تجمع المقبولين لدرجة الدكتوراة الابتعاث المباشر.

إلا موجوده ... طبعاً اتكلم عن ٢٠٠ المتميزه

وقت التسجيل في الابتعاث بريطانيا ماكانت موجوده .
مااتكلم عن الجامعات المتميزة

ايه بريطانيا ماكانت موجوده
ولا ودي بها وخاصه انها اسهل من امريكا في القبول ودراسة الدكتوراه

السلام عليكم ورحمة الله وبركاته
اخواني الله يسعدكم دنيا واخره عند مشكلة انا متخرج ماجستير قانون llm وقدمت على الابتعاث وسجلت ان تخصصي قانون تجاري والدكتوراة قانون تجاري وترشحت الشكرلله للابتعاث المباشر وانا الان يعلم الله اني خايف تعرقل اموري من ناحية التخصص اذا تم اكتشافة عند اصدار قرار الابتعاث مع العلم انه كان فيه تخصص ماجستير قانون فتح بعد التقديم بجامعة الامير سلطان.
ارجو منكم اذا احد عنده علم من هالناحية يفيدني واشكركم من اعمالق قلبي.

السلام عليكم اخواني
انا ادور قبول دكتوراة في الادارة في كندا او امريكا ؟
خلونا نتساعد مع بعض
ورحم الله من كان واسطة خير

الاخوة الكرام

انا تواصلت مع أكثر من جامعة في بريطانيا بخصوص القبول المشروط
وجميعهم ردوا علي بالرفض لعدم وجود ٦.٥ في الايلتس، وبعض الجامعات قبلوا ٦ شريطة أخذ كورس عندهم لتجاوز هذا الشرط.

كما أن رد مدير البرنامج علي عندما سألته كان: البحث عن قبول لغة فقط وعدم الانشغال بالحصول على قبول مشروط لأنه شبه مستحيل في الدول الثلاث بريطانيا امريكا كندا، لمن ليس لديهم لغة ولم يسبق لهم الابتعاث.

طبعاً كلامي للإخوة المبتعثين على المسار المباشر للدكتوراة ممن ليس لديهم لغة، لذا نختصر الوقت في قبول اللغة وتحديد المدينة والمعهد وبعد ذلك تبدأ رحلة البحث عن قبول جامعي في بلد الابتعاث.



تخصص ادارة موارد بشرية لم اتمكن من الوصول اليه عن طريق الجامعات المتميزة والموصى بها في امريكا
فقررت تحويل الوجهة إلى بريطانيا لسهولة اجراءات القبول فيها مقارنة بأمريكا.
مشكلة بريطانيا في موضوع التأشيرات خصوصا لمن لديه عائلة وليس لديه ايلتس حيث لا يتم السماح لهم بدخىل بريطانيا كمرافقين الا بعد حصول المبتعث على درجة ٤ في الايلتس في جميع المهارات.

وفق الله الجميع وحقق للجميع ما يتمنون

لا تتخوف و لا تقول!
وعلى ما قال كله فول!! هههههه

أقصد كله قانون! وما أعتقد إن فيه مشكله من ناحية إمتداد التخصص!!
أهم شيء يكون عندك قبول من جامعة متميزة إذا كان الماستر من الخارج!!!

الأخت الفاضلة:

دراسة الدكتوراه في بريطانيا ليست سهلة كما يزعم بعض الطلاب من دول أخرى.
انا خريج بكالوريوس وماجستير من بريطانيا وحسب جلوسي مع الزملاء طلبة الدكتوراه الامر يرجع للمشرف وفيه ناس ماشيه امورهم على الوجه السليم وفيه ناس وهم قله طبعا معاناه
والدراسة بشكل عام في بريطانيا لطلبة الدكتوراه بحثية وعمليه على حسب المشروع
اما بالنسبه للقبول ممكن اقول اسهل شوي من ناحية ان مافيه جيمات وغيرها من متطلبات الموجوده في امريكا لكن يطلب منك انك تبحثي عن مشرف اولا ثم اذا وافق ممكن يصعب عليك الأمر وهو طلب بروبوزل ويمكن يطول الموضوع وممكن يتم في اسبوعين الى ان تحصلين على قبول وليس بالسهل أيضا الحصول على موافقة مشرف بسهوله

ما اصعب الامر عليك او على اي احد لكن هذا هو الحال والتوفيق بيد الله سبحانه سوى امريكا او بريطانيا او اي دوله اخرى الكل راح ياخذ نصيبه ويلزم الجدية والاجتهاد منا جميعا

السلام عليكم
أرجوا أن تكونوا بخير وسعادة
ومبروك لكل المقبولين اسأل الله للجميع التوفيق

اللي تخصصه: نظم المعلومات - مرحلة : دكتوراه - الدوله : أمريكا نتناقش سويا ونتعاون مع بعض وأتشرف بالجميع

مساء الخير

بالنسبة للطلاب اللي كانوا مبتعثين للماجستير وانقبلوا دكتوراة الان
لمن نبحث عن جامعات لتوفير قبول دكتوراه ،، كيف بيكون بالنسبة للايلتس لانها انتهت ؟
هل هدا يعني انو لازم نحجز اختبارات ايلتس او في برنامج يكون قبل دراسة الدكتوراه ؟