تجمع المتقدمين على وزارة النقل وظيفتك وبعثتك 12

اهلن
بالتوفيق للجميع

التخصص: software engineering
المرحلة: ماستر
الدولة: امريكا

سؤالي: هل تم ترشيح جميع المتقدمين في وزارة النقل وللا باقي ؟

بسم الله الرحمن الرحيم

هذا ما وصلنا اليوم من الشباب اللي اختبروا
في البداية احب اقول فيه اختبار واللي يعديه يدخل المقابلة وكلاهم بنفس اليوم .
الاختبار شبيه باختبار القدرة المعرفية بس بدون جزء كمي .

#الانطباع الاول :-

الان خلصنا الاختبار
الاختبار اختيار من متعدد
قسم لفظي
قسم تحليلي
قسم دقة الملاحظه
مدة الاختبار

20 د
20د
10د
بعدها يعلن النتايج في نفس الوقت
اذا اجتزت الاختبار تدخل على المقابله الشخصيه .

#الانطباع الثاني :-

الاختبار الاول حق القطعه
٦٠ سؤال ٢٠ دقيقه

الاختبار الثاني التحليل
٣٨ سؤال ١٠ دقايق

الاختبار الثالث دقة الملاحظه
الظاهر ٤٠ سؤال ٢٠ دقيقه
الوقت ماراح يكفيكم وهم حتى عارفين الموضوع بس حاولوا تحلون صح قد ماتقدرون

#الانطباع الثالث :-

الاختبار مثل ماقالو الشباب
القسم الاول قطعة وعليها اسالة وتستخرج الاجابات 20 دقيقة
الاختبار الثاني اسالة سرعة في الحل
مثلا يقول
1537
ويعطيك اربع خيارات
1432. 5789. 6864. 1537
وتختار المطابق له
اسالة كثيرة مايمديك تحلها 5 دقايق
وبعده قسم نفس الطريقة لكن حروف و 5 دقايق
بعده اختبار 20 د مطابقة اشكال نفس قياس
الاختبار سهل لاحد يشيل همه
تحتاج سرعة في الحل
.................................................. ...................
واخيرا بعض تجارب الشباب اللي عدوا الامتحان ولله الحمد تكلموا عن مقابلتهم وللعلم كانت بالعربي

1#
اسئلة عامه
-ليه تبي تبتعث
- قرار ندمت عليه
- تستشير مين فقرارتك
- قرار الإبتعاث احد اثر عليك فيه
-اذا قد سويت مشروع وش دورك فيه
- هل عندك مشكلة تشتغل شفتات
- تشتغل خارج الرياض
- عمل فخور فيه
#2
عرف عن نفسك
ايش هي اهدافك
ليه قدمت ع برنامج وظيفتك بعثتك
اذكر موقف اغضبك هذا فخ بس حاول تعطيهم انك حليت الموقف
تقبل لو تتوظف خارج جدة
ايش مشروع تخرجك وايش الاشياء اللي سويتها
والباقي اشياء يبغون يخلونك تفقد الثقه فنفسك
هذي خلاصة المقابله
تقريبا اخذت ربع ساعه
والمقابلة بالعربي
.................................................. ...................
في النهاية ركزوا عالاختبار لان في حاله ما اجتزته ماراح تدخل المقابلة

وبالتوفيق لكم جميعا

جزاك الله خيرا.
بالتوفيق

ماقصرت اخوي محمد .. كفيت ووفيت ..

بانتظار اراء البقية الله يوفق الجميع

التخصص: أمن معلومات
المرحلة: ماجستير
الدولة: أمريكا

كيف طريقة حجز المواعيد ؟

لو سمحت الاختبار كان بالعربي او الانقليزي

طمنتني كثير
بس الاختبار عربي او انقليزي
ومحوسب؟ او يدوي؟

ممكن تعطوني ارائكم بهذه الاسئلة لو جاتكم بللمقابلة؟
‼ليش تبي تبتعث؟
‼ليش قدمت على برنامج وظيفتك بعثتك؟
‼ايش اهدافك؟
‼ليش اخترت الجهة هذي مثلا(وزارة النقل)؟
‼ليش احنا نقبلك انت بالذات من ضمن المتقدمين؟
!!عمل فخور فيه؟
!!مشروع شاركت فيه ووش دورك؟
!!قرار ندمت عليه؟




كيف نسوق لنفسنا
شنقول
مدري ليش وقت المقابلات انسى كل شي وماعرف اتكلم

السلام عليكم
اللي اختبروا بالنسبه للجزء التحليلي اللي هو الاشكال المربعه كل الاسئله (اشكال مربعه وطلع المختلف اوكيف نحصل ع مربع من ذا الشكل ) والا فيه اشكال هندسيه كثيره مثل القياس بلييييز ارجو الرد

وابي اللي يعرف موقع يعلمني كيف احل ذا الاسئله لأنها اكثر اسئلة الاشكال الهندسيه المحيره


وايضا جزء دقة الملاحظه نفس الشي ياارقام ياحروف فقط


وجزاكم الله خير

بالنسبه للبنات ممكن يسألون اذا اشتغل خارج الرياض او لا ؟

واذا بيسألون كذا اقول الصدق او لا لأنو الصدق احتمال كبير لا 😀