التسجيل الموضح أعلاه.

مرحبا، هذا البيان من وين اقتبستيه؟ و شكرا لك

حساب وكالة الابتعاث في تويتر.

العفو

الله يسهل وتصير معجزة ويغيروا رايهم من قبول غير مشروط الى قبول مشروط

يااااااااااااااارب

يا جماعة

عندنا معضلتين الان

المعضلة الاولى: القبول المباشر
كيف ابجيب قبول مباشر بهذي السرعة علما بأن القبول المباشر يحتاج يكون عند الطالب ايلتس (وجميات او قري بالنسبة للجامعات الامريكية)
واحنا محدود وقتنا بفترة التسجيل هذي؟!

المعضلة الثانية: اصلا معظم جامعات العالم ( اذا مو كلها ) عندهم اجازة الكرسمس وما بتفتح الا بعد الاجازة حقتهم
وقتها انتهى وقت التسجيل عندنا لوظيفتي بعثتي!


اهي القصة تعجيز ولا كيف؟!

اذا في احد من الرياض يروح للوزارة يخدمنا بحل...
نحتاج وقت ما يقل عن شهرين\ ثلاث شهور من الان!

ياجماعه توي طبيت على بوست جديد لوزارة التعليم ع الفيس بوك
نشر قبل ساعه من الان
قايلين فيه ان المتعدي شرط العمر ومافتح معاه التسجيل يرسل على تواصل صورة من الوثيقه وصورة من القبول الاكاديمي من جامعة متميزة

وهذا الرابط
https://m.facebook.com/story.php?sto...=page_internal



توهم يطلعولنا بصورة من الوثيقه
واحنا راسلينلهم الطلبات من اسبوع وماردو الله المستعان
متى حيردو لو ذحين نرسل
غير ان مايقبل يرسل وفي طلب سابق

والشي الثاني
تركو كلمة قبول مبهمه !!
يعني لاقالو مشروط ولا غير مشروط ولا مباشر حقتهم خخخ
الله المستعان بس
يارب تكتبلنا مافيه الخير بس هذا الي اقوله

يا جماعة ( الاوفر ايج ) مثلي وشرواي
يبدو اننا نحتاج نوصل صوتنا بشكل واضح وربما نحتاج الى اكثر من مجهود فردي
نحتاج جهد جماعي
الظاهر محد ملتفت لنا من الوزراة
مشغولين
اليوم واحد من اخوياي راح الرياض للوزارة يقول والله والله ما خذت لا حق ولا باطل وولا معلومة عندي مؤكدة
ومعظمهم ما يعرفون اصلا

طيب الوقت يمشي وعقب ما ينتهي التسجيل بيكون العذر ليه توكم تتكلمون كان عندكم ثلاث اسابيع! ومحد بيعبرنا

ايش الحلول اللي قدامنا الان؟

1- نندب حظنا ونقول كله منهم اهم اصلا ما يحبوننا ويبون يصرفونا اهىء اهىء والولد يطلع طلعة ترفيهية مع اخوياه ويرمونه في الطين ويزعل ثم يضحك وينسى..والبنت تصور فنجان قهوة مكسور بالسناب ويجاملونها صاحباتها بفيسات حزن جماعي ..وصلى الله وبارك!

2- نبذل الجهد على كل الطرق المتاحة ونسعى لاخر مدى وللسد الاخير وما يمنع احد منا يقابل الوزير
واحنا جايين نبغى نكمل دراستنا بشكل رسمي وعلى حساب الدولة الله يحفظها مو جايين نطلب القرب من احد عشان نستحي
او احد بيصرف علينا من مخباه وكأنها طراره


عني انا طبعا تبع الخيار رقم 2

اول الخيارات

تم ارسال ايميل لوكيل وزارة التعليم لشؤون البعثات والمشرف على الملحقيات د. جاسر سليمان الحربش
jherbish@moe.gov.sa
تم شرح الوضع فيه والمعضلات وطلب الاكتفاء بقبول مشروط ومراعاة ان الوقت غير كافي

هذا اول الخطوات

ارجو من الجميع ما يقصر ويرسل نبي الصدى يوصل
كل ما زاد العدد لفت انتباه الوزارة اكثر واصبح من الصعب اهماله
واذا ما فاد في خطوات لاحقة
واللي عنده فكرة ما يمنع


تم التعديل على الرد بعد تنبيه