تجمع المتقدمين على مؤسسة النقد العربي السعودي وبعثتك 12

وعليكم السلام
هاتي معاك صورة من الوثيقة والسجل الأكاديمي والدورات ولو عندك خبره وشهادات
هاتي كل شي معاك حتى شهادة الميلاد >> امزح ترا

اللي تواصلو مع المسؤول هل بيكون فيه اختبار ولا لا لان اغلب الجهات الثانيه مسوين اختبارات وتطلع النتيجه بنفس اليوم

احجزي لايفوتك الموعد مافي الا بالرياض الله يعين

صباح الخير

استاذ شموخ عندك خبر عن عدد المحولين للمؤسسة وعدد المقاعد المتاحه؟ (مرحلة الماستر)

اي احد عنده معلومه عن هالموضوع يفيدنا ومشكور

السلام عليكم
انا متخرج من الثانوية عام 2014 وتوني اقدم عالبعثات وش الي احتاج اجيبه من وثائق وهل احتاج اختبر قدرات الجامعيين ؟
وتتوقعون راح يسألوني وش سويت في الثلاث سنين دي ؟
اقول لهم الصراحة اني كنت في جامعة ووضعي سيء جدًا فيها بسبب الضروف؟

جوابي ليس قائماً على تجارب، مجرد رأي.
-ما تحتاج توفيره من وثائق لابد وأنهم قد طلبوه فترة التسجيل، أما امتحان القدرات للجامعيين فهو للجامعيين، خريجي الثانوية مطلوب لهم امتحان القدرات + التحصيلي، وأتصور أنك قمت بهما وإلا لما تمكنت من التسجيل في نظام الابتعاث.
- نعم أتوقع أن يسألونك عن الثلاث سنوات الماضية.
- هل الوضع السيء متعلق بالجامعة أم بظروفك فيها؟ تعليقك غير واضح، (لكن بشكل عام) لا أنصحك بانتقاد الجامعة سلباً أو الحديث عنها بشكل سيء، سيما إن كانت جامعة محلية ( من جامعات المملكة) وإن كانت الظروف التي واجهتها فيها ما هو متعلق بتخصص لا تريده مثلاً وأجبرتك الظروف عليه، فلا مانع من ذكر ذلك، وما يتعلق بالتخصص الذي ترغب بدراسته ولا يتأتى لك إلا بالابتعاث.

شهادات الدورات التطويرية والبرامج التدريبية، شهادات اللغة، الخبرة بعمل معين ولو فترة قصيرة_ لو توفر لك_، فيمكنك ذكرها أو تزويدهم بها، فهذا يدعم ترشيحك في نظري لكنه القبول غير متوقف عليه.

انا تواصلت معاهم وكان رده .. غالبا بس مقابله لايوجد اختبار

- - - مشاركة محدثة - - -

بالنسبة للمقدمات ومقابلتهم في المعهد المالي في الرياض ، في جهة توظف نسائية في المعهد ؟ او اللي يسوي المقابلات رجال ؟

السلام عليكم ورحمة الله وبركاته

حابه اعرف وسيلة تواصل للمعهد المالي اذا احد عنده يفيدنا

وهل المقابله بتكون مع نساء او مع رجال ؟ انا مقابلتي الاثنين الساعه ٨


بالنسبه للي سأل عن بيسالونه وش سويت بثلاث سنين ، انا قابلت السنه الماضيه مع وزارة الداخليه وتم سؤالي عن وش سويت بالفتره مابعد التخرج

ممكن تقول عن انك طورت لغتك مثلا لو في حال طورتها صدق او اي شي اهم شي لاتقول ماسويت شي او تتعذر بالجامعه


السنه الماضيه كانت المقابله كل المتقدمين نساء في نفس الوقت مقابلتهم اما اللي يقابلهم كان مجموعة رجال لجنه مسوينها وزارة الداخليه ، اسئلتهم كانت عامه زي اسئلة المقابلات مع اسئله تحجيريه بسيطه تتطلب الواحد يكون واثق من نفسه وهو يجاوب ، اللجنه كانت مختصه في المقابلات وعارفين وش يسالون

لكن ماعندي خبر هالسنه لو نفس النظام او لا ؟ وهل اللي يقابل نساء او رجال لان يفرق

اهلين اختي . اكتبي في قوقل المعهد المالي الرياض ، ويطلعلك على طول الرقم

وبخصوص اللي يسوون المقابلة اذا نساء او رجال . لاهنتي اذا اتصلتي عليهم اساليهم وعلمينا الاجابة

ردو علي وكان جواب الموظف كالتالي

المقابلات فرديه وستكون رجالاو نساء حسب الجهه اللي بتقابلك في مؤسسة النقد
تم استبعاد الناس اللي ماختبرت قدرات جامعيين

هي مقابله وليست اختبار

وهي الخطوه الاخيره بعدها يبين المقبولين ويقول تم استدعاء مجموعه كبيره للمقابله