تجمع المتقدمين على جامعة عفت وظيفتك وبعثتك 12

[QUOTE=zainabMM;1062887573]تجربتي اليوم في مقابلة جامعة عفت
كلية الاعمال
عدد المقابلين:2 رجال وامرأه
المرحلة: دكتوراه
الاختيار بالدول لايرلاندا ثم كندا وسالوني ليش ايرلندا اول مو كندا؟
الأسألة:
1- عرفي بنفسك؟
2- لماذا جامعة عفت؟وايش بتقدمي للجامعه؟وكيف سمعتي عن الجامعه؟ هل دخلتي الويب سايت؟
3- ما هو موضوع رسالة الماجستير؟ طلب تفصيل أكثر عن الموضوع
4- ما هي الجامعة التي سوف تلتحقين بها والدوله ولماذا؟ليش مارحتي استراليا طيب؟
5-هل فكرت في موضوع لرسالة الدكتوراه؟ ما هو؟
6- كمحجبه هل هذا اثر عليك في دراستك باستراليا؟
7-انتي عارفه انه بعفت ماتكوني بس محاضره كمان تكوني باحثه وتشتغلي في كذا هل عندك القدره لذلك؟
تقريبا كانت هذه الأسألة
وبعدين قالوا لي انتي ماعندك جيمات او جي ار قلت لهم مهم واحد قال مهم للمفاضله والثاني قال لا مااظن لانه انتي خلاص عندك البكالوريس والماستر بالرياضيات ونصحني اخذه فقررت بكره اروح اختبره باذن الله
أهم شي خليكم هاديين ومرتاحين وواثقين وتوكلوا على الله مااحد ياخذ الا مكتوبه الحمدلله

الله يسعدكم في احد اختبر الجيمات او جي اي ار يعطينا كيف كان وكذا صعب سهل الله يسعدكم

السلام عليكم نصيحتي انا واغلب الي حاضرين معايا اتاكدنا انو الاختبارات الي قالولنا عليها ابدا ماهي مهمه وحسينا انها للاسف فقط تسويق للجامعه لانه كل ماسالناهم مهمه اترددو وجاوبو اجوبه مختلفه وفي الجهات الوظيفيه التانيه الي كانو مطالبين باختبار كان شرطهم يختبرو المتقدمين اول واذا اجتازو الاختبار يروحو المقابله وكدا يكون الاختبار مهم لكن للاسف جامعة عفت فقط بتعمل تسويق لنفسها لانو ذكرولنا حتى اختبار قدرات الجامعين وذكرو كمان السعر 400 ريال يمكن عددولنا اربعه اختبارات . انا قلت كلامي ودا الي حسيتو انا وكل الي كانو معايا في المقابله امس مافي احد مننا اختبر ولا فكرنا . القسم الهندسه .والله يوفق الجميع يااارب

الله يوفقكم ياكرم .. وماقصرتو جميعا الله يجعله بميزان حسناتكم .. دكتوراه لغويات طمنونا عن الاوضاع زينه ولاتخوف هههه

انا برضو مااختبرت جي ار اي اليوم و مااحد عطاني اجابة واضحة على اهمية الاختبار (ما اظن انو الاختبار المقدم من الجامعة انتيرناشيونال)

المقابلة كانت سريعة وخفيفة ( دكتورة مصرية ودكتور هندي (استفزني نوعا ما باسئلة في التخصص))
تكلمي عن نفسك..
من وين متخرجة..
مشروع التخرج (هنا كان التركيز)..
ليش عفت..؟
ليش درستي هذا التخصص..؟
ايش راح تكون الرسالة لوكملتي دراسة
وين راح تكملي وليش؟

.. هذي اغلب الاسئلة


بشكل عام الوضع كان مريح .. وتعرفت على بنتين مرة كيوت معاي بالقسم (منال واسماء ) للاسف مشيت سريع وماشفتكم بعد المقابلة

بالتوفيق للجميع

التخصص نظم معلومات
المرحلة دكتورة
الدولة ايرلندا
المقابلة مع 2 رجال
الاسئلة كانت: تكلمي عن دراستك؟
هل سبق وطرحت او كتبتي مقال ونشرتيه؟
تكلمي عن وظيفتك الحالية؟
ماهو الطمح بالنسبة لك؟
تكلمي عن بحث التخرج الماجستر؟ بالتفصيل
اش ممكن تضيفي للجامعه؟
مدة المقابلة كانت تقريبا 25 دقيقه
هل يوجد لديك موضوع للدكتوراة؟
تقريبا كانت هذي الاسئلة الوضع كان فرندلي وحلو ولا تتوتروا كانت سهااالات والحمدالله
والله يوفق الجميع

الله يسعدكم جميعاً و يحقق أمانيكم.
انا مقابلتي بكره ان شاء الله، لكن سؤال وش راح تظيفين للجامعة؟ مدري كيف اجاوب عليه!

انا اليوم ان شالله

انا كمان اليوم مقابلتي ومواصله
ان شاء الله اني ما افقد تركيزي

خلصت المقابله وكانت حفيفه زي ماقالو البنات لكن سالت عن النتائج قالو ماندري مادري متى النتائج من عنده خبر