بتاريخ 2-12-2006 م
وفي الساعة السابعة صباحاً كان وصولنا لمطار فرانكفورت وكان الجو غائم والضباب يغطي ارجاء المطار
وبعد ذلك تفرقنا على خمسةباصات وزعتنا على انحاء المانيا
و من ذلك الحين وانا التقط الصور وفي كل يوم يزيد عدد الصور في الهارد دسك
وسبق ان وعدتكم بـ أن اريكم بعض الصور الملتقطة وها انا اليوم افي بوعدي و اعرض لكم الجزء الاول من الرحلة
واريكم بعض من صور نهاية فصل الخريف , وسامحونا على القصووور
لأن الدعوا اما في الباص او القطار (ما عاد هي بـ لحية وقف الهلي وخذ لك كذا صورة)
ولولا الله ثم الـ STEADY SHOT كان راحت الصور في خرايطها
وأكثر الصور ملتقطة من مدينة بون (بادجوديسبرج)
او في اماكن اخرى سيتم التعليق عليها
والى أول الصور
.
.
.
.
.
.
.
.
.
هذي صورة للمعهد اللي ندرس فيه وملتقطة من الحديقة اللتي تقع في وسط البلد
وهذي صورة اخذتها من نافذة غرفتي المطلة على حديقة الجيران 
وهذي صورة بيتي اللي انا ساكن فيه ولا امتلك فيه سوى غرفة واحدة
وهذي الـ z4 لوحدة مسؤلة في المعهد والصورة هذي التقطتها اول ما وصلنا للمعهد (مشفوووح)
وهذي صورة لسكة الحديد اخذتها ولسان حالي يقول (على بلدي المحبووووب ودييييني)
هذي صورة لعبارة تنقل السيارات والاشخاص والسياكل بين ضفتي النهر مقابل 80 سنتاً (نهر الراين ) ويبعد نهر الراين عن المعهد ما يقارب عشر دقايق مشيا على الاقدام
وبعد ذلك ذهبنا رحلة مع المعهد لمدينة مونستر السياحية وكانت مدينة تعج بالسياكل (البطحاء موب شي عندها )
وهذا صالون لاند كروزر وشدني وجوده فـ التويوتا عندهم نادر (فيه ناس معنا طقهم الحنين الى الوطن وتذكروا الديرة)
وهذي احدى الفرق الموسيقية التي تعزف السلام الوطني الالماني وكانت الناس تصفق لها ويدفعون لهم في القبعة اللتي على االارض
وهذي احدى فروع (شغايا) الراين الذي يشق مدينة مونستر طولاً
هذي احدى الكنائس القديمة شدني اليها الشكل الهندسي وهي قديمة جداًاً
وهذي صورة لكنيسة اخرى والملفت للنظر تلك الطائرة اللتي تمر بجانب البرج وهي تجر الاعلان (مثل أفلام الكرتون )
الا على طاري افلام كرتون وش رايكم بصورة هالبيت (موب يشبه لبيت هايدي؟؟؟)
وننتقل لمدينة بون (مركز التسوق)
وهذي صورة لـ أحد المباني الحكومية ويظهر الاستعداد التام لعيد الكريسمس (سلفستر)بالالماني
وهذي زاوية اخرى من زوايا المدينة
وهذي الصورة لـ إحدى القرى اللتي مررنا بها ونحن في طريقنا الى مونستر وهي بالقرب من بون كانت ستصبح صورة جيدة لولا زجاج القطار كان متسخاً بعض الشي
والصورة الاخيرة هدية للأعضاء والزوار وهي ملتقطة من حديقة المعهد
وأرجوا ان تحوز الصور على رضاكم واستحسانكم
وأعدكم بإذن الله بالجزء الثاني قريباً
انا اسمي في المنتديات الثانية (Hand Some) وكنت مسجل بالاسم هذا بس نسيت كلمة السر
ونتقبل ارائكم وملا حظاتكم
وأبلغكم تحيات الشباب من مدينة بون
LinkBack URL
About LinkBacks
December 22nd, 2006, 07:35 PM
.
.
.
.
.
.
.
.
.