هل عمرك راجعت وكالة الإبتعاث بالرياض ؟ خش لو سمحت

شكراً وكل التوفيق لك

- - - مشاركة محدثة - - -

شكراً لك والله يوفقك

- - - مشاركة محدثة - - -

آمين يارب ،
طيب هل لما اوصل وكالة الابتعاث الدخول عليه سهل وعلى طول مباشرة ؟ ولا هناك يوم مخصص ؟ ولا لازم تقديم موعد أم كيف ؟

أخذنا قبلها بيومين الموعد وكان اللقاء الاربعاء.. الله يسهل لك..

معقولة طلب انتقال للحين معلق بالوزارة 6 اشهر ؟؟ كيف كذا ؟؟
وصارلك شهر تراجع الرياض ؟؟ لا اله الا الله وش التسيب هذا متاكد يا اخوي من كلامك وهل هناك امور خاصة بطلبك ادت على هذا التاخير والتسويف الكبير ؟؟

وهل الدكتور الحربش يقابل المراجعين يوم الثلاثاء فقط ؟ وكيف الدخول عليه عادي مباشرة بأي يوم اقدر ادخل عليه ؟

حقيقة طلب اهلي بعد ما الغيت فيزتها الامريكية بدون سبب جابت قبول من هولندا نهائي وكل شيئ سليم رفعت الطلب الانتقال من 3 اسابيع وللحين عند الموظف المختص بالوزارة دون رد
مع ان الموضوع يا جماعة الخير مايحتاج دراسة ولا تفكير

الموضوع واضح وضوح الشمس كانت بترجع لبدأ الدراسة الجامعية بامريكا والسفارة الامريكية الغت الفيزا بدون سبب
جابت قبول من هولندا من جامعة خروننجن نهائي والدراسة تبدأ بعد شهر ونص بهولندا خلاص الموضوع مايبغاله تفكير ولا دراسة يتم الانتقال حفاظا ع مستقبل الطالب واللحاق بالترم الدراسي صح كلامي ولا لا ؟
ناهيكم اجراءات السفارة الهولندية !

اموت واعرف يفكرون بـ وش ويدرسون وش

الله يسهل ويطرح البركة ويوفق الجميع
والله صدمة كلامك يا سالم 6 شهور معاملة انتقال دولة !!

شف والله انا 6 أشهر بس لاني قدمت على أيرلندا وأستراليا. ومن شهر قدمت على هولندا ورفضو عشان ماعندي فيزا هولندا وقلت لهم الجامعه تبدأ بإجراءات الفيزا من شهر 7 وإذا انتظرت بيجيني إلغاء بعثه لاني متوقف عن الدراسة قال جب ورقه تثبت وقلت للجامعه ابي ورقه توضح انه انتم المسؤولين عن الفيزا ويوم اجيب الورقة قالو لي مقبول وبعدها جاني رفض لعدم إصدار تأشيرة آخر شي رحت قلت بقابل الوكيل يوم تدخل وزارة التعليم شارع التخصصي. تروح الدور الأول وقلهم صاله المبتعثين ورح قل للموظف ابي احاله للدكتور جاسر ويدخلك على مدير الصاله وقله وضعك وهو ان شاء الله بيوافق لك عليها ويعطيك احاله والثلاثاء الوكيل يقابلنا من 3 أسابيع غيرو الوقت صار كل ثلاثاء الساعه 11 يعني انت رح لهم 9 ونص ان شاء الله. وعلى فكره انا جاني إلغاء فيزا من امريكا وباقي بعثتي 4 سنوات أن شاء الله يعني عندي وقت بس الوزاره كثير منهم مايخدمك ولا في طالب يمدح يعني اي موظف أو دكتور تقابل لاتكلمه اطلب مقابل الدكتور جاسر الحربش عشان مايضيع وقتك لأن هو الوكيل ولاتغلط مثل غلطتي مابقى احد بالوزارة إلا عرف وضعي واجلس يوم كامل على رأس الدكتور أو الموظف ويسألني اسأله وبالاخير يقلي مهي بعندي معاملتك توكل على الله ورح للدكتور جاسر وان شاء الله موضوعك ينحل الله يوفقك والجميع يارب العالمين.

الظاهر وضعك مثل أهلي بالضبط

أنت الغيت الفيزا في جانيوري ؟ بدون سبب صح ؟ لأن في طلبة مبتعثين رجعو من مطار أبو ظبي بدون سبب وكثيرين

حاولت ترجع للسفارة ؟ اذا ايوة وش قالو لك ؟

والله انك نبهتني بـ شغلة الفيزا الهولندية .. المشكلة اختي راسلت الجامعة خروننجن بخصوص الفيزا وقالت الجامعة الملحقية او الوزارة لم تتواصل معنا حتى نبدأ بإجراءات الفيزا لك
طيب وش نصيحتك كيف نبدأ باجراءات الفيزا الهولندية من الحين عشان الطلب مايرفض ؟

وبالنسبة لـ ايرلندا
انت قدمت طب بشري ؟ وهل استطعت جلب قبول من الجامعة الملكية بايرلندا ؟ لان القبولات تاتي من الوزارة
كلمني عن تجربتك مع ايرلندا


حاولت مع بريطانيا ؟

بالنسبة للفيزا جاني اميل بشهر أغسطس كنت إجازة هنا وعلمني انه رفضت فيزتي بالأخير قلت جت منهم خلاص ماني براجع لاني مرضت هناك وجتني ظروف فاقلت خلاص بغير بريطانيا قالو مغلقه. أيرلندا جبت قبول هندسة وقبول إدارة أعمال و2 رفضوها لان قبول غير نهائي مع العلم انه مدتي تسمح كلمت الجامعه قالو هذي قبولاتنا. وكلمت استراليا جبت قبول وقلت لهم انه استراليا مفتوحه ومدير الابتعاث قلي مفتوحه وبالاخير رفضو. أما هولندا الجامعه قالت نسوي إجراءاتك للفيزا بشهر يوليو وبعد كذا لازم ملحقيه هولندا ترسل لنا الضمان المالي من الملحقيه. فا الوزارة يقول لا مو صحيح وكل واحد يفتي من رأسه آخر شي كلمت الوكيل وقلي خير ان شاء الله. وبس

يعني الحين طلب اختي المعلق من فترة طويلة بالوزارة
بعد هذي الفترة الطويلة راح يجي رفض عشان الفيزا الهولندية ؟
طيب الدراسة تبدأ بعد شهر ونص .. وش نصيحتك يا اخوي كيف نقوز باجراءات الفيزا الهولندية والطلب ذا معلق لدى الوزارة ؟

بريطانيا على كلام واحد انها مفتوحة لمرحلة 11 و 12

سالم .. وش نصايحك بالنسبة لـ أختي الـ 1 المقدمة قبول نهائي خروننجن طب بشري وباقي ع الدراسة شهر ونص
وللان الطلب معلق بالوزارة وماسوت الفيزا الهولندية ؟


واختي الـ 2
ملحقية ايرلندا رافعة طلب انتقال لها لان قبول الطب يجي من الوزارة وبتجيب قبول من بريطانيا وماندري هي مقفلة ولا مفتوحة ولكن بنحاول
وبنجيب قبول كذلك من امريكا نحاول وبنحاول من كندا مع اننا سمعنا ان كندا قبولاتها في نوفمبر


كذلك مع الظرف الطارئ هذا رفضوا يعطونا تأجيل وفي ناس ياخذون تأجيل انت ماحاولت تسوي تأجيل ؟ وليش رفضوا مع هذا الظرف الطارئ ؟

والله انا خايف ع الغاء البعثة صراحة

شف نصيحة مني إذا أنا مكانك الثلاثاء القادم اكون بالرياض يعني رح الأحد .والاثنين شيك معاهم والثلاثاء قابل الوكيل وقله ماقدر اطلع فيزا إلا بعد موافقة الوزارة والدراسة بعد شهر ولازم خلال كم يوم ارسلهم ضمان مالي من ملحقيه هولندا وخذ الملف معك عشان اذا احتاج منك أوراق وبعد كذا الفيزا ماتاخذ وقت بس اهم شي الوزارة لان بعض الموظفين ودكاتره والله يودون ويجيبون بالطلاب يمين ويسار فا كلم الوكيل نفسه ويوم الاثنين قلهم بقابل الوكيل وان شاء الله خلال الأيام الجايه ينتهي .وبالنسبه بريطانيا شفت هولندا كيف طولو أما بريطانيا مغلقه انا مبتعث 2012 فا جيتهم قالو جب قبول بجامعه قويه وكلمت جامعه كامبريدج شف كيف وبعد كذا قلت للوزارة اجيب قبول فيها قالو لا لا لازم نناقش الوزير لان بريطانيا مغلقه قلت بقلبي ماحولك أحد لأن كل ماتسال عن دكتور يردون عليك هذا مستشار غير متفرغ وليش عشان دكتور بالجامعات في الرياض يعني من الاخر .الطالب آخر همهم ولا فكرو فيه جد عانيت منهم لأنهم مو واضحين ولكن اطلب مقابله الوكيل وان شاء الله هو بيخلص لك الموضوع ورح براسك قلهم وضعك وقلهم اهلي سالفتهم كذا. وخذ معاك احتياط صوره من كرت العائلة عشان اذا قام أحد يقلك نبي إثبات. الله يستر عليك ويوفقك ويوفق الجميع والموضوع أمره سهل لاتشيل هم بس علمهم ان دراستك بعد شهر .وإذا احتجت اي شي علمني.

اسف على الازعاج.