هل القسم الادبي له ابتعاث ولا ..لا ..بنتي تخصصها ادبي وما ادري اش اسوي في الابتعاث

هلا بيك اخي الكريم

اللي اعرفه ان مافي ابتعاث للطلاب الادبي بس تقدر تدرسها على حسابك الخاص وبعديها تنضم للبعثة.
شوف موقع سفير فيه جميع الاجابات الكافية والوافية الخاصة بالابتعاث شوف الموقع من هنا
بالتوفيق

الموضوع له اشهر مافيه ردود معقولة ما تعرفون ...!!

وضح لهم أكثر عن تخصص بنتك!

هل هي خريجة ثانوي قسم أدبي؟

أو خريجة بكالوريوس سعودي أدبي؟

وما هو مسمى البكالوريوس بالضبط!

ومتى كان تاريخ التخرج بالحالتين المذكوره؟

باقي ما تخرجت باقي اشهر وتتخرج

عفوا!

هل قصدك انها ستتخرج من الثانويه القسم الأدبي هذا العام؟

وترغب الابتعاث مستقبلا بكالوريوس اعلام خارج المملكه؟

أو انها تدرس حاليا بالجامعه تخصص ادبي وستتخرج بعد أشهر؟

ستتخرج هذي السنة من الثانوية قسم ادبي بس تقديرها ما اظن يصل 90 وفي القدرات اقل من 80 والتحصيلي باقي ما اختبرت

للأسف أكثر برامج الابتعاث تطلب خريجين ثانويه علوم طبيعيه!
والظاهر حتى الدارس على الحساب الخاص ما يلحقونه بالبعثه إذا كان غير علمي!
لهذا ما عندك غير حلين وهو الدراسه بجامعة سعوديه بالمملكه حتى تتخرج من البكالوريوس!

أو تغامر وتدرسها على حساب الخاص بالكامل من البداية حتى النهاية لتتخرج بكالوريوس اعلام بالخارج!
وطبعا دراسة الخارج مكلفة جدا وتأخذ وقت طويل قد يصل 6 سنوات حتى تحصل شهادة بكالوريوس من الخارج!
مثلا تحتاج سنة كاملة على الأقل لدراسة اللغة الانجليزية ثم سنة تحضيريه للبكالوريوس وعقبهم 4 سنوات تخصص اكاديمي بكالوريوس (بعض الدول مثل بعض جامعات بريطانيا وايرلندا ممكن 3 سنوات تخصص فقط بعد السنة التحضيريه)!

الزبده يا صاحبي أحسبها صح من كل النواحي المادية والزمنيه.

وفقكم الله الى ما فيه الخير.

تحياتي وأفضل تمنياتي.