هل عمرك راجعت وكالة الإبتعاث بالرياض ؟ خش لو سمحت

أحب أوضح نقطه بحكم أن أختي كانت مثل وضع أختك ثانويه 99.98 شي وقدرات 85 وتحصيلي 92 وجابت أيلتس حول 3.5 "على حسب ما أذكر"وقبلت طب ألمانيا

المهم على دفعتها ما قبلوها إيرلندا لأن إيرلندا تأخذ أعلى درجه أيلتس وأخر درجه وقفوا عندها 6 أو 6.5 أو 5.5 تقريبا


السالفه لا واسطه ولا غيره

السالفه لأن أختك يمكن ما قدمت اختبار ايلتس

الوزاره ما بيدها تزيد طالب أو طالبه لإيرلندا بحكم أن عدد الطلبه اللي جامعه إيرلندا متفقه معهم عليها 50 مقعد فقط وحتى لو الطالب راح على حسابه الخاص فيها ما يقبل بحكم الإتفاقيه


وبالنسبه للإنتقال إلى بريطانيا ما يتم إلا لحالات نادره فقط كأن يكون المبتعث موظف


ما حبيت أجامل وأقول كلام وهمي حتى تفرح للحظه وتعطي أختك أمل كاذب

لكن بما أن ما عندك مانع تنزل الرياض روح وارفع خطاب وكلم قسم الرجال وحاول معهم وربي يكتب لها الخير

مرحبا شف بالنسبه لبريطانيا العلم المتداول مغلقه ويوم قدمت طلب الملحقيه رفضت مارسلت للوزارة قالو مغلقه ويوم رحت سألتهم قالو في حالات خاصه إذا الوزير اسثنى لأنها مغلقه صعب أحد يروح لها طبعا اذا في و على طول بتعدي بس بشكل عام مغلقه أما للتأجيل انا ماقدرت أجل رفضو لاني صار لي سنه ماجل من اول لظروف صحيه فقالوا انه الفتره هذي الي مادرست فيها تسوي طلب تعديل نهايه بعثه ويصير يحسبون لي المده الي مادرستها ان شاء الله.اما بالنسبة للدوله انا استقريت على هولندا ان شاء الله بدرس 3 سنوات هندسه ميكانيكية وسنه تحضيرية المجمل 4 سنوات وأنا خلصت مايقارب ترم مايعادل 3 كوارترات بس قالو الجامعه لازم دبلوم كامل مخلص سنتين عشان نشيل عنك السنه التحضيرية وجلست اقول للوزارة هالكلام إلى ما اقتنعو .وبالنسبه للأجازه انا كلمتهم اليوم قالو معاملتك أن شاء الله على وشك تنتهي كلمنا الاسبوع الجاي فا اعتقد من كلامه انهم مداومين.اما ملفك جهز اي قبول عندك لاي دوله عشان اذا قالو شي وريهم القبول وإذا في إلغاء الفيزا اي اميل أو أي ورقه اطبعها كمان وإذا لا سمح الله في أعذار طبيه اي ورقه ممكن كمان تفيد وشهادات اي شهاده عندك جهزها يعني لاتخلي ورقه إلا لما تاخده ويوم تقابلهم أن شاء الله ابدا انت بالكلام ولاتعطيهم فرصه للرد إلا ماتخلص وحاول كل مايسالك سؤال تعجيزي قلهم اجابه معقده ومقفله بحيث انه مايرد عليك بسؤال يعني ادعي وتوكل على الله وقلهم وخليك جريء وممكن في طلاب موجودين ماعليك قل كلي الي بخاطرك وإذا قلك منحرج تتكلم واكتب ورقه وكذا لا قل له كل شي بخاطرك لأن الجميع يبون حل لمشاكلهم فا توكل على الله وإذا في استفسار علمني.
ملاحظه اسمي سليمان. لأن sloooomi من سليمان. ابد يعني مافي شي بس حبيت اعلق وموفقين ان شاء الله

ماقصرت يا سليمان الله يعطيك العافية ويوفقك
شيك على الخاص

ماشاء الله على أختك الله يوفقكم

اختي جابت بالايلتس 6 وكانت حاطه الرغبة الأولى ايرلندا ولكن حولوها لامريكا فـ للامانة واحقاقا للحق هذا تخبط من الوزارة

من المفترض الان ان يتم تحويلها لـ ايرلندا بناء على درجاتها ماشاء الله وانها كانت حاطه ايرلندا الرغبة الاولى وكذلك خصوصا بعد الغاء الفيزا الامريكية !

فـ تخيلوا بعد هذا كله يتم الرفض ؟؟ اسالكم بالله مو تخبط وظلم ؟؟

أختي اسيرة
ممكن تكلميني عن الطب بألمانيا في حال رفضوا ايرلندا ممكن تعطينا اسماء الجامعات بألمانيا واقواها ومتى يبدا التقديم لها والدراسة فيها
وبأي لغة يدرسون الألمانية أم الإنجليزية ؟ وهل المانيا مفتوحة الآن ؟

وشكراً جزيلاً لك مقدماً .

الله يجزاك كل خير يالكهل
جهودك وعونك في ردودك واضح لي وللجميع في كل مكان في منتدى مبتعث الله يجعلها في ميزان حسناتك

البعض للأسف إذا جيت تشرح مشكلة لابد تعرّف بتفاصيل المشكلة حتى تتضح الصورة
مثلاً لو وقفت قدام مسؤول بالتعليم وشرحت له مشكلة أهلك وإنهن حاصلات على تكريم ع مستوى المملكة والمنطقة
بدل أن ينصت لهذا الكلام ويفتخر ويحاول انصافهن ويحل المشكلة
لا
تتغير تعابير وجهه ويأخذ الموضوع لـ مسار آخر مختلف تماماً ويبدأ يتحداك و ....... إلخ مما يثير دهشتك وصدمتك من ضحالة ومستوى هذا التفكير لهذا الشخص وكثير من المسؤولين للأسف يفكرون بهذه الطريقة
مثل أخونا في الله في الصفحة الأولى من هذا الموضوع
مدري حقيقة وش سبب هذا التصرف هل هو نقص فيهم أم والله لا أعلم
لكن ما أعلمه تماماً أنه نقص وفقر في الخُلق .. المسلم يتمنى الخير لإخوانه واخواته قبل أن يحبه لنفسه ويقف معهم في السراء والضراء كالجسد الواحد كما أمرنا سيدنا الحبيب صلى الله عليه وسلم وأن يصفي قلبه وينقيه ولا يسيئ الظن وإن نطق ينطق بالخير أو يصمت اجتناباً للآثام.

أخونا في الله إن صدق في كلامه فهو خسف تاريخه الأكاديمي بالكامل وذهبت سنوات طوال عجاف قضاها بالتعليم بـ رده هذا اللي اثبت لنا مستوى وكفاءة ورجاحة عقله نسأل الله له الهداية.