مشكلة بالجواز عاجل اتمنى الـرد

راجع الجوازات عشان يعدلون الاسم ويكون مطابق للشهادة قبل الاستخراج

اقرب موعد للجوازات ٢٩/١٠
يعني بعد مايخلص التسجيل باسبوعين
لكن بأبشر اصدار جواز فوري بس المشكلة الاسم !

طيب يا اخوان اذا لازم اعدل الجواز يمدي اطلع جواز الحين من ابشر بعدين اروح لهم يعدلونه لان اقرب موعد لهم بعد مايقفل التسجيل

خلك من ابشر رح لهم وطلعه يدوي
انا طلعت جوازي بساعتين يدوي

انا كانت عندي نفس المشكله اسمي في الجواز يختلف عن الشهادة وجددته عن طريق ابشر وعدلت اسمي بالانجليزي من غير ما اراجع الجوازات
اتصل على الجوازات رقمهم ٠١١٤٠٥٧٠٠ على هذي التحويله ١١١٦
بيرد عليك موظف افضل وقت تتصل من ٩ الصبح لين قبل صلاة الظهر او بعد الظهر لين قبل صلاة العصر عشان تضمن احد يرد عليك
اهم شي ماتجدد الجواز قبل تتصل ويردون بس جهز صفحة التجديد واتصل واذا ردوا قول لهم بغير اسمي بيقول لك اضغط على تجديد ولازم بعد التجديد بنص ساعه ك حد اقصى هم يعدلون الاسم ولا بيسحبه السستم وبيتجدد من غير تعديل،، عشان كذا قلت لا تضغط على تجديد قبل هم يردون لان احتمال ما يردون
المهم اذا ردوا قول الاسم واضح وخله يعيد لك كذا مره
و بالتوفيق

تمام بكره بتصل عليهم

راجع الجوازات لو المواعيد فل انا رحت اليوم الجوازات والضابط ماقصر جزاه الله خير

انا نفس مشكلتك رحت لهم اليوم وقال لي موظف الاستقبال اصدره عن طريق ابشر و بسرعه اروح لهم عشان يعدلوه قبل ما استلمه

اجيب المتطلبات معي صوره شخصية وصورة من الهوية ؟