ممكن حَل لمشكلتي ؟

November 6th, 2010, 04:24 PM

السلام عليكم ورحمة الله ..~
بدخل بموضوعي على طوول .. اللي هو أنـآ بصف أولى ثنوي

وطموحي ولله الحمد مررره عالي .. واللي أطمح له مستقبلاً إني أكون دكتورة أسنان
وإن شاء الله بـ ثاني أدخل علمي وأواصل وأحقق مبتغاي =) , لكن عندي صديقات مثبطاااااات لأقصى درجه
مثل أنهم يقولون لي ..( فاظيه تدخلين علمي وعوار راس & أقول العلمي ماوراه إلا الغثى & إي تدخلين علمي وتجلسين ببيتكم ..!!! )
وأنا طبعا ارد عليهم أن هذا حلمي وهذا طموحي مالأحد شغل فيه وفيني !
بس اللي أبيه هل العلمي سهل ووودراسة الطب تحديدا طب الأسنان ..؟ صراحة أمنيتي دراسة طب الأسنان ((علما بأني أحب المواد العلميه باستثناء الرياضيات نص ونص))
وأني أروح بعثه وأكون دكتورا ناجحه .. بس للأسف المحيط اللي حولي محبط درجه أولى , وأنـا بنفسي أحاول ماأسمع لهم أبد .. لكن ما أدري أحيانً تجيني أفكار أحس إني ما اقدر احقق هالشي مع أني عندي روح طموحه وأمنيتي الدكتوراه !!
وما نزلت هذا الموضوع إلا لوجود ناس جربوا هالشي ولهم خبره فيه .. وإذا حصل ألقى تشجيييييييع منكم =(,

فـ أرجو منكم تتكرمون بالجواب .. ~
وشكرا مقدما =)

• نشر عبر تويتر
• نشر عبر فيسبوك
• نشر عبر جوجل