تجربتك مع المقابلة الشخصية - المرحلة 12

وعليكم السلام

لاحظت شي بتجارب الجهات
ان اسئلة الجهه تتكرر على متقدمينها، فانصحكم اذا بدت مقابلاتكم تاخذون تجارب بعض لانها اهم.

،

تجربتي - مقابلة وزارة النقل
بكالوريوس، هندسة مدنيه تشييد

كان فيه لجان، لجنتي رجالين من هيئة الطيران المدني وبنت شكلها من وزارة النقل * مو متأكده*

اسئلتهم شخصيه وكلها عباره عن مواقف

- عرفي عن نفسك !؟
- كم عمرك ؟
- من اي منطقه ؟
- عادي تشتغلي برا منطقتك !؟
- عادي تشتغلي شفتات !؟
- ايش خطوات اي مشروع بتبدي فيه !؟
- مشروع سويتيه وفشلتي فيه !؟
- انجاز تفتخري فيه !؟
- موقف محرج حصل لك !؟
- تحبين تساعدي الناس !؟
- عادي تطلبي المساعده من احد !؟
- قرار صعب اتخذتيه !؟
- قرار اتخذته وفشلت فيه !؟
- هدفك من دراسة التخصص !؟
- هل قرار الابتعاث اتخذتيه لوحدك !؟
- قد سافرتي ؟
- هل يأثر عليك احد باتخاذ القرار !؟ ، شي زي كذا كان السوال
- موقف اغضبك او ايش الي يغضبك ؟!
- الشغل الي تحبيه !؟ المقصد عملي او مكتبي
- ليه قدمت على الابتعاث !؟
- قرار اتخذته بموقف صعب، او موقف صعب مريت فيه شي زي كذا
- كم درجتك الثانويه ؟!


ان شاء الله مانسيت سوال، تقريبا اسئلتنا كانو يكررونها علينا كلنا شكلها مكتوبه عندهم بورقة التقييم 🤓
احيانا بعض الاسئله متقاربه فيطلبون تعطون مثال مختلف عن المثال السابق
اللجنه حليوه لكن كان فيه حركات محاوله الاستفزاز مثل كان واحد يكلم الي جنبه ويضحكون فجأه او واحد يطالع بمكان ثاني
لكن الحمدلله عديتها على خير



،



موفقين يارب جميع، "فإن مع العسر يسرا" 🏻

يعطيك العافية يالهنوف على مشاركتك ومعلوماتك المثرية وراح ناخذها بعين الإعتبار وهدفي من طرح هذا الموضوع هو الإستفادة ممن سبقونا في المقابلة ووضع أنفسنا تحت ضغط الأسئلة المطروحه عليهم حتى نكون ملمين أكثر بجوانب المقابلة ونتمكن من إجتيازها بسهولة بإذن الله
حبيت أستفسر منك متى كانت مقابلتك وماهي حالة طلبك الحالية وهل هذا هو أول تقديم لك في برنامج الإبتعاث !؟