-3-
اليوم واحنا في الشقة تقريبا على الساعة 1 الظهر رن جرس الانذار في جميع العمارة
، ما ادري منو اللي ناسي غذاه على الفرن ..أول ما سمعت الانذار نقز قلبي برا لكن دخل بعدين يعني ما مت...
الهم انا واختي ودانه على طول طلعنا من الشقة وطبعا المفروض ما ننزل من اللفت لكن ضغطنا على زر المصعد وانفتح ..شمينا ريحة الحريق داخل فطلعنا من المصعد ونزلنا من الدرج احنا ساكنين بالطابق العاشر ..نزلنا من باب الدرج اللي ينزلنا للطابق الاول ..من تعبنا كلما وصلنا طابق صرنا نفتح في باب الطوارئ علشان نبي نروح للمصعد داخل العمارة لكن الابواب كلها مقفلة..يعني تخيلوا نزلنا 10 طوابق!! ..يوم قريب وصلنا للطابق الارضي شفنا المكان ظلمة مافيه نور..كأنه كهف ..كان المكان مخيف جداً ..فما تجرأنا ننزل
..صرنا ما نقدر نتنفس ...ريحة الحريق مع التعب أثر علينا..قلنا خلاص ...بنموت..صحيح شفنا الموت قدامنا
...الحين انا واختي ركبنا و ورانا دانه ..كلما ركبنا طابق نحاول فتح باب الطوارئ اللي ينزلهم على تحت ..كلهم مقفلين ما فيه فايدة..يالله..شنو نسوي..كنت اسمع دانه تقول خلونا ننزل تحت أكيد بعد الطابق العاشر تقفل الباب..رنت هالكلمة في أذوني ودارت بي الدنيا ..صرت كاني واقفة مكاني لكن المكان يتحرك والخلفية سوداء
مثل الكراتين..المهم قلنا يالله خلنا انجرب ..والله يعين ..ركبنا ..والله ما قدرنا نتنفس نبي نستريح شوي لكن الخوف ما يخلينا..خلنا نواصل أفضل...من الخوف حسينا بحرارة مع ان الوقت بارد...المهم وصلنا الى الطابق العاشر ..فتحنا الباب ..الحمدلله الباب انفتح..
تعالوا بسرعة الباب انفتح..
دخلنا على طول الشقة نستريح ونشرب ماي بعدين طلعنا ونزلنا بالمصعد..خلصوا المطافي شغلهم واحنا تونا نازلين..بغينا نتأكد الباب الأرضي حق الطوارئ مفتوح لو لا ..رحنا وشفناه للأسف مو مفتوح..والله خوش سلامة!!!!!
والله مسويين روحنا ابطال وحركات قال ايش قال يبغوا يلتزموا بقواعد السلامة ..اقول خلكم على المصعد احسن بلا سلامة بلا خرابيط..
والحمدلله على السلامة
Laila July 20th, 2008, 01:40 PM
7 " 
LinkBack URL
About LinkBacks
خخخخخخخخخخخ 
هههههههههههههههههههههههههههااااي
يعطيكم العافية موضوع روعة ومذكرات اروع
لاتحرمونا من مذكراتكم الحلوة