تجمع المقبولين لدرجة الدكتوراة الابتعاث المباشر.

السلام عليكم

مبروووووك لكم جميعاً
انا دكتوراة تجارة الكترونية في امريكا.. اليوم بدات ابحث بموقع الملحقيه الجامعات وكذا مالقيت تخصص دايركت ..الحلوين اللي انقبلو تجارة الكترونية .. خلونا نتعاون بالقبولات وكذا

اللي اعرفه انه بما انك دارستي الماستر في جامعة اجنبية ما يطلبون درجة ايلتس و شرط اللغة يكون متحقق لان دراستك بالانقليش والله اعلم

^
^
^
كلامك صحيح .. بعد بحثي في جامعات كثيرة .. اللي متخرج من جامعة الدراسة فيها بالانجليزي غير مطلوب عليه الايلتس .. وبالتوفيق للجميع

السلام عليكم

بالنسبة لملتقى الرياض أحد يعرف تاريخه متى؟

اللي أعرفه انه كان ب رمضان ولا عاد فيه ملتقى ب الرياض غيره , اللي باقي ملتقى الدمام وجده , انتظر التأكيد من شخص غيري

طيب اش مضمون الملتقى؟
وش الاضافات اللي ممكن يفيدونا فيها اللي حضروا الملتقى بالنسبة لوضعنا في الابتعاث المباشر؟؟
اتمنى لو نجد ممن حضروا افادة او معلومة تساعدنا وتختصر علينا الوقت

بيني وبينك من خبرتي في الملتقى قبل الماستر : ما منه فايده كبيره وخصوصا للمبتعثين السابقين لكن ب النسبه ل وضعنا الحالي " اللي هم الطلاب اللي رح يطلعون دكتوراه " رح يسألون ب اللي يهمهم ويلاقون
أجوبة ل استفساراتهم ب شكل اكثر تأكيد , غير كذا ما اعتقد فيه شي جديد

ب النسبه ل اختصار الوقت : اذا كنت مبتعث سابق ودرست لغه سابقا في دوله لغتها الأصليه انقلش المفروض تبدا تبحث عن الجامعات وشروطها والاوراق اللي يطلبونها وتقرا عن الجامعه والمدينه اللي ناوي تروح لها, وتشتغل ع موضوع اختبار ال GRE أو اختبار GMAT ع حسب تخصصك أو ممكن تدور جامعات ما تطلب ها الاختبارات أو " مع انه صعب الموضوع وشبه مستحيل" اللي هو تجيب قبول دكتوراه مشروط ب GRE أو GMAT وتطلع دولة الابتعاث والملحقية تدفع تكاليف دورة GRE أو GMAT وبعدها تجيب الدرجه اللي طلبوها جامعتك بعدها تبدا الدكتوراه
واذا كنت ما قد طلعت ابتعاث ولغتك ضعيفه مثلا : تقدر تبدا تشتغل ع نفسك في اللغه شوي لو تأسيس فقط لأنك ان شاء الله من وصولك ل مطار دولة ابتعاثك رح تحتاج تاخذ وتعطي ولو ب جزء بسيط

كلامي هذا عام ووجهة نظري , غير كذا ما اعتقد عندك شي تقدر تسويه , أتمنى اني ما اكون غلطان واتمنى اني اكون افدتك , و الله ييسر امورنا وامورك وامور جميع المبتعثين

انا نفس التخصص تجارة الكترونية

السلام عليكم، أنا كمان من الاحتياط وفجأة وبعد أن جتني وظيفة حكومية في جامعة الملك سعود، قرأت أنه تمت المفاضلة وحدد موعد الملتقىٰ، وبما أنه موعد ملتقىٰ الرياض فاتني، باضطر أروح الدمام.

أحد عنده فكرة أو اقتراح لي، لأن بصراحة ماودي أفرط بوظيفتي اللي توي وقعت مباشرة عليها، وفي نفس الوقت حابه أطور نفسي وأدرس دكتوراة.

شكرًا لكم.

طيب هل مباشرة بعد الملتقى يطلع قرار الابتعاث؟ لأن صراحة ودي أكمل سنة موظفة بحيث أقدر أخذ اجازة استثنائية ويتعاونوا معي بما إن عندي ابتعاث.