تجمع طلاب و طالبات ايرلندا_الطب و الجراحة

وينكم محد مسجل ايرلندا؟

والله يا ريت لاقي حد هون يفيدني ! لاني ناويه كمل ب ايرلندا

انا مقدمه ايرلندا تخصصي فيزياء ومقدمه ع فيزياء طبيه
ولسى طلبي تحت الاجرااء
بس لي فتره ابحث وماحصلت احد نفس تخصصي معقوله مافيه الا انا الوحيده 😅

الا اكيد موجود بس يمكن مو مسجلين هنا في مبتعث او متابعين بصمت.. الله يوفق لك 🏻️.

درست اللفه سابقا في إيرلندا
إذا تبون أي معلومات عن إيرلندا مستعده أجاوب لكم عليها باللي أقدر عليه

معلومات بسيطه :

الدوله شعبها يتكلم انجليزي - الشعب فريندلي مع الكل ما شاء الله باستثناء دبلن لأنها العاصمه "نفسيات حسب وجهه نظري كل العواصم كذا"

المكافأه : 1800 يورو للمبتعث - 1600 يورو للأخ

ايرلندا من شرقها لغربها حول 3 ساعات بالباص دوله الأمطار "كل شوي مطر نازل ما شاء الله "

جالوي "المدينه اللي درست فيها" فيها جامعه جالوي وفيها معهد أكاديمي ومعهدين تجاريين

البنات "انتبهوا كلابهم كثيره ومره قفز واحد على بنت أعرفها لكن قصده يسلم عليها مو يعضها فلا تخافون "

بالنسبه للشباب روحوا لدبلن أما البنات أو العوائل "جالوي أو ليمريك "نيمريك " أو كورك " ذي كلها حلوه للعوائل مناظر طبيعيه وهدوء ومدن صغيره جنب بعض

بالنسبه للفيزا "لبى قلبهم " الفيزا ماله داعي تروحون للسفاره مجرد إرسال كل أوراقك بالبريد وتوصلك الفيز جاهزه يعني حتى مقابله ما فيه مو مثل بريطانيا

الدوله كل من زارها حبها ووده ما يطلع منها

الكل يرحب فيك والكل يبتسم لك وعندهم أمانه بكل شي ما شاء الله الله لايغير عليهم

أخلاق مسلمين

لا تشيلون أغراض كثيره معكم هناك كل شي متوفر تقريبا وأفضل من هنا بكثير

بالنسبه للطلبه اللي مقدمين طب

أحب أقولكم إيرلندا متعاقده مع الوزاره على 50 مقعد فقط مخصص للسعوديين والسعوديات

يعني المنافسه شديده أقل شخص قبل في دفعه أختي كان معه 6 أو 5.5 أيلتس


لكن ألمانيا الطب قبوله للوزاره سهل المهم درجات عاليه بالثانوي+القدرات +التحصيلي

اهلًا يعطيك العافية ما قصرتي.. أنا عندي سؤال اذا تعرفي ..
اللي انقبلوا ب5.5 كان المفروض الباند كلها ما تقل عن خمسة ولا المهم 5.5 بغض النظر عن الدرجة في كل قسم؟

المقصودين ها طلاب الثانوي اللي بيدخلون طب مو الزماله وغيرها ذولا ما أدري عنهم

على حسب الدفعه حقتكم إذا كانوا الطلبه شطار أو لا

مثلا أختي ثانوي 99. شي والقدرات والتحصيلي 85 و 92 لكن بالتوفل والستيب والأيلتس اللي اختبرت فيهم ما جابت درجه عاليه أظن أقل من النص تقريبا 3.5 من 9

قبلوها طب ألمانيا لكن ما قبلوها إيرلندا رغم أن فيه طلبه أقل منها بالنسبه لكن درجه الأيلتس عندهم أعلى

فهو على حسب دفعتكم أنت حاول تختبر وتجيب درجه عاليه من الحين عندك فرصه إن شاء الله تقدر تجيبها لأن إيرلندا منافستم عاليه ومقاعدهم محدوده يعني حتى اللي على حسابه بيروح للطب الجامعات هناك ما تقبله لأنها متفقه على 50 مقعد فقط

الأهم الأيلتس حاولوا عالأقل ما تقل عن 5 هم ينظرون للدرجه بشكل عام وبعدين إذا كان فيه كثار بنفس الدرجه ينظرون للأقسام


بالتوفيق

شكراً يعطيك العافية️🏻