تجمع مبتعثي تخصص العلاج الطبيعي - السنة 13

الله يسعدك ي غالي ولا يهينك ،

اممم طيب لو ما قدرت اوفر قبول ف التخصص الي يبغونه خلاص ارجع السعوديه بدون دراسه ، ولا اقدر ادرس بس جهة التوظيف ما توظفني بعدين ؟

+

أقدر أغير بلد الابتعاث قبل دراسة اللغه ولا صعبه ؟

وشكرا جزيلا لك ،

اذا ما قدرت تجيب قبول في التخصص الي يبغوه لانه مافي برنامج بنفس الاسم ممكن تجيب قبول في برنامج قريب منه وترفع طلب تغيير تخصص وجامعة و تذكر اسباب مقنعة انه مافي برنامج في التخصص الي يبغوه الدقيق.

او اذا ما قدرت تجيب قبول لانك ما جبت درجة اللغة لسع و انتهت فترة اللغة ممكن تسوي تأجيل بعثة لمدة سنة خلالها لازم تحصل على قبول و بعدين ترفع طلب العودة من التاجيل و تكمل دراستك.

اذكر في طلاب غيروا دولة الابتعاث من قبل ما يبدؤوا دراسة اللغة لانه تخصصهم ما كان موجود في هذيك الدول و عادي تغيرت الدولة.

لا هنت ، والله يسعدك و يكتب أجرك ،

السلام عليكم
انا مازلت طالبة امتياز ولكن انوي ابتعاث بعد ما اخلص.

بس محتارة بين اني اخذ DPT ولا master
وكمان اشوف في الدليل مافي جامعه تقدم DPT بعد الباكالوريوس كلها مده دراستها 6 سنوات مع الباكالوريوس..فهل اقدر اكمل DPT اصلاً وانا مخلصة الباكالوريوس؟

وعليكم السلام ورحمة الله و بركاته

الاشكالية انه حتى لو تبغي تكملي الـ DPT الي هو ٣ سنوات او tDPT الي هو سنتين او سنتين ونص الوزارة ما تبتعث على هذه الدرجة، راح تبتعثك على مرحلة الماجستير. و انت ملزمة بقرار الابتعاث الي هو درجة ماجستير.

الي في الجدول ٣+٣ هذا لطلاب الثانوي الي يبغوا يدرسوا علاج طبيعي يعني ما عندهم بكالوريوس. اما برنامج الـ DPT فموجود في اغلب جامعات امريكا و قبوله يحتاج درجة GRE كويسة.

الي عنده بكالوريوس علاج طبيعي ممكن يدخل برنامج tDPT ياخد فيها المواد الي ما درسها في البكالوريوس و الي تغطي النقص عشان يسير دكتور علاج طبيعي DPT. و هدي ممكن تكون عن طريق الدراسة اونلاين و موجود برامج اونلاين بس طبعا ما راح تتعادل هنا في السعودية. حتكون للفائدة الشخصية فقط.

مواد الـ DPT تقريبا هي نفس مواد البكالوريس مع نقص بعض المواد.

فحقيقة أرى انه درجة الماجستير افضل و اعلى حتى في السلم الوظيفي اذا كانت وظيفة حكومية. و درجة الـ DPT تعادل بالبكالوريس حسب علمي.

السلام عليكم
هل قبول في او العمل في القطاع الخاص يسقط احقيتي في الابتعاث؟!
وشكرا مقدما

لا، تقدري تشتغلي في القطاع الخاص و تقدمي على برنامج الابتعاث.

لكن اهم نقطة انه اذا انقبلتي و جيتي تبي تسوي "إصدار قرار ابتعاث" لازم تستقيلي و ينحذف اسمك من التأمينات الاجتماعي. بحيث يصبح بالفعل انك منتي موظفة و خلاص يقدروا يصدروا قرار الابتعاث بدون مشاكل.

لكن اذا اصدرتي قرار الابتعاث و اسمك مسجل في التأمينات اتوقع راح يرفضوا طلبك او انهم يلغوا قبولك في البعثة و الله اعلم.

السلام عليكم ورحمة الله
ممكن مساعدة عندي استفسارين
الاول وين الاقي تخصص ماجستير اطفال في غير University college London ?
سواء في بريطانيا أو دولة ثانيه
لان قريت ان القبول صعب في هالجامعة وودي اعرف ايش فيه خيارات اخرى

الثاني
هل يكفي اجيب قبول لغة للبعثة أو لازم قبول جامعي ؟

وعليكم السلام ورحمة الله و بركاته

١- الخيار الثاني الي اعرفه في جامعة كارديف يكون في مواد اختيارية تقدري تختاري مواد لها علاقة بالأطفال و يكون تركيزك.

حسب علمي مافي برنامج متخصص لاطفال غير الاتنين هدول. في امريكا في ماجستير علاج طبيعي عام في جامعة كونكورديا و من المواد يكون في مادة اطفال.

برضوا راح استفسر لك اكثر من المبتعثين لماجستير اطفال و ارد لك.

٢- يكفي فقط قبول لغة و بعدين تشتغلي على قبول الماجستير.

بحثت عن جامعة كارديف وماحصلت اي مودل له علاقة بالاطفال لا الاساسي ولا الاختياري

شاكره لك وفي انتظار رد المبتعثين

طيب اقدر اجيب قبول لغة في المعهد التابع للجامعة قبل قبول الماجستير !