جاوب واطلب من خصمك

November 11th, 2008, 08:29 PM

السلام عليكم ورحمة الله تعالى وبركاته
كيف حالكم يا اخوان
ومبروك لجميع المقبولين والمقبولات (ولو انها جاءت متأخرة بس احمدوا ربكم اني باركت لكم
احسن من بلاش ) .

فيه لعبة مدري تعجبكم والا لا , بس قررنا نحن مكسر الفناجيل(حفظني الله تعالى ورعاني) اني
اسدحه على طاولة النقاش
, واللعبة هي اقول انا لغز ,ويكون اللغز صعب حتى يعجز اللي بعدي
عن الاجابة عليه , لكن اذا حله يطلب مني طلب , مثلا اني اجيب له صورة (تنكة) مثلا
او صورة فنجال... وهكذا .
وبعده , اللي حل اللغز يقول لغز صعب ثاني وبقية الشعب يحاولون يحلونه ,واللي يحله منهم يطلب منه طلب , وهكذا تستمر اللعبة .

مدري هي زينة اللعبه والا لا , المهم عاد اترككم مع اللغز :

يقولون فيه ملك , والملك هذا يكره واحد من الوزاء حقينه كرها شديدا جدا .
وفي يوم من الأيام الملك قرر انه يتخلص من الوزير هذا , يعني قرر انه يذبحه .
لكن الوزير هذا محبوب جدا جدا من الشعب , فالملك مايقدر يذبحه كذا قدام الناس بدون سبب
فقرر الملك انه يذبحه باسلوب يعني .
فقال للناس (لأعضاء الشعب) ياجماعه الوزير هذا انا ابي اخيره بين امرين :
اما اني اقتله
او لا اقتله .
وقرر الملك انه يجمع كل اعضاء المملكه بيوم من الأيام ويجيب الوزير هذا بمنصه قدام الناس
ويخليه يسحب ورقه من ورقتين موجودات (بإناء) معين وكتوب في احدهما (يقتل) والاخرى مكتوب فيها(لايقتل), واذا طلع له (يقتل) فإن الملك يقتله
واذا طلع له (لايقتل) مايقتل ويتعهد الملك بذلك .
الملك هذا ملكع , فا وش سوى هالتسلب الملك هذا ؟

راح وحط ورقتين كلهم مكتوب فيهم (يقتل) وحطهم بالاناء هذا , طبعا الوزير هذا لأنه محبوب
ففيه واحد من جماعه الملك هرب له خبر ان الأوراق كلهم مكتوب فيهم (يقتل) .

يوم جاء الوقت اللي اختاره الملك لاعدام هذا الشخص جاء الملك وجمع الناس
وقال للوزير اختر ورقه , فالوزير عمل حركه , وطلع (لايقتل) واضطر الملك
انه يفرج عنه
السؤال , كيف نجى هذا الوزير الذكي من الملك ؟

طبعا اللي سامع باللغز اول , لايحله علشان مايخرب على بقية الشعب, وحتى مايطلب مني شي .

تحياتي

• نشر عبر تويتر
• نشر عبر فيسبوك
• نشر عبر جوجل