تجمع المتقدمين على مؤسسة النقد العربي السعودي وبعثتك 12

السلام عليكم . كيفكم جميعا
بغيت أسألكم الحين متي المفروض اجبلهم قبول من الجامعه هناك واش الجامعات اللي تنصحوني فيها لتخصص إداره ماليه
وشئ ثاني كمان هل لازم اختبر جيمات واش هوا هذا الإختبار أصلا ؟

بعد الملتقيات وبعد ماتفتحين ملفك في الدولة اللي اخترتيها ممكن انك تجيبين القبول ذاك الوقت

الجيمات هذا اختبار لتخصصات الادارة فيه بعض الجامعات تتطلب منك درجة معينة على حسب معدلك عشان تعطيك قبول جامعي طبعا الاختبار من 800

واذا حابة تعرفين اكثر عن الاختبار ممكن افيدك

sa12
ايه والله حابه اني اعرف أكثر عن الإختبار وفين اختبرو ومتي وكذا يعني .

الاختبار تقدرين تختبرينه مرة كل شهر وقيمته 250 دولار
تقدرين تختبرينه في الرياض او الشرقية هذي المواقع الي اعرفها ما ادري عن الباقي

الاختبار يتكون من اربع اقسام (Analytical writing assessment,Integrated Reasoning,Quantitative,Verbal)
ومثل ما قلت الدرجة الكلية للاختبار 800 وتختلف من جامعة لجامعة فيه بعضهم يحدد بحسب المعدل وفيه البعض ما يحتاج جيمات اذا فيه خبرة وفيه بعضهم يحدد درجة بغض النظر عن المعدل

هذا بشكل عام، وأي استفسار عن أي شي محدد انا بالخدمة

موفقة

بإذن الله اذا جانا القبول. متى المفروض اسحب ملفي من الجامعة في ادرس فيها حاليًا ؟

قانونياً يجب سحب الملف والانسحاب من الجامعة قبل توقيع العقود مع الجهة

أما بالنسبة لرد وكالة البعثات على هذا الاستفسار فيحق لك الانسحاب قبل إصدار قرار الإبتعاث النهائي

موفق

هل انتهت المؤسسة من المقابلات الشخصية !

نعم انتهت الخميس الماضي، وخلال اسبوعين الى ثلاثة اسابيع سيتم الانتهاء من فرز الاسماء وارسالها للوزارة

بالتوفيق

بس لو يعلنوا عن المقبولين وتواريخ الملتقيات نرتاح .......بصراحه عندي حجز للسفر في شوال وخايفه تكون الملتقيات وقت سفري وأخسر الحجوزات

الله يسهل

والله اتوقع بتطول الامور والملتقيات راح تتأخر لان بعض الجهات الى الان ماحددت المقابلات ويبيلها وقت عشان الفرز

انا صراحة في مدريد الان واحتاج شهر عشان ارجع وفي جهة كلمتني عشان المقابلة الثانية وقلت لهم خلوها سكايب وتعاونوا مشكورين

عشان كذا توكلي على الله وربك يسهلها، واذا لزم الامر طقي تذكرة وارجعي

موفقة