الخدمات الإلكترونية لبوابة سفير للمرشحين للابتعاث.

السلام عليكم, رفضوا طلبي اكثر من مره يقولون ارفاق العقد الرسمي من الجهة, (هيئة السياحة) تكفون مدري شسوي دراستي باديه له اسبوعين

وعليكم السلام،
تواصل مع الجهة (هيئة السياحة) سواء تتصل عليهم ولاترسل ايميل او حتى تروحلهم وقلهم انك تحتاج العقد الوظيفي عشان برنامج وظيفتك بعثتك وهم يعلمونك سواء تروحلهم توقعه او يرسلون لك العقد.

مع العلم قصدي بكلمة (ولا) ترسلهم او تروحلهم يعني (أو) ترسلهم او تروحلهم وليس (لا) ترسلهم. عشان ماتتلخبط بس من اختلاف اللهجات

السلام عليكم..

اذا ممكن احد يفيدني؟
عندي اختلاف بالسبيلنق بين الجواز والوثيقه، وحابه اغير الجواز اسهل بالنسبه لي..

هل ممكن تصير لي مشكله او تأخير اذا فتحت الخدمات الالكترونية لي؟

هل لازم اعطيهم خبر علشان الضمان ، او خلاص احط صوره من الجواز وامشي الامور عادي؟!

انا خايفه اتعطل من ناحية الخدمات اذا غيرت الجواز!

وعليكم السلام والرحمة
اذا كان الوثيقة الي تتكلمين عنها للثانويه العامة فمطلوب اساسا ارفاق الوثيقة (certificate) والسجل الاكاديمي (transcript).
سواء لإستخراج قرار ابتعاث او حتى قبول الجامعات، الشاهد في الموضوع ان السجل الاكاديمي يحتوي جميع المعلومات من ضمنها رقم الجواز يعني لو غيرتي الجواز بتضطرين تغيرين الشهادات معها ويصير ما استفدتي شي الا سويتي الثنتين غير كذا اتوقع تغيير اسم الوثيقه سهل جداً مجرد ماتورينهم سبلنق الجواز يغيرونها على طول لانه موضوع كثير يتكرر عندنا.

نفس وضعك بس رحت للجامعة وعدلوا السجل الاكاديمي والوثيقه .. طبعها لي موظف في عمادة القبول والتسجيل الاجراءات عند قسم البنين اسرع

سلام عليكم
استفسار لو سمحتوا
الحين ابي اصدر قرار الابتعاث و حصلت مرفق باسم استمارة قرار الابتعاث
ايش هو ؟ و كيف اجيبه؟
وشكراً

^^^

الظاهر المرفق المذكور بموقع الوزاره أو سفير ضمن النماذج أو الاستمارات!
نزله وقم بتعبئته حسب المطلوب ثم أرفقه بعد ذلك مع متطلبات أصدار القرار!!

السلام عليكم ورحمة الله وبركاته

عندي استفسار ، هل اقدر اغير دولة الابتعاث من البحرين الى المانيا مثلا وكل الثنتين تخصصهم طب
لاني حصلت خيار اللي هو تغيير مقر البعثه
مع العلم ان البحرين فئة ب وفئة ابتعاث المانيا فئة الخيوم

اولا بالنسبة لسؤال الاخ بندر عن استمارة قرار الابتعاث. تدخل من البوابة الالكترونيه على اصدار قرار الابتعاث بيطلعلك صفحة رفع الملفات لاصدار القرار، عند الخانة المطلوب فيها رفع استمارة قرار الابتعاث بتلقى محطوط رابط تحميل الاستمارة تحملها، تطبعها تعبيها كاملة ثم تسوي سكان وترفعها على الموقع معبية وموقعه.

وعليكم السلام والرحمة
تقدر تغير الدولة (طبعا اذا مسموحلك ومن الدول الي طلعلتلك وقت التسجيل لان في ابتعاث فتحوه قبل فتره طب خاص بالبحرين) اول ماتفتحلك البوابة الالكترونيه افتح طلب تغيير جهة الابتعاث بعد ماتدخل على تغيير جهة الابتعاث نفس الشي تحمل الاستمارة تعبيها تسويلها سكان (تصوير) وترفقها على الطلب.