الاستفسارات الخاصة بالمرحلة 13 وظيفتك وبعثتك

السلام عليكم انا متخرجة ادارة اعمال وبتقدير ممتاز وابغا اعرف ايش الشروط المطلوبة مم مرحلة الماجستير لاني دخلت علئ وزارة التعليم العالي ولقيت شروط القبول منها 5 نسخ اصليه من كشف درجات الطالب و5 نسخ من الوثيقه وطالبين اختبار توفل وجيمات ونكتب رسالة بحدو صفحتين عن هدف الدراسة والطموح . اما بالنسبة لبرنامج خادم الحرمين او بعثتك وظيفتك فالشروط تختلف كاتبين اختبار قياس الجامعيين وتقدير لايقل عن جيد جدا وشروط اخرئ بسيطة فاللي عندو اي خلفيه يفيدني وشكرا

السلام عليكم بخصوص ان المتقدم مايكون موظف في القطاع الحكومي او الخاص هل هذا يشمل التدريب او التطبيق؟

كل شيء عن طريق موقع الابتعاث . راح تظهر لك الجهات اللي طالبه تخصصات تناسب التخصص اللي انت دارسه ( لو معك بكالوريوس وتبي ماستر او معك ماستر وتبي دكتوراه )
اما لو معك ثانوية وتبي بكالوريوس فراح تظهر لك كل الجهات والتخصصات واختار اللي يناسبك وطبعاً لك أكثر من رغبة ترتبها حسب اللي يناسبك .

الشروط لوظيفتك وبعثتك للماستر
ألا يقل معدل المتقدم في البكالوريوس عن (2.75 من 4) أو (3.75 من 5) أو (80 من 100).
ألا يكون قد مضى على حصول المتقدم على شهادة البكالوريوس أكثر من خمس سنوات.
إذا كان المتقدم حاصلاً على شهادة علمية من خارج المملكة فيشترط معادلتها من جهة الاختصاص قبل التقدم إلى البرنامج.
ألا يزيد عمر المتقدم على سبع وعشرين سنة.

اما الاشياء اللي ذكرتيها بخصوص الوثيقة والجيمات فهذي متطلبات الجامعات في امريكا وليست برنامج الابتعاث .

لا ما اعتقد . اهم شيء اسمك ما يكون مسجل في نظام التقاعد او في التأمينات الاجتماعيه . العام الماضي رفضوا ناس موظفين وفيه بعض الجهات منها الهيئة الملكية رفضت الموظفين سواء قطاع عام او خاص .
اما لو كان التدريب او التطبيق هو مادة في خطتك الدراسية وما انتهيت منه يعني باقي ما استملت وثيقة تخرجك فما يمديك تقدم للأسف .

طيب معليش والله بتعبك معاي ، الحين انا معي ثانوي وأبي بكالوريوس هل لازم يشترط اختبر اختبار ايلتس قبل ما أقدم على الموقع للابتعاث ؟

لا لا اتكلم عن تدريب عادي، انا متخرجة و اوردي اخذت انترنشيب بس قاعده افكر ان اقدم على تدريب. في حال ان اسمي مايكون في التامينات معانته ان التدريب يكون بدون راتب صح؟

عندي استفسار ثاني، اختبار قدارت الجامعيين هل مفروض نختبره قبل مانقدم على البعثه ولا عادي لو كان بعد ماتطلع البعثه؟ + لو كنت متخرجة ادارة موارد بشرية هل ممكن إني ادرس Public Relations أو Corporate Social Responsibility أو مثلا ترجمة؟ هذي كلها تخصصات تدخل تبع الإدارة على حسب ظني.. مو مرة فاهمة سالفة امتداد التخصص ياليت اللي يعرف يفهمنا اكثر ولكم جزيل الشكر

ما تحتاجين الايلتس الا اذا تبين تدرسين طب في دولة اوروبية .
غير كذا ماهو مطلوب منك ابدا

السلام عليكم،

جاني قبول من جامعة UCL بلندن (ترتيبها السابع عالمياً) لذلك فهي من الجامعات المتميزة.

سؤالي ماهي إجراءات الابتعاث المباشر وهل أستطيع التقديم عليه من الآن او لابد ان انتظر فتح المرحلة ال13 في شوال؟

أفيدوني جزاكم الله خير،