الاستفسارات الخاصة بالمرحلة 13 وظيفتك وبعثتك

السلام عليكم و رحمة الله و بركاته

لو انا منتظم و ابغى اقدم على جامعة في الخارج تخصص غير اللي انا فيه
علي مشاكل مع الجامعة لو قدمت والا لا؟

هذا البرنامج للجميع سواء خريج قديم او حديث . لكن راعوا فيه شرط العمر ورفعوه لأقصى حد ممكن وأشوفه كافي بصراحه .
بالنسبة للايلتس والتوفل اذا تقصد الجامعات الـ 20 فأتوقع أنه ضروري لأن هالجامعات متميزة جداً والعدد اللي يقبلونه محدود ويضعون شروط للمفاضلة غير طبعاً شرط المعدل واللغة .
اما لو تقصد اي جامعة فعندك نوعين من القبول
1- قبول مشروط بدرجة اللغة الانجليزية : تقدم للجامعة ويقولون لك قبلناك بشرط تدرس لغة في المعهد وتجيب الدرجة المطلوبة وبعدها تبدأ دراستك (فطبعاً عشان تحصل عالقبول المشروط مايحتاج تكون مختبر الايلتس والتوفل
2-قبول نهائي وهذا طبعاً يحتاج انك مختبر ايلتس او توفل ومحقق الدرجة المطلوبة .

وبرنامج النخبة يشترط قبول نهائي

نعم لازم تكون مختبر قدرات الجامعيين وبالنسبة للدرجة كل ماكانت اعلى كانت افضل أشوف 80 وفوق درجة مناسبة . ( فيه تجميعات للاسئلة ابحث عنها ) .
بالنسبة للجامعه والمعهد فباقي بدري لما تقدم وتروح للمفاضلة ويقبلونك نهائي ويدعونك للملتقى ذاك الوقت ابدأ كلم المعهد والجامعة .

- - - مشاركة محدثة - - -

لا مافيه اي مشكله .

جود مورننج ايفري بودي
خريج ثالث ثانوي بعد اسبوعين

الصراحة اني ابي ادرس علوم طيران ولكن مافيه احد تكلم عنها ولو فيه ارجوكم فيدوني برابط الموضوع
طبعاً نسبتي
96المدرسة
88 قدرات
92 تحصيلي
الصراحة اني من الحين شايل فكرة اني بانقبل ابتعاث من راسي بسبب كلام الناس انه اهم شي المقابلة الشخصية وهي فيها تعقيد واذا مشيت حب يدك وجه وقفا…وفيه بعد اختبار قدرات زيادة للطيارين وفيه اختبار للأنقليزي مع العلم اني مو شايل همه لاني كويس بس انه مزيد من التعقيد…. وانا ابي اعرف وش هو كيف طيب اي شي عن قدرات الطيارين ما حصلت والصراحة الحلم قاعد يتدمر
ارجوكم ساعدوني في الاختبار والمقابلة.

السلام عليكم
بالنسبة لشرط إنّو ما أكون على راس العمل
انا مكتوب بالتأمينات عندي لست على راس العمل حاليا ولديك مدة اشتراك سابقا
هل هذا رح يؤثر على قبولي في وظيفتك وبعثتك
كمان انا ما سبق لي العمل
لكن الوالد استخدم هويتي في شي بدون علمي

السلام عليكم ،
حبايبي الله يعافيكم يبدأ التقديم في برنامج وظيفتك وبعثتك 10/10 ، وحبيت استفسر كم تأخذ الإجراءات من وقت التسجيل حتى الوصول الى بلد الابتعاث ؟
6 أشهر ؟ اقل ؟ اكثر ؟
شاكر لكم ومقدر ❤❤

هي الوزارة على هواها تحدد ترتيب الجامعات!!!؟ 😒😒

حصلت على قبول غير مشروط من جامعة UCL. الجامعة ماخذة الترتيب السابع عالمياً. وفموقع الوزارة الترتيب ال18. وعندما اتصلت بالملحقية بلندن قالولي نعم هيا من جامعات النخبة، فجامعات النخبة هي ضمن ال20 جامعة الاولى عالمياً.

أُفاجأ الان بأن الوزارة نزلت قرار بجامعات النخبة وأزالت جامعة UCL!!!!!
https://ajel.sa/local/2120836

ترى والله تعبت عشان يجيني القبول الغير مشروط من الجامعة!!!
وتعبت السنة الي قبلها في الماجستير في لندن على حسابي الخاص وحصلت على درجة امتياز بتفوق في علم المواد الحيوية في طب الأسنان عشان احصل على الابتعاث في درجة الدكتوراه الي الان حصلت قبول عليها من UCL.

وبعد التعب دا كلة ينزل القرار ذا؟؟ ليش الوزارة تسوي كذا!!!

السلام عليكم ورحمة الله وبركاته
شاكرة لكم مجهودكم الله يجزاكم بالخير .
انا خريجة إدارة اعمال واود اكمال دراستي بحول الله وقوته وتوفيقه عندي عدة اساله يارب يارب الاقي لها جواب :
1/ هل يجب ان ننقبل من الجهه الوظيفية للابتعاث او اننا نذهب للمقابلات الشخصية ولو لاقدر الله رفضنا يكون في مجال نكمل الدراسة بدون عقد وظيفي ؟
2/ انا اريد اكمال دراسي سواءا بوظيفة مسبقة او لا , وخائفة يرفضوني بسبب ضعف اللغة الانجليزية رغ اني باذن الله ابي ابتعث لاجل اكمال لدراسة واتقان اللغة باذن الله فطمنوني الله يطمن قلبوكم ؟
3/ اول مايفتح التقديم فقط نحط الاوراق جواز السفر صورة كمه وبطاقة الهوية والوثائق فقط؟ مانختار المعهد والدولة ؟وانا اقصد باول مرحلة
4/ اختبار القدرات جبت فيه بفضل الله 76 هل الدرجة تمام او اختبر ثاني ؟ لو بختبر قرأت ان في اسالة لو قرأتها اجيب درجة عالية افيدوني جزاكم الله خير ؟
5/ هل خرج في الدفعة السابقة طلاب بدون عقد وظيفي ( يعني في امل اطلع بدون وظيفة واكمل دراستي ؟)
اخر سوال : 6/ صيغة الاوراق المطلوبة بي دي أف ؟PDF
.................................................. ........................
اعرف طولت وكثرت اساله لكني بعد الله ماعرف غيركم افيدوني والله من كل قلبي اقول لكم هذا حلم حياتي اكمل دراستي للمجاستير ثم الدكتوراة افيدوني
قال صلى الله عليه وسلم: والله في عون العبد ما كان العبد في عون أخيه. رواه مسلم،

نسبك ممتازة جداً ما شاء الله
ولا تخاف الاجراءات بسيطه وغالباً فيه اختبار للمفاضلة من الخطوط اذا عديته امورك تمام ويبقى الكشف الطبي ولازم تكون محقق الشروط اللي طالبينها مثل الطول .
فيه مواضيع في ملتقى المرحلة 12 لتجمع متقدمي الخطوط شيك عالصفحات الاخيرة .

- - - مشاركة محدثة - - -

مادمتي لستي على رأس العمل فمافيه مشاكل .
الظاهر ان الوالد سجلك في السعودة الوهمية والله أعلم.

اكثر من 6 أشهر بكثير ممكن تمتد الى 9 أشهر . لكن اللي حيصير كالتالي
فترة التقديم ثم اغلاق النظام ثم مراجعة بيانات المتقدمين وتوثيقها . ثم ارسال الاسماء لجهات الابتعاث ثم تستلم الموضوع هالجهات وتعمل اجراءاتها للمفاضلة من اختبارات ومقابلات ثم تعيد ارسال اسماء المرشحين للوزارة .
ثم تقوم الوزارة بتغيير الحالة للمرشحين وتدعيهم للملتقى وبكذا اللي يصل لهالمرحلة فتم قبوله بشكل رسمي بعد الملتقيات تفتح له الخدمات الالكترونية ويبدأ الاجراءات .

المرحلة السابقة استغرقت الاجراءات وقت طويل جداُ نتمنى ما تتكرر هالسنة .