تعبت ياأرحم الراحمين بالجامعه واللغة مضروبه

June 13th, 2014, 03:09 AM

السلام عليكم ورحمة الله
بدخل بمشكلتي ع طول
انامبتعثة والمرافق اخوي اللي يكبرني بسنوات يعني مابينا اي توافق فكري
المهم ليست هذي المشكله
مشكلتي جيت امريكا ولغتي زيرو وتطورت مع الأيام يعني حالي الان أفضل بكثير من اول و الان بالجامعه ماستر لكن هل تؤمنون باني ادرس ماسترولغتي ضعيفه ضعيفه خاصه السبيكنق كمان نجحت وهل تومنون بان معدلي A
بتقولون كذابة اقسم بجلال الله وعظيم شانه اني صادقه
بتقولون شلون اصلا دخلتي الجامعه ولغتك ضعيفه وشلون اصلا جبتي الايلتس( والايلتس 5.5)
ياجماعه التوفيق من الله ثم لدعاء والاستغفار لها الدور الكبيررررر
كنت ابكي ليلي ونهاري خاصه برمضان مرت علي ليالي صعبة وجبت الدرجه والقبول بفضل ربي فقط انا ماسويت شي
لب المشكله
انا وحدة منقبه القى تجاهل كبير من الاجانب ليست عنصريه لكن بقدر تفكيرهم اني منقبه يعني يعني مااتكلم كثير هالشي استنتجته من دراستي بمعهدين
بالعكس انا احب الفله والوناسه رغم اني حيويه
بس ابي اللغه اللي تساعدني فاكيد بلغتي هذي مااقدر اكون واثقه واسولف زي بالعربي
انا شخصيتي من جيت بعثه انقلبت صرت وحدة ثانيه صرت مكتئبه محبطه ماني واثقة من نفسي صرت وحيده حتى صداقات سعوديات وعرب ماتوفقت فيهم كلهم فتره ينقلون
والله ايام المعهد احاول اتكلم مع الاجانب بس انهم دايم مشغولين او انا ماتوفقت بالاختيار اوانا خجوله وحساسه فاذاحسيت ان احد يصرفني اتعب
والله لغتي اللي كانت تمشيني ايام المعهد مع الجامعه انتهت صارت اضعف
الجامعه مررره مراعين الانترنوشنال لدرجه اعطوني الA وانا مثل الطاوله مااشارك بس اسوي برزنتيشن احفظه
و اجيب لهم الاسيهات وفيها من الاخطاء لكن الحمدلله يراعون وعشان ماتقولون شوفيك تسوين اسيهات ! ايه اسوي واخلي اكثر من واحد يراجعها لي ويطلع اخطاء بالهبل
المهم الحين انا وش اسوي تمر اسابيع وانا على الكنبه بالبيت ان طلعت مالقيت احد يكلمني رغم اني احاول واحاول وخاصة اني ناقله ولايه ثانيه والسكن حقي مافي الا امريكان بس دايم بدواماتهم وان جلست تعبت ولاقدرت افتح شي اقراها حتى موفي ماطالع لاني انقهر اني مافهم كل شي وانا لي سنتين
النطق عشاني مااختلط عندي اخطاء عشان كذا احاول بكل ماواتيت لكن كاني بالسعوديه الفرق غربه عن اهلي
ياناس والله اني اصلي وادعي وكل شي ان ربي يسرلي امر عائله او يسخرلي احد اسولفه معه
اول كنت اقول حرمه وبس الحين عادي اذاالقى شايب اسولف معه و بلثمتي الحمدلله
ياناس احد يفهمني بتخرج من الجامعه وانا لغتي ضعيفه يعني برجع وانا مااعرف اقول قصه بالانقلش يعني راح ارجع بعد ثلاث سنين بامريكا وش فايدتها انا اجزم ان السبيكنق هو المقياس الاكبر لتحديد قوه الشخص وهذي هي مشكلتي
طيب وش ذنبي انا كل السبل سلكتها حتى كنت ادفع فلوس للبعض التيتشرات عشان تسولف معي ساعه مالقى فلنتير وانا ماني بنك ادفع وادفع وادفع
والله تعبت دخلت مواقع اضفت بالاسكايبي اوادم مره يدخل ثم يسحبون او يقولون مانشتغل فري 
اخوي اكبر مني وعلاقتنا رسميه اصلا دايم مع اصحابه فمااقدر اتكلم وامارس اللغه معه
دايم افكر ان لثمتي سبب فشلي لاني اشوف المحجابات عندهم طلاقه وقبول اكثربعدين استغفر واقول بكيف هاللغه اهم شي ديني
بس والله خاطري ارطن اللغه
الناس يختلفون بطريقة التعلم واكتساب اللغه
ناس من الافلام ناس من حفظ الجمل والكلمات ناس من الاختلاط
جربتها كلها حسيت اني بالاختلاط ماانسى الكلمه بس ياحظي عيا يتيسر لي
والله اني كل عصر اطق لثمتي واروح قدام السكن يمكن احد يمر بس ماش هاي هاوريو ويروحون
مايمدي حتى اقولهم وش رايكم بالويذر ولانت من وين ولايمدي ابدا محادثه بنجن. ب ن ج ن من وضعي قسم صرت نفسيه
احيانا اقول اسوي اللي علي وافتك من هالجامعه وارجع ولامن جاني عيال خليتهم يتعلمون من صغرهم لايصير لهم زي ماصارلي واعوض اللي فقدته فيهم .. لكن يوم افكر نص قريباتي مبتعثات ولغتهم وااااو انقهرررر يصير بينا مقارنات وتنقلب حياتي جحيم ًوثقه مهزوزه
ابي حل ليش انا وضعي كذا ؟
انا احب اللغه الانجليزيه بس حظي مدري ليش كذا ؟!!
اذا احد يعرف مواقع توفر ناس يتكلمون معك بمبالغ معقوله او فلانتير اواي اخد اعلمه عربي ويسولف معي انقلش
تكفووووون نفسيتي بالحضيض وضايقه فيني هالوسيييعه ومابيدي حيله ودايم اقول اكيد بالموضوع خيره خاصه اني ابذل كل السبل بس ماشوف اني استفيد بالعكس كل مال مستواي يضعف والامورماتضبط
عمري مافكرت اكتب مشكله بحياتي بمواقع الا هالمشكله اللي مادري كيف ووين حلها
احمد ربي انة كتبي لي التوفيق بالجامعه
بس وش فايدت شهادة الجامعه لامن رجعت بلغه ضعيفه لاتدل على اني دارسه بامريكا وسط المتحدثين الرسمين لها
طولت عليكم لكن والله مايجي ربع القهر والحسره اللي بقلبي .. تراني مو ناقصه يعني اللي بيدخل موضوعي ويحطمني فرجاء لا تكتب شي لآني ماني ناقصه وشكرا

• نشر عبر تويتر
• نشر عبر فيسبوك
• نشر عبر جوجل