تجمع من تغيرت حالات الطلب لديهم إلى الاحتياط"

لكل المستعجلين ع الاجرائات

اقول الصبر وانتظرو اشوي لين يعلن بحساب وكاله الابتعاث هل نحجز ملتقى هل نبدا باجرائات ضمان مالي وغيره

لكل الي متحطمين انه ابتعاث بدون وظيفه

١- حمدلله على انه جانا قبول بعد الاحتياط
٢- ماحد متاكد ميه بالميه انه بدون وظيفه لان ماشفنا رد رسمي
٣- على فرض مافي وظيفه ترا مو نهايه الدنيا وفي مخارج كثير للي يبغى وظيفه انظمه الاستقطاب ومراسله الجامعات وغيرها اذا تقبل تحول بعثتك عليها >>> هذا الكلام مو من فراغ احد اقربائي كان مبتعث دكتوراه على النظام القديم بعد ثاني سنه من الدكتوراه تواصل مع جامعه وقدم استقطاب وعملو معاه مقابله سكايب وصار ابتعاثه ع الجامعه بدل الوزاره .. اختي بعد كانت مبتعثه ماجستير اخر ترم لها قدمت ع ارامكو وانقبلت تخرجت ونزلت ماشاء الله ع طول راحت لوظيفتها.الرزق بيد رب العباد اذا لك وظيفه حاتخذها حتى لو طلعت بدون عقد.
٤- المبتعثين بنظام وظيفتك بعثتك بجهات تراه مو ميه بالميه مضمونه الوظيفه. بالمرحله ١١ في عقد وزاره الصحه اذا ماخانتني الذاكره شفته بتويتر في شرط مكتوب بما في معناه انه يحق للجهه توظيف المبتعث بعد عودته للمملكه واتمام اي اختبار او متطلب وحتى مو موجود باي رتبه حاتتوظف ولا وين المنطقه>>> يعني هم ماحد يستبعد فيها مفاضله وتنرفض من الوظيفه اذا مااتممت الاختبار ومتطلباتهم لما ترجع. الامر توفيق من رب العالمين بالسعي والتوكل.

اللهم لك الحمد حتى ترضى ولك الحمد اذا رضيت ولك الحمد بعد الرضى

الف مبروووك للجميع

تم القبول لدراسة الدكتوراه ولله الحمد والمنه

هل تتوقعون فيه مجال لتغيير الدوله؟

وهل فيه وقت محدد اجباري نطلع فيه خصوصا انو الدراسه تبدا بسبتمبر ولا ممكن نأجل للترم الثاني علما اني ما احتاج فترة لغه

وجزاكم الله خير جميعا

الله يسعد اوقاتكم بكل خير ياجماعه ،،،، وألف ألف مبروووك على القبول
والله من جد أنا امس كنت منصدم فجأه أشوف الحالة (استكمل اجراءات ابتعاثك) ، وكنت فاقد الأمل وقلت خلاص سحبوا علينا بس الحمد لله فرجت
على كل حال إليكم الخبر الطازج من الوزارة الآن
احد زملائي من سكان الرياض توه مكلمني وقال لي كل التفاصيل عن اللي كان في مقاعد الاحتياط وتغيرت حالته
1- كل اللي على مقاعد الاحتياط صاروا مبتعثين بشكل رسمي
2- لايوجد جهة توظيف توقع معاها يعني مثل النظام القديم وهذا الشي صار استثنائي لدرجة الدتوراه
3- يوجد ملتقيات في كل من الرياض والدمام وجدة سيتم الاعلان عنها فيما بعد وجميعها بعد عيد الاضحي، وبعدها الخدمات الالكترونية راح تفتح ، قالوا ان الخدمات الالكترونية انفتحت بالخطأ ، هذا كلام موظف الوزارة والله أعلم
4- على الجميع بدون استثناء حضور الملتقيات وعدم تفويت اي ساعه لأن اي غياب سيؤدي الى الغاء البعثة

مرة ثانية ألف مبرووك لنا ولكم على الحصول على مقاعد البعثة ،

سلملم
تحياتي

الان الخدمات الالكترونية قفلت
والتخصص والدولة كمان اختفت

ومانقدر نحصل على الضمان المالي

هل ذلك يعني اننا مانقدر نحصل على قبول ؟

مرحبا
انا مقدمة دكتوراة ترجمة وتغيرت الحالة الى حجز موعد
سؤالي هو إني الاسبوع الماضي تم قبولي بوظيفة محاضر في الجامعة وانهيت الاجراءات وباشرت رسميا
كيف راح يكون وضعي الان؟ هل اكمل اجراءات الابتعاث واحجز موعد للملتقى؟ ولا فيه اجراءات اخرى؟؟