الاستفسارات الخاصة بالمرحلة 13 وظيفتك وبعثتك

السلام عليكم
عندي استفسار بخصوص مسار ابتعاث التخصصات الطبية
هل بيكون له تقديم متسقل بالبرنامج والا بيكون نفس التقديم حق وظيفتك وبعثتك ؟
وهل التقديم بيكون مفتوح طوال السنة مثل برنامج النخبة والا بيكون له وقت محدد؟

السلام عليكم
اخواني انا طلعت قريب جواز السفر وتو اقراء ان لازم الاسم يكون مطابق مع الوثيقة وللاسف طلع في حروف غير وش الحل ؟؟؟؟ الله يسعدكم
ثانيا موضوع الانقلش في الوظائف مجنني اعطوني معلومات تفيدني وتطمني ( واكتبوا الجهات التوظيفية اللي ماتطلب هالشيء ) الله يجازك خير

وعليكم السلام
انصحك تعدلي الوثيقة اسهل وبدون تكلفة
بالنسبة للجهات التي تطلب لغة حاولي تبتعدي عن شركات الطيران والجامعات الاهلية لانهم يطلبون لغة

- - - مشاركة محدثة - - -

وعليكم السلام ينتهي التسجيل للتخصصات الطبية بالتاريخ 24\10

وقت التسجيل تنزل التخصصات

يا أخوان ايش الحل مع شرط العمر.. راسلت موقع تواصل و لم يتم الرد.
أرجو الرد أنا مصمم على إكمال دراستي لمرحلة الماجستير.

هل أبدأ بالبحث عن قبول في جامعة معينة؟

السلام عليكم ، الحين في تقديم لوظيفتك بعثتك ، اول شيء اقدم على الموقع نفسه وهم بعدين يحددون اذا بنقبل ، ولا اصلا لازم اول شيء اقدم على الجهة الوظيفة ، وشكرا لكم 🌹

وعندي سؤال الله يحفظكم ، اقدر اختبر ستيب و اعادلها مثلا درجتها بدرجة الايلتس ؟ لان الحين طالبين التخصصات الطبية يجيبون ايلتس فوق 5 وما فيه وقت اصلا اختبر ايلتس .

اختبر محوسب وادخل التليجرام تدرب على نماذج وكتب الاختبار وبتجيبها بالراحه وبالتوفيق

شرط القدرات للجامعين ٧٠٪ الزامي ما راح يقبلوك بدونه
حاول تختبر باقرب وقت وشيك على الموقع باستمرار راح تلقى اماكم شاغرة قي ناس تخذف وفي ناس يتكنسل تسجيلها واذا ما لقيت في مدينتك شوف في مدن ثانية قريبة منك
ونصيحة مني خذ كتاب قدرات الجامعيين للبابطين وكتاب الفريد للقسم اللفظي تلقاهم في مكتبة جرير
راح يفيدوك بشكل كبير واسئلة مقاربة للاختبار بشكل كبير مع الحلول والشروحات
انا عن نفسي استفدت منهم وبالخصوص كتاب الفريد في اسئلة كثيرة منه جتني في الاختبار للقسم اللفظي

رسلتلك القناة اللي كانت عندي