تجمع المتقدمين على كلية محمد المانع للعلوم الصحية وظيفتك وبعثتك 12

عفواً ايش الكلام دا الي اشوفو ؟؟ مو فاهمه اي حاجه ؟؟

ايش الشروط و ايش هرجة الكليه ؟؟ دي مو زي بعثة الملك عبدالله الله يرحمو ؟؟ ولا اتغير النظام ؟؟

شكلك ما تابعتي الهرجة من أولها..

خلينا اول شي نتفق على انو وظيفتك وبعثتك هو برنامج ابتعاث منتهي بالتوظيف يعني جهات توظيف تصرف عليكي وتوظفك لمن ترجعي وهي المسؤولة عن البرنامج اما وزارة التعليم منظم ومتابع للبرنامج فقط.

كلية المانع ايام التقديم نزلوا كم شرط معقد بخصوص شروط القبول عندهم (في تويتر) بس رجعو مسحوا كلامهم على طول..
وضحت؟

طيب تاني شي، بخصوص البرنامج، ما طول ولا شي. دحين في مرحلة تدقيق الطلبات وقربت تخلص اسبوع او اتنين خلاص وبعدها مراجعة شاملة اسبوع وبعدها تحويل على جهات التوظيف للمفاضلة.

كمان تقدري تتطلعي على خطة البرنامج حرفقلك هيا..

كل التوفيق.

هنا التواريخ الي تخص البرنامج...

ممكن تدخلي على رابط التقديم وتحطي رقم طلبك والرقم السري وتشوفي هل تم التدقيق لطلبك ولا باقي تحت الإجراء.

نصيحة نصيحة نصيحة خليكي متابعة معاهم ممكن يرجعوا طلبك اذا فيه نقص عشان تكمليه.

مرررررره شكراً دكتور محمد ،، والله انا ما اتابع تويتر ولا اي حاجه في الحياه بس اتابع حالة الطلب و موقع سفير ،، عشان كدا ماعندي خلفيه عن الفيلم دا الي حصل ،، بالنسبه لحالة الطلب مكتوب عندي انو تم تدقيق طلبك و بس ،، بس مشكلتي انو ابغى اعرف هل في مجال انو ابتعث ولا راح يخلو الامر لموظفينهم او يدقرو ع الوضع و مايخلولنا مجال في الابتعاث .. و كمانا حاجه تانيه ،، انا من جده و الكليه في الدمام كيف راح يكون الوضع من جهة المقابله الشخصيه والتوظيف ؟؟

بسالك
ايش تخصصك السابق؟
ومن اي جامعه متخرجه

ومبروووك التدقيق

العفو دا واجبنا...

شوفي ما دام تم تدقيق طلبك يعني الحمد لله خلاص مكتمل وسيتم إرساله الى جهات التوظيف للمفاضلة بعد إغلاق مرحلة التدقيق والمراجعة العامة قريبا.. وقريباً راح تغيير حالة الطلب الى (تم احالة طلبك الى جهة التوظيف).

بالنسبة انو انتي في جدة والكلية في الدمام ما عندي علم صراحة بدا الموضوع. بس لا تشيلي هم دا الموضوع دحين، ان شاء الله اذا جاتك بعثة روحي وادرسي ولمن ترجعي يصير خير، ما تدري يمكن ما يجيروكي انك تتوظفي عندهم

موفقة

تخصصي إدارة عامة مسار إدارة خدمات صحية و مستشفيات ..

جامعة الملك عبدالعزيز ..

الله يبارك فيكِ ☺

الحمدلله ،،

يااارب ما انجبر لانو مررره صعبه بنت تشتغل لحالها في مدينه تانيه مررره ما اقدر .،، ان شاءالله تتسير من عندو ..

يسلمو ،، و موفق انتا كمانا ..

انا زيك تخصصي ادارة خدمات صحية ومستشفيات بس كلية الاعمال جامعه عزوز
ومع هذا جاني رفض الطلب لعدم تطابق التخصص مع الوظيفه حسبي الله