تجمع المتقدمين/ات وزارة الصحة وظيفتك وبعثتك12

انا كيمياء حيوية طبية ماستر

المقابلة عربي ولا انقليزي

مارحت مقابلة لسى

كل اللي اجرو المقابلات قالو انها عربي

مقابلتي الساعة 3 بعد 10 دقايق دعواتكم وكل التوفيق للجميع

فيه احد اجرى مقابله في الرياض؟؟

السلام عليكم ..
بكالوريوس .. علاج تنفسي ... المدينه المنورة
تو خرجت من المقابله كانت لطيفه الحمدلله ونصها ضحك والي قابلوني مرا لزيزين كانو رجالين وحرمه بس انا حسيت اني جبت العيد شويتين .. اذا شفتو اجوبتي ممتازه قولولي
من اول ماجلست ماطلبو مني ولا حاجة حتى بطاقة الهويه ماسالوني عنها ..
اول سؤال سألوني كيف حضرتي للمقابله هذي ؟
قلت لهم اني توقعت الاسئله الي بتسألوني هي وبحثت عن التخصص الي اخترته .. قالت لي كيف غير انك بحثتي عن التخصص ؟ قلت لها انا هذي اول مقابله لي< حسيت اني المفروض ماقول هذا الشي > وبحثت طرق المقابله واتدرب بالبيت وكذا قالت لي كيف قلت لها انا اسأل نفسي تقولي بالمرايا قلت لها ايوا قالت لي واو .
ثاني سؤال قالي كيف تكلمتي بموضوع وقلتي للي حولك عالابتعاث ؟
قلت له انا من ايام المتوسط كنت افكر بالابتعاث دخلت علي الحرمه وقالت لي كيف بس كذا ابتعاث وبس يعني مو عاجبك الدراسه هنا قلت لها لا مو كذا بس انا حابه اتعرف على حضارات تانيه واكسر الروتين ؟ قامو يقولو يبغالك جلسه يا.... وجلسو يضحكو المهم وقلت لهم انه كلمت اهلي وكل وماامجح اقولهم ترا جبت المعدل الفلاني وكذا .. وكلام طويل حسيت انه عجبهم 🤦🏽‍♀️☹️ ان شاء الله
بعدين سألني سؤال قالي لو كنتي موظفة استقبال وجاك مريض معصب ويبغا يدخل بغير موعده كيف تتصرفي ؟ صراحة هنا توترت وماعرفت بس قلت لهم انه ابدأ افهمه انه فيه مرضى احق منه واذا مارضي اروح اكلم الدكتور واذا الدكتور مارضى يدخله انادي الامن يتفاهم معاه .. بس هو تفهم وقالي انتي ماعندك خبره بالمستشفيات عشان كذا ..
وسألني سؤال قالي انتو بالثانوي اكيد تسوو عمل جماعي وكذا وكان فيه مشاريع وكذا صح كيف تسوو ؟ قلت له انا غالبا يحطوني مشرفه عالمجموعه قالي هاتي مثال .. يتبع

قلت له كان عندنا بمادة نختار مشروع وننفذه كان عن مشروع مطعم ننفذه بالمدرسه وحطوني مشرفه . ف قلت له اني وزعت المهام عالبنات وفلانه تسووي كذا وبنت تسوي كذا وسويت جدول وبالايام والاوقات قالي طيب اكيد فيه بنات يتاخر ومايسوو مهامهم كيف تتصرفي ؟ قلت له انا عارفه البنات عشان هم نفسهم نفسهم الي اسوي معاهم ف الي اعرفها كذا هم الي اوقف عليهم اكثر واتواصل معاهم اركز عليهم اكثر واكلمهم لا تنسي الغرض ماعرف ايه وكذا !
قالي لو كنتي كاشير و مديرتك تخصم منك بغير وجه حق ويوم من الايام لقيتي مبلغ زايد كيف تتصرفي ؟
قلت له انا مستحيل اخدها يعني قالي طيب ماتراجعي حساباتك ؟ قلت له ايوا اكيد بعد ما اراجع حساباتي وكل شي تمام راح احطها واعطيهم هي مستحيل اخدها !
جاني سؤال قالي لو اختك الصغيره كسرت شي بالبيت امك تحبه وجاتك تقولك انه خايفه من امك كيف راح تخبيها ؟
هنا صراحة ماعرفت اجاوب لان حقيقي مامريت بهذا الشي لان امي ماتخاصمنا ف قمت األف وهذي اجاباتي !
- اول شي قبل ماتكتشف نجيب لها نفسه او احسن منه قالي طيب مامعاك فلوس ؟
قلت له - انا مامتي ماتخاصم يعني عادي ماتهتم لهذي الاشياء حقيقي كذا امي قلت له الحقيقه قالت لي اجل انتي الي تهتمي شكلك
قلت له صراحة مافي شي غير الاعتراف احنا كذا متعلمين

قالي سؤال قرار صعب اتخذتيه في اخر ست شهور وكان صعب جدا عليك ؟ احتفظ بالاجابه


هذي الاسئله الي متذكرتها واجوبتي الي جبت فيها العيد ، صراحة هم كل ما اجاوب يقولولي بيرفكت ممتاز حلو يعني مادري هو كذا طبعهم والا يسلكولي ☹️ لا تنسو تقولولي ايش رايكم وايش سويت بالمقابله ؟

ما طلبوا سيرة، ولا جابو طاري الراتب.. الشرقية

الله يووووووفقكم كلكم يارب

- - - مشاركة محدثة - - -

اختي الكرز انا كمان مقابلتي الخميس ان شاءالله في الدمام ابغى اعرف الي صلحولك المقابلة نساء ولا رجال