الاستفسارات الخاصة بالمرحلة 13 وظيفتك وبعثتك

ممتاز 👍🏻 ، الان اذا تحصلت على موافقة ، هل موقع الابتعاث يختار لي الجامعة عشوائيا ، ولا انا الي اختار الجامعات ؟

السلام عليكم
عندي استفسار
تخصص البكالريوس عندي (لغات وترجمة)
ودرست ماجستير في تخصص ادارة الاعمال
السؤال هو هل بأمكاني الابتعاث لدراسة الدكتوراه في (اداره الاعمال)؟؟

بالنسبة للتدريب فالمفترض تستفسري من الجهة اللي تتدربين فيها اذا حيسجلوك أو لا . وبإمكانهم يعطوك مكافئة اثناء التدريب بدون ما يسجلونك هذا اذا حبوا يتعاونوا معاك .
بالنسبة للقدرات فنعم لازم تختبريه وتكون درجتك جاهزة قل التقديم يوم 10 شوال وبإمكانك تسجلين اختبار محوسب في اقرب مركز لك .
بالنسبة للتخصصات فعلى حسب تخصصك والامتداد اللي يسمحون به لكن اتوقع الترجمه بعيده عن تخصصك اما العلاقات العامه فنوعاً ما قريبه ماراح اقدر افيدك بهالنقطة . انتظري التقديم يبدأ وبتظهر التخصصات المسموح بها لتخصصك الحالي .

كلام د.جاسر الحربش انه راح يعلن عن التفاصيل قريباً واشوف انك تتواصل معهم عن طريق بوابة تواصل ومبروك مقدماً .

انت تختاري الجامعة بناء على الدولة اللي ابتعثوك لها وبناء على قائمة افضل الجامعات في تخصصك ( اعتقد افضل 100 جامعة ماعدا الطب ) .
واحضار القبول هو مسؤوليتك وطبعا بيعطوك فترة كافيه لاحضار قبول .

السلام عليكم ..
انا خريجة هذا الترم بمشيئة الله
لكن عندي بعض الأسئلة
- هل اختبار القدرات إجباري في الابتعاث؟
- تخصصي كيمياء حيوية هل استطيع إكمال ماستر في مثلا التغذية و الطب لاني لم أجد التخصص في المراحل السابقة ؟
- أيضا لو لم يمكنني التقديم خلال شهر 10 هل ستفتح مرحلة جديدة بعدها أو هذا راح يأثر علي من نواحي أخرى؟
- ايش متطلبات أخرى غير المعدل و القدرات و جواز السفر؟

-أيضا هل اختار انا الجامعة ام من نفس الجهة ؟
يا ليت لو فيه شرح أو تجارب مبتعث من البداية الي القبول إلى الدراسة
حقيقة انا ملخبطة و ما ني فاهمة ايش لي و ايش علي و اخاف افوت شي تدلوني عليه من مواقع .. جزاكم الله خير

لمرحلة الماجيستير نعم اجباري وتقدري تسجلي وتختبري محوسب .
بالنسبة للتخصص فكل سنه يطلبون تخصصات معينه فعلى حسب تخصصات هالسنة لكن الاهم انه تختارين تخصص يعتبر امتداد لتخصصك يعني في مجال الكيمياء ولما يفتح النظام حتظهر التخصصات المسموح لك بدراستها .
اما انك تدرسي تغذية او طب فهذي انسيها لانها بعيده جدا عن تخصصك .مع العلم انه في المرحله السابقة بعض طلاب الاحتياط عطوهم تخصصات بعيده جدا عن اللي طلبوه وفيه منهم من رفض وفيه منهم من وافق .

بالنسبة للمراحل ففيه مسارات اخرى للابتعاث منها الابتعاث المباشر وهو انك تجيبي قبول من افضل 20 جامعة في العالم وساعتها يبتعثوك مباشرة اما برنامج وظيفتك وبعثتك فهو يفتح مره واحده في السنة.

ومايحتاج غير الاشياء اللي ذكرتيها المعدل والجواز والقدرات
واذا كتب لك القبول النهائي فساعتها لكل حادث حديث وفيه طلبات اخرى مثل وثائق التخرج وأوراق المرافق وموافقة ولي الأمر ...الخ .

بالنسبة للجامعه ففي حال تمت الموافقه على ابتعاثك فيعطونك فرصه لايجاد قبول من جامعة تكون ضمن أفضل 100 جامعة في تخصصك .

وبالنسبة للتجارب فشوفي المواضيع في ملتقى المرحلة 12 راح تجدي تجارب مفيدة .

السلام عليكم ، الحين في فترة السنة التحضيرية في الابتعاث ، كيف راح يكون نظامه ؟ يعني ادرس لغة ولا سنة تحضيرية مثل الي في السعودية ؟؟

يعطيك العافية ❤
-طيب يمديني اختبر قدرات خلال رمضان ان شاء الله ؟
-و بالنسبة لتخصصي فهو متاح حاليا لو اقدر اكمل مسار طب في السعودية عندنا انا مو كيمياء عام لا كيمياء حيوية هل برا ممنوع؟
-كيف اجيب قبول من الجامعات مافهمت قصدك بعد القبول في الابتعاث و لا قبل ؟