تجمع المقبولين لدرجة الدكتوراة الابتعاث المباشر.

هل انتي مبتعثة على الدكتوراه إبتعاث مباشر؟

إذا كان هذا وضعك, فإمكانك طلب تغيير الدولة عن طريق الخدمات الالكترونية وترفقين نموذج تحويل الدولة وترفقين خطاب مكتوب منك انه على حسب إفادة الدكتور عبدالرحمن الحضيف هو إمكانية تغيير الدولة بدون اي اعتراض من قبل الوزارة.

ناس كثيرة طلبت تحويل الدولة وبدون ما ترفق قبول معهد او جامعة.

والواضح انه ممكن يجيك رفض في اول مرة لكن اذا كان فيه اصرار منك احتمال كبير يوافقون لك في المرة الثانية.

وبالتوفيق للجميع يا رب

شكرا ياسر سويت الي قلته تو ردو علي لازم ارفق قبول مباشر او قبول مشروط علشان احول
مع اني ابتعاث مباشر

العفو

ارجعي اطلبي نفس الطلب وارفقي خطاب


توضحين فيه انه انتي ابتعاث مباشر ويحق لك دراسة اللغة الإنجليزية
وعلى حسب إفادة الدكتور عبدالرحمن الحضيف، انه يحق لك طلب تحويل الدولة التي تناسبك وتناسب التخصص المبتعثة عليه

وان شاء الله يوافقون

بس تأكدي انه تخصصك متوفر في الدولة اللي طالبة التحويل عليها.

بالتوفيق يا رب

Sent from my VTR-L29 using مبتعث mobile app

السلام عليكم..
تم بفضل الله اصدار قرار الابتعاث لدراسة : اللغه + دكتوراه (مستحق دراسة لغه)

وعقبالكم حميعاً

لدي استفسار بخصوص اصدار التذاكر ما الافضل طلبها عن طريق البوابه او مراسلة مكتب الطيار مباشره ؟

فالكم النجاح

ما شاء الله تبارك الرحمن

مبارك ان شاء الله

خالص الدعوات لكم بدوام التوفيق والنجاح

بخصوص التذاكر، أعتقد فيه خدمة لإصدار أمر إركاب أو تذكرة عن طريق الخدمات الإلكترونية. بصراحة لا علم لي بهذا الشأن.

Sent from my VTR-L29 using مبتعث mobile app

الله يعافيكم يارب ياليت اذا احد عنده مساعده يساعدنا
المفروض اني اصدر قرار ابتعاث شامل اللغه والدرجه العلميه الى من يهمه الامر
بس عيا مو راضي يعطيني هالشي لازم الى جهة معينه
لكن المفروض انه الى من يهمه الامر حاولت حاولت كم مره مارضى يعطيني المطلوب
وراسلتهم اكثر من مره لكن مابعد عطوني الحل
ارجوكم لنا اكثر من شهر من اول مافتحو الخدمات وحنا نطامر وراهم لكن مابعد تيسرت
ارجو اللي عنده حل يعلمنا وش نسوي
ارجوكم بتخلص المده وحنا ما اصدرنا اول خطوه

اختي الكريمة

انتي تقصدين ضمان مالي صح؟

قرار الابتعاث آخر خطوة قبل السفر
ومن متطلباته خطاب القبول والفيزا وغيرها من المستندات الأخرى.

أول خطوة هي إصدار ضمان مالي لغرض القبول عشان تقدرين تتواصلين مع المعاهد والجامعات.

في أمريكا يطلب منك اسم المعهد أو الجامعة عشان يصدرون لك ضمان مالي

غيرها من الدول ممكن يعطونك ضمان مالي عام موجه لمن يهمه الأمر.

الله يسهل أمركم ويوفقكم

Sent from my VTR-L29 using مبتعث mobile app

اي نعم اقصد ضمان مالي .....
جزاك الله خير
يعني مايصلح الى من يهمه الامر لامريكا
والان اراسل الجامعات كذا بدون مايصدر واذا تم القبول اوجهه لهم يعني ؟!
طيب هل هو لمعهد لحاله والا لازم يكون معهد مع الحامعه
زي ماتعرفون الجامعات ماتعطي قبول مشروط ومن هالحكي
الان وش اصدر ؟؟؟؟
ارجوكم ساعدوني
وكذلك هل لازم نطلع السجل الاكاديمي الان
لان لنا شهر نتابع ورا جامعه الامام ولهم شهر والنظام خربان حقهم ....

يعني الان اراسلهم بدون ضمان بس اقول اني مبتعثه يعني
واذا جا الموافقه اصدر الضمان ؟
طيب اذا جاني قبول للمعهد لكن الجامعه توهم وش اسوي
هل ممكن نصدر للمعهد بس ؟! وبعدين جامعه والا وش
ياليت تعطونا خطوات ابتعاث امريكا بالتفصيل

اختي الكريمة هذا الموضوع يعود إليك وإلى اختياراتك.

المفروض تعملين كالتالي:

تحديد الولاية / المدينة التي ترغبين في الدراسة فيها.

تبحثين في الولاية عن الجامعات المتميزة واللي فيها تخصصك، مع التأكد انه تخصصك والدرجة العلمية متاحة في قائمة الجامعات الموصى بها وغير مقفلة.

بعد تحديد الولاية والمدينة والجامعة تشوفين لك معهد لغة مناسب لك، والأفضل معهد مستقل اذا لغتك ضعيفة جداً واذا متوسطة الافضل معهد الجامعة.

بعد ما تتأكدين من اختيارك للمعهد، تصدرين ضمان مالي بإسم المعهد وتتواصلين معاهم عشان يقبلونك

بعد قبولك يرسلون لك خطاب رسمي للقبول وكذلك I-20

بعد كذا تصدرين الفيزا وتكملين الإجراءات اللازمة حتى إصدار قرار الابتعاث والتذاكر والسفر بمشيئة الله.


ملاحظة مهمة، ترى إنتي تأخرتي كثير وضاع عليك وقت بدون فائدة
المهم الآن تبدأين تبحثين وتقرأين هنا في المنتدى أو في موقع الوزارة أو الملحقية وغيرها من مصادر المعلومات.

ثلاثة أرباع المرشحين انتهوا من هذه الخطوات وانتي باقي في البداية، فعليك بالاجتهاد وسرعة الإنجاز

الله يوفقك ويسهل امرك ويكتب لك كل خير

Sent from my VTR-L29 using مبتعث mobile app