تجمع المتقدمين على الخطوط الجوية السعودية وبعثتك 12

اختبار الخطوط السعودية اليوم️
اسمي تركي / تخصص بكالوريوس علوم طيران
بحاول اتذكر قد ماقدر لاني صراحة تعبت شوي ما خذت ماء قبل الاختبار فاعذروني الي أتذكره قليل لكن بحاول ان شاء الله
اختبار انجليزي
100 سؤال
40 قرامر
40 فوكابلري
20 قراءة
ساعة ونصف مدة الاختبار و النتائج خلال أسبوعين او 10 ايام عمل
الاختبار يقيس من ال basic ( صفر ) الى مستوى ماقبل المتوسط ( مستوى الرابع )

للأسف قرامر ما اتذكره لكنه بين سهل ومتوسط ( ليتني اتذكر شي ولا ابي افيدكم جدا اعذروني )

الفوكابلري بسيط جا سؤال مثل ( انا جائع ) * السؤال هل هو يريد ، ، دونات ، قهوة ، ، شي زي كذا
و جا سؤال بالاخير يقول انا احب الخضروات ويحط لك بالخيارات ... * جزر ، مشروم ، spenich مدري وش هو * ولا موز ،،تفاح ، ، برتقال ؟ ؟


القراءة 20 سؤال مقسمة عدة اقسام كل قسم 5 اسئلة شي على الفهم و شي على قراءة شكل مخطط ( قطعتين للقراءة )

مثلا جاب مخطط طولي مقارنة مبيعات 2013 و 2016 في عدة قارات و حط اسئلة تحتها مثلا
منطقتين تساوت فيها المبيعات* اوروبا ، امريكا الجنوبية * و سؤال مثل اكثر منطقة مبيعا شي بسيط جدا تجاوب حسب المخطط قدامك

( ، ، ، 5 اسئلة على قطعة ، ، ، 5 اسئلة على قطعة القطعة سهلة و كلاهما يحتوي سؤال يقول اي عبارة من العبارات الاتية صحيحة
ثانية ، ، ، و القسمين الثانيين نسيتهم الصراحة لكنها بسيطة يبغاك تفهم السؤال هو . ( ما أتذكر سؤال محدد للاسف لكن ان شاء الله سهلة )

احتمال يكون فيه اختبار قدرات بعد الانجليزي بس الى الان ما حددوا

والله الموفق
@Khwild_11

الله بستر انا بكره عندي ماش بس انا مقدم دبلوم بعد الثانويه يعني حتي نسبتي 80
تعاملهم مثل تعاملك معاي؟
معروف الواحد يطلع مامعاه شي انقليز

وياك يارب

لا اختبار قدرات للطيارين غير حق قياس

حق قياس اصلًا ما كان مطلوب للدبلوم بعد البكالوريس

الله يسهل يارب

السلام عليكم
ياشباب انا مقدم على دبلوم بعد الجامعه واختباري يوم الخميس وانا متفائل أني اقدر أعدي لكن الكلام على طول والوزن انا اقل من 160 والوزن مايحتاج اقول هل ممكن يحولوني على تخصص ثاني ولا رفض وانتهى الموضوع

لا ما كان معانا بنات

ماعرف متى مواعيدهم اصلًا

وعليكم السلام لا حتى المدني الطول شيء اساسي الله يعينك يااخوي طولك مرة يخوف بس ان شاء الله يقبلوك،،. يدخلوك في سيموليتر ويشفونك تلحق اغلب الاشياء بالراحة او لا والله يوفقك

الحمدالله انتهينا من الاختبار وهمه والله يعين الي باقيلهم
الاختبار زي ماقلنا 100 سؤال من المستوى الاساسي الى المستوى الرابع 5 خيارات ساعة ونص الاختبار
40 سؤال قواعد
40 سؤال فهم
20 سؤال قراءة

من امثلة اسئلة القرامر المضارع البسيط والماضي البسيط انصحكم تشوفوا فيديوهات في اليوتيوب في قناة اسمها دروس اونلاين حتساعدكم

واسئلة الفهم يقلك مثلا انا رايح ..... عشان بسافر ابها الخيارات مطار محطة باصات البيت الفندق تقوم انت تختار المطار

اسئلة القراءة
اربع نصوص كل نص 5 اسئلة
كالمعتاد رسالة من شخص الى شخص
مين الي ارسلها وش يقصد بالجملة الفلانية هل هم في نفس المدينة ومن ذي الاسئلة البسيطة

بالنسبة ليا وللاغلب القواعد حتكون اصعب شي معنها بسيطة لاكن تلخبط اما الباقي بسسسسسيط
النتائج بعد 10 ايام عمل = اسبوعين
بعدها المقابلات
النتيجة المطلوبة من الاختبار نسبة وتناسب بمستوى الدفعة وعدد الكراسي

بالنسبة للوزن ممكن يقولو لك لا ترجع الا ووزنك مثالي يعني ما يدققو كثير

لكن الطول ماعرف صراحه

شباب الاختبار راح علي اعطوني رقم وزاره الابتعاث او اي احد لاهنتم

الاولاد اختبارهم 26 ابريل بعد بكرا بالرياض تعال اختبر معاهم الساعه 9 في مركز الملك عبدالعزيز التاريخي

- - - مشاركة محدثة - - -

الابتعاث تحصله في تويتر اسمهم وكالة الابتعاث يردون بسرعه او كلم ادارة الخطوط السعوديه