مواقف مضحكة لطلاب الطب ^^

ههههههههههههههههههههه من جد

لا انا مخلصه بكالوريوس والحين ماستر خلصت اللغه وببدا الجامعه في يناير
اللغه درستها بدنفر بس الجامعه بدرسها في بنسلفينيا

والحق يقال دنفر رائعه مريحه فيها هدوء وفيها ترفيه مأخذه من كل شي شي
ماهيب في مستوى كاليفورنيا طبعا في الترفيه
ولا هي في مستوى نيويورك في صخب المدن

تنفع للعوائل وجوها رهيب الصيف حر والربيع معتدل والخريف نوعا ما بارد والشتا عاد موووت
ايام مشمسه وأيام ممطرة

العرب ماشاء الله كنك في الرياض
والشعب يجنن صحيح فيه عنصريين بس نادرين مره

ارشح كولورادو لاني متأكده انك بتنبسط فيها
بس عيبها الوحيد الحشيش الي ريحته فقعت راسي بكل مكان

وبس

من زين الماده عشان تأخذها
أشوا انك مأخذتها مافيها نفع
برمجه بدون فنكشن جاهزه انت تبني كل شي من الصفر
برمجه عصر الجاهليه الي تجي الشاشة زرقا وانت تكتب كل شئ بالكيبوردك وياويلك تغلط تعيد تكتب الكود من الاول

وقسم بالله تعذيب مب دراسه
ليتك تشوف شعري نصه ابيض شيب من الهم والتفكير ذيك الأيام

يهون السستم انلسز ان ديزاين
على الأقل تستوعب الشي وتحلله بالمنطق همن تركبهم في رسمه وحده
أشياء من واقعنا نفهمها ونشوفها

مب ذا الخزعبلات الي يعطونا

بس مدري اذا بتاخذ ماده اسمها artificial intelligence
انا اخذتها باخر سنه لي صعبه صح بس لذيذه حلوه تحمسسسسسس

كل الاختبارات الغاز في الغاز
زي لغز الراعي الي يبي ينقل ذئب وخروف وحشيش من ضفه لضفه والا عنده الا قارب يكفي نفرين بس ، واذا حط الخروف مع الذئب الذئب بياكل الخروف و ........ الخ

ولعبه الشطرنج
ولعبه المكعب الي تعبي نصه بالضبط مويه بدون ما تستخدم ولا أداه ولا جهاز قياس
أشياء كثيره بس ناسيتها

كانت كلها الغاز بس مطلوب منك تحلها على انك كمبيوتر مب بشر
اذا بتاخذها علمني احل لك الواجبات حقتهاااا

اووووه اثاريك طابتن بجفره مالها قاع !
هههه عزتي لك اجل !

عاد انا احب هالامور .. واعرف الاسمبلي .. لاني سبق وحاولت اتعلمها .. بس ماسمحت الظروف !

بس الارتفيشال انتيلجينس ! هذي الماده ماتطلع الا عباقره ههههههههههه

واذا تبين الصدق .. هو اساسا الكمبيوتر كذا .. اذا انتي بتدخلين في مجال الكمبيوتر لازم تكونين Geek ! ..
علشان تعرفين تبدعين فيه وتضبطين اوضاعك حتى مايحتاج اساسا انك تدورين عن وظيفه ! لان كل التجاره حاليا بالكمبيوتر والمجالات فيها متعدده !
بس يبيلك تعرفين الطريق ..

فيه مواقع اذكرها تجاريه في هالمجال .. وعن طريقها تقدرين حتى تكسبين اكثر من مكسبك لو كنتي في وظيفه !

انا جربت موقع اسمه oDesk ..
هذا نظامه تحطين معلوماتك كامله بالبروفايل .. وخبراتك .. ومهاراتك .. الخ
وبعدها تروحين في قسم خاص للبحث عن الوظائف ..
الوظائف فيه تنقسم الى قسمين .. فيه وظائف مؤقته .. ووظائف دائمه !
الوظائف المؤقته اللي هي انك تضبطين شغله العميل يبيها .. ومجرد تنتهين منها وتسلمينها للعميل وتستلمين فلوسها .. خلاص ينتهي شغلك معه ! ولو يبي اي شي ثاني راح يكلفه !
يعني تشتغل بالساعه او بالإتفاق على السعر على حسب مدة الشغل .. ممكن الشغله تاخذ دقايق وممكن تاخذ ساعات وممكن تاخذ ايام ! بس مجرد تنتهين منها تستلمين فلوسك وتسلمينه شغله وتبحثين عن واحد ثاني !

اما الوظائف الدائمه .. فهي وظائف دائمه على المدى البعيد .. ممكن تاخذ اشهر او سنوات .. ويكون الدفع على حسب الاتفاق .. اما شهري او على حسب شغلك معهم !

وطبعا كل هذي الامور تسوينها وانتي في البيت ماتحتاجين الا كمبيوتر وانترنت بس !

انا استخدمته فتره .. وبصراحه اعجبني .. لكن مافضيت .. يبيله واحد متفرغ او عنده وقت فراغ على الاقل 5 ساعات باليوم !

والاشغال اللي فيه تعتمد على خبرتك .. والاسعار .. على حسب مزاجك .. ممكن تلاقين واحد حاط سعر 500$ على شغله طالبها وانتي قادره تسوينها له .. وتعرفين انه ممكن تاخذ جهد اكبر .. فبالتالي تقولين له اذا تبي اشتغللك فيها ابي القيمه الفلانيه !
وممكن تلاقين اشغال تشوفينها بسيطه لان عندك خبره فيها ومعرفه تامه .. وتلاقين سعر تضبيطها اللي حاطه صاحبها اكثر مما تتصورينه .. (يعني ممكن انتي تقولين ان هذي ماتاخذ اكثر من ربع ساعه وممكن اذا باسويها باخذ 40$ عليه .. لكن تلاقينه حاط 400$ عليها ! ) ..

بالعربي الشغل بتلاقينه في النت بشكل كبير بس يبيله واحد فاضي وبنفس الوقت Geek ههههه علشان يطلع الفلوس من ظهر هالكمبيوتر !

انا اذكر لما اشتغلت ذاك الوقت في الموقع .. "فترة الصيف" اعتقد كملت فيه بس شهر شغل .. اذكر اني كسبت مايقارب الـ 2600$ دولار ! على اشغال متفرقه .. بعضها اخذ مني عشر دقايق وبعضها اخذ ساعه وساعتين ! حسب الاوقات !
ولا اشتغلت كثير بعد .. يعني كل الوظايف اللي اشتغلت عليها اعتقد كانت بحدود ثمانيه ! يعني لو كنت اشتغلت اكثر ومتفرغ بشكل تام .. كان اطلع بالشهر مايقارب الـ 6000$ بالراحه .. !


هههههههه مسكت خط .. الموهم اللي قصدته بكلامي ان مجال الكمبيوتر مجال فيه ربح كبير جدا .. بس يبيله واحد يعرف وشلون يضبط اموره فيه !

يخرب عئلك !!! وتوك تتكلم ؟؟؟

شسوي فيك انا هالحين ؟؟؟

الزبده اني سجلت وبشوف انا وش أنفع فيه
انا ممتازة بالديزاين ، وكتابه البحوث بالانقليزي


بس مدري !!! والله من جد كنت تطلع ٢٦٠٠ دولار بالشهر ؟

وش سويت طيب وش الشغلة الي اخترتها وسويتهاااا ؟؟؟

هههههه وشفيك كذا منصدمه ..
الكمبيوتر فيه الف طريقه وطريقه تقدرين تجيبين فيها فلوس !

ايه انا بس اشتغلت فيه شهر واحد بالصيف لما فضيت .. وبعدها وقفت لما بدت الدراسه ..
الاشغال اللي اشتغلتها مختلفه .. بعضها تصاميم .. وبعضها دعم فني عن بعد .. "إصلاح كمبيوترات" ..
وبعضها حل مشاكل في المواقع بشكل مختلف مابين مدونات وداتابيس وهيك شغلات ! ووحده منها كانت تعديل على فيديو وصوت ! < هذي اخذت مني مايقارب 20 دقيقه بالضبط .. وكنت متفق مع صاحبها على مدة 24 ساعه .. بحيث اخذ راحتي .. وخلصتها في عشرين دقيقه .. الاتفاق كان بـ 60$ .. ولما خلصته له في وقت ماتوقعه .. واعجبه الشغل .. اعطاني 200$ ههههه ناس ماعندها مشكله تدفع !

هذي الاشغال اللي انا اخترتها ..
وترى الناس غالبا تحط مبالغ بسيطه بالبدايه بس الاعتماد الكلي هو على الاتفاق ! تحطين السعر اللي تبينه اذا وافق عليه خلاص .. واحيانا اذا شاف شغلك كويس واعجبتيه .. يزيدون المبلغ !
لان اللي انا شفت فيه فئه كبيره من الشركات والمنظمات الصغيره .. اللي تحط ميزانيه مايقارب 10 الاف دولار فقط في تضبطيات لموقعهم !

مثل واحد شفته كان حاط الميزانيه 1000 دولار .. وموقعهم يبي بس شغل بسيط .. واهم شي تكون النقاط اللي حاطها واضحه !
انا لما شفت طلباته وعرفت وش يبي .. قدرت الوقت اللي ممكن اخذه على مثل هالتصميم .. ممكن مايزيد عن ساعتين ! واقل بعد .. لان مافيه جهد بالموضوع كل السالفه بس تنسيقات لا اكثر !
لكن لما قدمت على طلب الشغله هذي .. ما اختارني .. لان النظام اي واحد يقدر يقدم على نفس الوظيفه او التاسك هذا .. وبعدها هو يختار بحسب مزاجه !

وكثير بتشوفين مثل كذا ! خصوصا اللي يطلبون تصميم شعارات ! ههههه هذولا لو اختاروك في التصميم .. اعرفي انك بتربحين مبلغ لايقل عن 700 دولار كحد أدنى !


فيه شغلات ثانيه برى مجال الحاسب مثل الترجمه وكتابة مقالات وغيرها ..
وانواع المجالات المختلفه فيه .. وكلها تسوينها من الكمبيوتر ..
يعني لو مثلا تبين ترجمة من عربي الى انجليزي .. راح تلاقين المبلغ على حسب الصفحه ..
يعني كل صفحه بـ 20$ مثلا .. لو ترجمتي 40 صفحه .. هذي 800$ .. وانتي ماشيه !

وللمعلوميه ترا مو هو الموقع الوحيد فيه مواقع كثيره نفس الطريقه .. لكن انا ماجربت غير هالموقع ! وموقع ثاني اسمه LivePerson .. برضوه هذا نفسه بس هذا يختلف ..
هذا الناس يجونك مو انتي اللي تبحثين .. انتي بس تحطين البروفايل حقك .. والناس يجونك .. ومجرد تخلصين منهم يقيمون شغلك !
وكل مازاد تقييمك كل ماصار عليك الاقبال اكبر !

يعني حتى كورساتك اللي انتي فاهمه فيها .. تقدرين تساعدين الناس في الاسامنتس والبروجيكتس وهالامور ..


هذي مجرد طريقه من عدة طرق لترزق من ورى هالنت


ترى حتى اليوتوب اللي تشوفينه فيه مربح للمعلوميه ! شوفي هالبرامج اللي في اليوتوب اللي المشتركين فيها بالملايين .. لهم مردود مادي من هالامور بشكل كبير جدا !
والا ماسألتي نفسك ليش الناس هابين ببرامج اليوتوب ؟ علشان شهره مثلا ؟ .. لا .. لان فيها مربح !
حتى لو كان عندك حساب في اليوتوب .. ادخلي على اعدادات حساب قناتك .. وادخلي على Analytic وراح تشوفين خيار مكتوب فيه المبلغ اللي راح تربحينه من خدمة الـ AdSense ..
وهذي الخدمه تستخدم في اليوتوب وكل المواقع .. وقوقل تحسب على كل ضغطه وكل مشاهده .. كل ماكثرت المشاهدات والضغطات على الرابط .. كل مازاد المبلغ !
وعليك الحسبه !

والطرق كثيره ومتعدده .. بس يبيلها واحد متربع قدام الكمبيوتر 24 ساعه ويتفحص من هنا وهناك .. ويضبط اموره !

والله يافيه شغل مثل ألمويه اسويه بأصبع يدي الصغير

بس المشكله يطول يعني اقدم وانتظر لين الأخ يختارني ويسوي معي مقابله ؟
مب فيس تو فيس بس أتوقع يشوف وش عندي قبل لا يوافق علي

ياربي نفسي يختارني لو يعطيني دولار واحد بس ابي اجرب
كيف ارفع الريتنق حقي ؟


والله يا انك قدمتلي كنززززز ما أنساه لك طول عمري

ايه انتي اللي عليك انك تحطين معلوماتك وخبراتك بالبروفايل .. وبعدها تشوفين الشغل اللي يعجبك وتقدمين عليه ..
لما تدخلين مثلا على صفحة الوظيفه اللي تبين تقدمين عليها .. راح تلاقين تحت كلام الزبون مربع فيه الشروط اللي هو حاطها "شروط المتقدم" ..
تحتها راح تلاقين مربع فيه المتقدمين .. باسمائهم ..

طبعا علشان يختارك .. لابد يكون عندك بروفايل وريتنج عالي ..
وعلشان ترفعين الريتنق حقك لازم تشتغلين مع ناس مو طالبين شروط تعجيزيه ولا طلبات كبيره ..

يعني بدايتك لابد تكون مع الاشخاص اللي شغلهم بدون شروط ويكون الشغل سهل ..
وغالبا هذولا تكون ميزانيتهم مابين الـ 10$ الى 200$ .. ماتتعدى الا ماندر !
وايضا عليك بحل الكويزز اللي بالموقع بحسب تخصصك ومجال خبرتك ..
كل ماجبتي علامات عاليه كل ماصار هذا الشي يرفع من سمعتك .. بس لازم تخلين الدرجات ظاهره للبوبلك ..
حتى العملاء لما يشيكون على البروفايل هالامور هذي اذا شافوها تجذبهم ويقولون هذا اكيد فاهم والا ماجاب الدرجات هذي !

اما اللي بيدفعون اعلى ... راح يحطون شروط للكونتركتر اللي راح يقدم عليه ..

حتى بعض الاشغال ماتقدرين تقدمين عليها يقولك ان الشروط ماتنطبق عليك !


زين اهم شي تستفيدين

بس نصيحة أخ .. لاتنتظرين الناس تعلمك .. دائما انتي ابحثي واقري وحاولي منا ومنا .. لقيتي شي اقري عنه وابحثي وشوفي وضعه وشلون !

انا اعطيتك بعض المعلومات اللي تختصر لك الطريق .. لان انا هذا مجالي بالانترنت .. ولي سنوات في هالمجال من قبل لا اجي امريكا ..
وكنت حتى داخل بالتصاميم وإستضافة المواقع وتطويرها .. الخ !
لكني وقفت فتره .. وبعدها التفت لدراستي .. وهذا اللي خلاني اوقف !

لكن اقولك .. النت فيه مربح خيالي ... بس مثل ماقلت يبيله واحد 24 ساعه على النت يحوس منا ومنا ليما يعرف يضبط اموره !

يعني مثلا شفتي الايميلات الدعائيه من القروبات وطقتها اللي تجيك كل يوم والثاني ! .. هذولا ناس يسحبون ايميلات العالم اكبر كمية ايميلات يقدرون عليها ...
وبعدها يبيعون هالقائمه .. القائمه راح تكون بعدد لايقل عن مليون ايميل !
والقيمه ماراح تقل عن 7000 ريال ! كحد ادنى ! .. وغير هذا مايبيعها على واحد وبس لا ! يبيعها على عدة اشخاص وغالبهم يكونون يحتاجونها لللاعلانات وهالامور ..
أو اللي يسوونه بهالايميلات .. يحتكرونها عندهم .. ويفتحون خدمه عندهم "خدمة إعلانات" .. ويقولون نقوم بإرسال موقعك او اي شي تبيه الى مليون ايميل !
وهذي الخدمه بقيمه وقدرها !

وغيرها من الامور !


لو اقعد اعلمك من هنا لبكره ماخلصت .. لذلك لابد انك انتي تتعلمين من نفسك وتبحثين وتقرين وتداومين على المعلومات بشكل يومي وتكونين على علم بكل ماهو جديد في النت !
خصوصا في المجال اللي تبينه .. مثلا تصاميم ! لازم تكونين على درايه وعلم باخر المستجدات فيها .. وتحاولين دائما تجددين من الاسلوب وتبحثين عن تصاميم الناس الثانيه والتصاميم الاحترافيه اللي بالشركات الاجنبيه ..
وما الى ذلك من امور .. وبكذا تكونين تطورين نفسك اكثر واكثر .. وتصير امورك ميه ميه !

1Ok

ياخي فيه مشكله

امس سجلت واخترت شغلتين اسويها وحده تصميم بنر والثاني ادخال بيانات من موقع الى ملف أكسل

ابو البنر لاهو الي اختارني ولا هو الي رفضني.
ابو الأكسل تفاجئت بالليل مرسل لي تفاصيل الشغل ومعطيني روابط المواقع الي أخشها وأخذ منها المعلومات ،قلت خلاص بكره الصبح أقوم اروق وأطقطق عليه

قمت الصبح لقيت الأخ سحب علي ودور على غيري

ومن وقتها للحين وانا كل مالقيت شغله كويسه حتى الدفع حقها مب كثير اهم شي أسوي شي ألقى الزر apply to this job غير فعاااال ؟
مع انه بوفايلي كامل ٧٠٪

وش السالفه ؟

عادي هذي تحصل .. لان ممكن الشخص هذا لقا له واحد ثاني .. وكنسلها وراح للثاني لان هذاك موجود اون لاين وهو يبي الشغل بسرعه !

بالنسبه للزر هذا يعني انك تعديتي الحد الاقصى بالتاسكس .. لازم تفرغين التاسكس اللي عندك ..
شوفي ماي جوبز .. والغيها من عندك لان الطلبات تبقى معلقه لحتى انتي تلغينها !