الاستفسارات الخاصة بالمرحلة 13 وظيفتك وبعثتك

السلام عليكم عندي سوال انا طالبة في جامعه الملك عبد العزيز بجدة بالسنة التحضيرية وابغى اقدم ابتعاث مابعد الثانوية العامة السؤال هل اذا شاء ربي وابتعثت اعيد التحضيري ولا لا

السلام عليكم .. هل بإمكانكم او احد الاعضاء ان يعطينا من وقته ويشرح لنا بالتفصيل عن خطوات الابتعاث منذ التسجيل بالموقع وحتى الابتعاث ؟ يعني يوضح لنا المعلومات ماهي الاشياء المطلوبه حتى ننقبل مثل قدرات الجامعيين والقبولات ( ايش يعني قبول اللغه وقبول الجامعه) هل فيه فرق ومتى اجيبها .. اختبار الايتلس لو اختبره واجيب درجه معقوله هل ينلغي سنة اللغه ؟ .. هل جهة التوظيف هي اللي تختار تخصصي ؟ ولا انا ابحث عن الجامعه اللي تقدم تخصصي اللي ابيه .. وهل نقدر نغير اذا ما اعجبنا ؟ وغيرها من المعلومات اتمنى تفيدونا 🌸... (مرحلة الماجستير)

شكرا الله يجزاك خير

بس ممكن سؤالين لو تكرمت
١- انا الي واقفه عليه اني متخرجه هذي السنه و كل الجامعات الي ذكرتها شفت مواقعها و كلهم طالبين خبره سنتين بعد التخرج، مااعرف اذا ضروري او سنه الامتياز تكون محسوبه؟
٢- جاب قبول من الجامعه بعدين انضم للبعثه؟

رد زميلي:

‎السؤال الأول
‎لأني يمكن عشاني اشتغلت بعد من عام ٢٠١٤ إلى ٢٠١٧ ما طلبو مني إثبات الخبرة
‎أتوقع يعتمد على السوبرفايزر
‎فالافضل تقدم باللي عندها و إذا جاء القبول كان بها و إذا استقعدو عالسنتين، الله يعينها
‎نصيحتي تقدم الان مو لازم تنتظر سنتين، لأنهم ممكن يقبلون عادي
‎و التقديم ببريطانيا أون لاين بدون دفع مبالغ حتى المقابلات بالسكايب أو مكالمات

السؤال الثاني
‎أنا مبتعث من جامعة الطائف من الأساس
‎فما يفرق اجيب القبول قبل أو بعد الوصول لأن ابتعاثي من جهة حكومية
‎لأني فهمت من السؤال أني طالع على حسابي!
‎إذا هي مرافقة لمبتعث تنظم عادي للبعثة

- يقول قدمي إذا مشت أوراقك كان بها إذا لا، مانتي خسرانه لأنه التقديم و المقابلة أون لاين بدون مبالغ حتى لو جايبة ٥ أو ٥.٥ أو ٦ فما فوق. لأنه في احتمالية القبول المشروط بدراسة البريسيشنال كورس بمعهد الجامعة.
أظن التقديم فاتح لأن برامج بريطانيا تفتح التقديم في سبتمبر تقريبا و لها ديدلاين.

- فيه نقطة كمان بخصوص البريسيشنال لازم من بدري التقديم. تقدم عالاثنين في نفس الوقت (الجامعة و البريسيشنال إذا ما حققت الدرجة. لأن لو جاها القبول متأخر و بعدين تبغى تقدم بري سيشنال بتكون الفرصة أقل و الوقت ضيق لإجراءات قبول معهد الجامعة و يمكن ما تحصل مكان لأنهم يقبلون عدد محدد. أنا قدمت أول بري سيشنال كورس و أخذ شهر حتى جاني القبول. بعدين قدمت عالجامعة و أرفقت قبول البريسيشنال عشان يقوي فرصتي بالقبول
‎بعدها نادوني الجامعة و سويت مقابلة شبه رسمية و بعدها يمكن بشهرين ردوا علي

- طبعا رسائل التوصية يفضّل تكون من أناس تضمن أنهم يردوا على استفسار الجامعة لأنهم سألوا الدكاترة اللي معطيني توصيات و طلبوا منهم يعبون فورمات خاصة و سرية بالتوصية. طبعا هذا بينهم. الطالب ما يدري. توصياتي كانت من ٢ دكاترة نفس التخصص وحدة خريجة بريطانيا و الثانية خريجة أمريكا، درسوني بالجامعة و الثالثة من عميد الكلية بالطائف اللي هو مديري المباشر. و تخصصه مو أطفال. و كلهم سعوديين. قصدي في التوصيات مو أي توصية تأخذ لأن فيه توصيات الكل يأخذها و فيه توصيات قوية و سبورت قوي بعد الله للمتقدم. غير كذا لازم تكون على تواصل مع الدكاترة عشان تضمنهم لما يتواصلوا معهم الجامعة لان فيه دكاترة ينسون و فيه دكاترة ما يفتحوا الايميلات. مقصدي دكاترة واثقة منهم ١٠٠٪ أنهم يدعمونها و يردوا.

و إذا في أي سؤال آخر أو حاجة لمساعدة فهو مستعد.

السلام عليكم
ابي استفسر عن الدول المتاحه لدراسة الطب ، وهل لازم اختبر ايلتس عشان ادرس طب او لا ؟

اعتذر على الغياب بسبب الانشغال في هالفتره ، عموما اغلب الاسئله متكرره وإجاباتها موجودة بالتعليقات ، راح احاول أجمعها وانزلها باْذن الله عشان يسهل على الجميع 🏼

اسئله شائعه

- شروط المرحله ال13 وموعد التسجيل وهل تخصصي موجود ؟
* الى الان لم يعلن موعد التسجيل في المرحله ال13
ولم يعلن عن شروطها, ولم تعلن التخصصات
شروط المرحله السابقه " المرحله ال12 "
https://departments.moe.gov.sa/Schol...onditions.aspx

تخصصات المرحله السابقه " 12 "
https://departments.moe.gov.sa/Schol...lizations.aspx
^ مع العلم الموقع عطلان نوعا ما ولا ادري متى حيتصلح

- هل ممكن تتغير الشروط ؟
* ممكن وممكن لا, وان شاء الله ماتتغير

- هل ممكن تتغير التخصصات ؟
* اكيد احتمال كبير تنضاف تخصصات اكثر من المرحله السابقه " باذن الله "

- ناقصتني درجه " قدرات / تحصيلي / ثانوي , اقدر اسجل بكالوريوس او يتغاضون ؟
* للاسف لا ما يتغاضون والرفض يكون مباشره ومايسمح لك التسجيل
مع العلم المرحله السابقه ال 12 و ال11 كان يوجد تخصصات بكالوريوس بشروط مختلفه

مثل تخصص بكالوريوس علوم الطيران والتمريض شروطها > https://departments.moe.gov.sa/Schol...nnnursing.aspx

و تخصص طيران هليكوبتر شروطه > https://departments.moe.gov.sa/Schol...pterPilot.aspx

- معدلي اقل من المطلوب اقدر اسجل دراسات عليا ؟
* للاسف المرحله ال12 وال11 يرفضك النظام مباشره ولا فيه استثناء لهالشرط
ممكن تطلع على حسابك الخاص وتحقق شروط الالتحاق بالابتعاث وتطلب الالتحاق واما يجيك الموافقه او الرفض

- كم درجة القدرات الجامعيين المطلوبه ؟
* لم تعلن شروط الابتعاث , ويمكنك الاطلاع على الشروط السابقه
" اذا مافيه درجه محدده , يعني مو مطلوب درجه معينه, والجهه ممكن تفاضل عن طريقه وممكن لا "

- تنطبق علي شروط الابتعاث ماعدى شرط العمر اقدر اسجل ماستر / دكتوراه ؟
* أي باذن الله كان فيه استثناء لشرط العمر المرحله السابقه , يتم الاستثناء اذا جبت قبول مباشر غير مشروط , وان شاء الله يطبق ايضا في المرحله القادمه .

- اقدر اجيب قبول مباشر" غير مشروط" بدون درجة اختبار لغه مثل الايلتس والتوفل ؟
* لا طبعا

- تنطبق علي شروط الابتعاث ماعدى شرط العمر / التخرج اقدر اسجل دبلوم / بكالوريوس ؟
* للاسف لا

- انا دبلوم وابي اكمل بكالوريوس هل فيه تجسير ؟
* ايه " مع العلم تخصصاته محدوده وان شاء الله المرحله القادمه تتنوع تخصصاته "

- معدلي/ درجاتي عاليه كم نسبة قبولي في الابتعاث ؟
* للاسف ان المفاضله ماتعتمد بشكل اساسي على المعدل , تعتمد على معايير اخرى تحددها الجهه " مثل اختبار او مقابله او كلهم "

- هل انقبل في تخصص الطب " بكالوريوس " ؟
* مفاضلة الطب معقده نوعا ما , وتعتمد على الدرجات والدول المختاره والنسب السكانيه

- ايش دول الطب , وهل يشترطون ايلتس ؟
* الايلتس شرط لبعض الدول مثل هولندا وايرلندا , المانيا تركيا ماليزيا مايشترط ايلتس

- كيف طريقة التسجيل في الابتعاث ؟
* عند الاعلان عن التسجيل في الابتعاث بينزلون رابط وبوابه جديده للتسجيل في المرحله ال13
وطريقة التسجيل جدا سهله وواضحه .

- لازم جواز عشان اسجل ؟
* أي نعم ويكون ساري " مو منتهي "

لازم مرافق عشان اسجل ؟
* أي نعم

هل يشترط يسافر معي المرافق ويبقى معي طول فترة الابتعاث ؟
* نظاميا أي نعم يشترط , واقعيا كثير طالبات بدون مرافقين ومتساهلين معهم وسامحين لهم , و مهم يتوقف الصرف عن المرافق اذا رجع السعوديه , وممكن يعتمد من مشرف لمشرف
* ويوجد استثناء نظاميا للمرافق العسكري تقدر تبقى لحالها .

هل الايلتس شرط للابتعاث؟
* لم تعلن شروط المرحله القادمه , ويمكنك الاطلاع على شروط المرحله السابقه .
" مافيه شرط ايلتس يعني مو مطلوب "

- هل لازم اجيب قبول من جامعه عشان اسجل في الابتعاث ؟
* لم تعلن شروط المرحله القادمه , ويمكنك الاطلاع على شروط المرحله السابقه
" مافيه شرط تجيب قبول يعني مو مطلوب "

- هل بدرس لغه قبل ادرس جامعه ؟
* أي نعم, ماعدى بعض الحالات مايحق لهم دراسة اللغه مثل
الذين لا يحق لهم دراسة اللغة الإنجليزية، هم:ــ
* خريجو الدول التي تتحدث اللغة الإنجليزية بوصفها لغة أولى مثل ( أمريكا، وكندا، وأستراليا، الخ...)
* خريجو الدول التي تتحدث اللغة الإنجليزية بوصفها لغة ثانية مثل (ماليزيا، وسنغافورة، والهند)
* خريجو كليات الطب البشري، وطب الأسنان في المملكة، أو خارجها.
لا يحق لمن درس أي لغة على حساب الوزارة إعادة دراسة اللغة نفسها مرةً أخرى.

- هل يشترط والزامي ادرس لغه ؟
* اذا لغتك كويسه وجبت قبول جامعه, لا مايشترط تدرس لغه

- بتخرج السمستر الاول اقدر اسجل في الابتعاث ؟
* اذا فتح التسجيل نهاية السمستر / الترم الاول , أي تقدر تقدم افاده تخرج وتسجل

- هل اعيد دراسه التحضيري / المواد ؟
اذا الجامعه الي مخططه تسجلين فيها برا قبلت تعادل لك المواد مايحتاج تعيدينها , واذا ماقبلت تعادل لك مضطره تعيدين




اسئله متكرره اخرى >

https://departments.moe.gov.sa/Schol...Questions.aspx

واذا فيه معلومات ممكن احد يضيفها بعدل هذا الرد باذن الله
موفقين جميع .

السلام عليكم، في المرحلة 13 راح اكون لسه طالبة سنة امتياز وما استلمت وثيقة التخرج، ينفع اقدم ولا بيروح عليا التسجيل في هذي المرحلة؟

الي سار في السنة ١٢ للابتعاث انهم تأخروا في فتح التقديم وكانت في صالح طلاب الامتياز انهم يغلقوا الامتياز قبل ما يفتح التقديم على الابتعاث.

كم باقي من سنة الامتياز؟

كم عدد المبتعثين اللي تم قبولهم ف المرحله السابقه ، من اصل كم !