الاستفسارات الخاصة بالمرحلة 13 وظيفتك وبعثتك

حتى لو سألوك فعادي جداً . عموماً شوفي مسمى الوظيفه اللي كنتي عليها عشان لو سألتي لا تقولي الوالد استخدم اسمي جاوبي اجابه عامه .
يعني لو سألوك هل سبق وعملتي فقولي نعم في كذا وكذا .
وأشك انهم راح يدورون وراك ويشوفون وين اشتغلتي ولمدة كم لأن عدد المتقدمين كبير جداً والمقابلات كانت بشكل سريع جداً عشان يخلصون العدد .

بدرجاتك نعم ممكن تقبل بإذن الله . خصوصاً وان القبول في البكالوريوس سهل جداً بعكس الدراسات العليا .
العام الماضي المفاضلة كانت مقابلة شخصية .

الرد داخل الاقتباس . بالتوفيق

صحيح وبصراحه تمنيت انه متقدمي السنة الماضية يشاركونا تجربتهم عشان ما نقع في نفس المشكلة ونقدم على جهة اجراءاتها تطول لكن للأسف بحثت في التجمعات ومافيه تفاعل من المتقدمين .
فما اقدر اجاوبك على هالسؤال للأسف .
ولكن عموماً فيه جهات كان تعاملها ممتاز مثل الخطوط السعودية وفيه جهات اخذت فقط خريجي برنامج الابتعاث ( لمرحلة الماجيستير ) ومابلغت المتقدمين بهالشيء يعني راحوا وحضروا الاختبارات والمقابلات وفي النهاية قالوا نبي خريجي برنامج الابتعاث ( بعض الجامعات الخاصة ) والبعض بقول انه بعض الجهات اختارت منسوبيها ورشحتهم وفيه جهات تأخرت اجراءاتهم واعلان النتائج كثير مثل الصناعات العسكرية .
وللأسف المتقدمين ضايعين ولا المفترض يكون فيه جدول تلتزم به جميع الجهات وصلى الله وبارك .

الله يعطيك العافية ، بس وش قصدك بالمكتب لو سمحت ؟

شكرا لك وجزاك الله خير الجزاء
..
في كم سؤال استجد الله يسعدكم ردوا علي /
1/ هل درجة اختبار القدرات الجديدة تلغي القديمة مهما كانت او ياخذون الافضل ؟
2/ الاختبارات اللي تقوم فيها جهة التوظيف باللغة الانجليزية ؟
3/ ماشاء الله سمعت ان السنة السابقة خرج عدد لاباس فيه من الطلاب هل يعني هذا ان عدد مقاعد الوظيفة كثير او نجي نختبر ونجري مقابلات ويكون المطلوب واحد فقط ؟
4/ متى خرجت الدفعات السابقة شهر سبعة ؟ او شهر 6 ؟

...........................................
وجزاكم الله خيرا

ماذا لو كنت خريجة العام الماضي ومعدلي الجامعي 3.50 من 5.. في تخصص اللغة الانجليزية ,ومعي ستيب 84 وقدرات جامعيين 80 !
حابه أكمل الماستر , ولو جبت قبول مباشر من احدى الجامعات النخبة, هل يتغاضون عن المعدل ,بحسب ماهم طالبين انو 3.75!؟

فيه مكاتب متخصصه لهالشيء تجيب قبول دراسة لغة او دراسة بكالوريوس وماستر . عندك مثلا موقع منصة وعندك موقع اكاديميا وغيرها كثير .
هالمواقع تراسل الجامعات نيابتاً عنك وطبعاً اغلبها بمقابل مادي .

الرد داخل الاقتباس .
بالنسبة للقدرات فيبدو ان الجهات اللي ما اجرت اختبارات للمفاضلة واكتفت بالمقابلات الشخصية فالظاهر انها اعتمدت على درجات القدرات والله أعلم .

بالنسبة لوظيفتك وبعثتك فللأسف شرط المعدل ضروري .
اما برنامج النخبة فهم ذكروا انه يجب ان الشروط تنطبق عليك ومنها شرط المعدل ولكن ان استطعتي ايجاد قبول من جامعات النخبة فساعتها قدمي أوراقك وانتي ونصيبك .
وللعلم شروط جامعات النخبة ليست بسيطة وبعضهم يطلبون مقابلات واختبارات للفرز بين المتقدمين . وإن شاء الله ان طلابنا قدها .