معلومات عن روشستر و جامعة RIT

اهليييييين فيك

عندي لك سكن على طلبك

كلمني بارسل لك جوالي عالخاص


سلام

الله يجزاك خير اخوي ويكتب اجرك
الرستك طال امرك فيها سكيورتي وهل هي امنه للعوايل؟
اش تقيمك لها من ناحيه النظافه خصوصا انهم يستعملون الخشب وتخاف من الحشرات الصغيره تتجمع لك مع الرطوبه وغيره؟
هل الشقه موثثه جاهزه مثل غرفه النوم وطاوله الطعام والمطبخ والتلفزيون؟
وعسى حولك شقه فاضيه ودنا بجيرتك

واياك يابو باسل

الرستك تقريبا عبارة عن اكثر من 150 مبنى بكل مبنى 8 شقق يعني تتكلم عن الف وثلاثمية وحاجة شقة

ميرة للرستك مو في اكثر المجمعات السكنية الموجودة في روشستر حسب ما شفت ان الامن على اعلى درجة لأسباب اول شي انها في منطفة حيوية شوي بين شارعين كبيرين وكمان السكيوريتي يدور بين المباني كل نص ساعة

يعني الامان بعد الله مافيها شي سواء الرستك او غيره إلى الان ما سمعنا شي عن احد السعوديين او حتى الامريكان انفسهم عدا الداون تاون

العوايل فيها اكثر من 8 - 10 عوائل سعودية وكلهم عايشين في امان وخير
وانا منهم

النظافة انت تستلم الشقة نظيفة من الى مايحتاج وكمان تسلمها مثل ما استلمتا

كل مباني امريكا خشب ومافيها اي نوع من انواع الحشرات انا لي اكثر من 9 شهور إلى الان ماشفت اي حاجة من اللي تقول لا حشرات ولا غيره

الرستك كل شققها مفروشة موكيت وثلاجة وفرن ومايكرويف وغسالة صحون
غيرها التلفزيون والكنب وغرفة النوم وطاولة الطعام مو موجودة بس بمشوار ساعة إلى الهوم ديبو او الوول مارت تفرش شقتك من افخم الاثاث ومايكلفك 1500 -2000 دولار اذا تبي جديد واذا مستعمل عندك موقع الكريقلست مليان نسميه هنا حراج بن قاسم فيه كل شي تحتاجة برخص

فيه شقة متوفرة بين الايدي مثل مايقولون

ودي اعرف اهم شي متى راح تجي

راح ارسل لك عالخاص واي شي تبيه تحت امرك

السلام عليكم ..


اخوي انا دراستي تبدا في الفول يعني على بدايه سبتمبر ...


و ناوي اسكن في الرستك .. بس اني عزابي و ادور لي روميت .. اقدر احصل لو وصلت هناك .. و الا احجز من الحين و الا وش اسوي ؟

ودي بروم ميت اجبني ... علشان اتعلم انقليزي منه ..

هل اذا رحت الرستك .. لما اوصل ان شاء الله .. اقولهم ابي اسكن مع روميت .. يدورون لي ؟ و الا ادبر وضعي من الان ؟

و لك التحية ..

الله يجزاك خير ان شاء الله جاي على رمضان ادع الله ييسر لنا امر الفيزه والا كل شي جاهز
اتشرف والله بمعرفتك ومراسلتك

السلام عليكم ..
استفسار لطلاب الماستر اللي يدرسون بالجامعه حاليا .. ودي اقدم على ماجستير بزنس ومعي توفل ٥٧٠ ومعدل البكالوريس عالي بس توي احوس بالجيمات .. كيف وضعهم ؟؟ قبولهم صعب ولا سهالات ؟؟ وكيفهم مع الجيمات يتشرطون بدرجات عاليه ولا يمشون اي درجه ؟؟ وتراني اقصد RIT

مشكورين

<<<<<<UP >>>>>>

بسم الله الرحمن الرحيم

الاخوة الكرام ،، تحية طيبة

دراستي تبداء بشهر سبتمبر في معهد روشستر ،، وموضوع السكن شوي متعبني ،، فيا ليت تدلوني على سكن يكون قريب من RIT او مجمع سكني تنصحون فيه .


بانتظار اجابتكم وردودكم

دمتم بود ،،

من خلال بحثي عن سكن في المواقع .. جمعت هذي المعلومات اتمنى تستفيدوا منها ..

الرستك فيليج:

تحتاج روم ميت .. الايجار 1030 دولار تقريبا .. شقه غرفتين، غير موثثه. عقود طويله
متوافره تقريبا في اي وقت. فيها عائلات سعوديه كثير.
قريبه من المسجد و الاسواق و باص الجامعه ياخذك يوميا و يوديك للجامعه.
موقعها بالضبط: بجانب مونرو كوميونتي كوليج.

البارك بوينت:

اقرب المجمعات السكنيه للجامعه .. غالي 1200 دولار تقريبا ..شامله كل الخدمات .
موثث .. يعتبر بعيد شوي عن المسجد ( مو بعيد مره ) بس ابعد من الرستك.

الروك رومز:
او تسمى sunnyside suites
مأثثه اثاث كامل .. قريبه من الرستك فيليج .. قريبه من المسجد و الاسواق ..
لست متاكد مما اذا كان الباص حق الجامعه يمر عليها او لا ..
اتوقع اذا بتستاجر فيها .. تحتاج سياره.
تقريبا ارخص من غيرها ..


winton villege apartment :

تقريبا ابعد شي عن الجامعه .. تعتبر قريبه من الرستك فيليج.
تصميم الشقق حلو " اعجبني ض1 ".
يعطون شهر مجانا اذا استاجرت سنه كامله .. مافيه سيكوريتي ديبوزبت ..


السكن بالقرب من جامعه روشستر:

هذي المنطقه تسمى ( شيلي ) .. الاسكان فيها متوفر بشكل كبير للطلاب و غيرهم ..
تعتبر مأهوله بالسكان لانها اقرب الى وسط المدينه من الاخريات ..
تسهل لك الاندماج في المجتمع ... لان السكان فيها و العوائل و الاطفال اكثير من الاماكن السابقه ..
تستطيع ايجاد " روميت " بسهوله .. حيث ان طلاب جامعه ار اي تي و جامعه روشستر .. يسكنون كثيرا في هذه المنطقه ..
تحتاج سياره بالتأكيد.. لانها بعيده عن المسجد و المطاعم الحلال .. لست متاكد من ان باصات جامعه ار اي تي توصل هناك او لا ..
تعتبر المنطقه رخيصه الا حد ما ..
موقعها بالتحديد ... بجوار جامعه روشستر .. من ناحيه النهر .. و دائما ما يرمز لها با ( 19th ward ) او chili ...


السكن في سكن جامعه ار اي تي:

اولا فيه اكثر من مجمع داخل الجامعه ...
الاول اسمه:
Colony Manor
السكن في هذه الشقق شامل جميع الخدمات .. فيها شقق غرفه او غرفتين و ثلاث ..وعاده فيها بلكونه او باحه ...
اتوقع انه لازم يسكن معك روميت في " نفس الغرفه " ..

النوع الثاني اسمه :
Perkins Green
يوجد بها شقق من غرفه او غرفتين فقط .. شامل جميع الخدمات .. و الروميت .. اذا دخلت مع احد لازم يكون معك في نفس الغرفه.

النوع الثالث:
Racquet Club
هذا سكن تابع للجامعه و لكنه يقع خارج الحرم الجامعي .. تمر عليه باصات الجامعه ..
الايجار فيه شامل جميع الخدمات .. ونوع الشقق فيه غرفه واحده فقط .. مع بلكونه ..

النوع الرابع:
Riverknoll

يقع داخل الكامبس قريب من المباني الاكاديميه و معامل الكمبيوتر..
يعتبر اقرب سكن للمباني الاكادميه .. شامل جميع الخدمات ..
نوع الشقق فيه اكثر غرفه و غرفتين و ثلاث غرف ..
بالنسبه للروم ميت : شقه الغرفه الواحده تقدر تستاجرها لوحدك فقط ..
و اذا بتسكن مع روم ميت ... تسكن في شقه ابو غرفتين او ثلاث .. ويمكن يكون معك في نفس الغرفه او يكون في غرفه ثانيه في نفس الشقه ..
لان الشقه ابو غرفتين : تحتاج ثلاثه اشخاص ... يعني اثنين رح يكونو في غرفه و واحد في غرفه ..
الشقه ابو ثلاث غرف .. تحتاج اربعه اشخاص .. يعني اثنين رح ينامو في غرفه و اثنين رح ينام كل واحد منهم في غرفه.


النوع الخامس :
University Commons

سكن داخل الحرم الجامعي .. هوه عباره عن بيت كامل من اربع غرف .. يعني رح يكون معك في نفس البيت ثلاث روميت ..
ماثثه .. شامل الخدمات .. كل غرفه ممكن تتاجر لحالها ..


النوع السادس :
RIT INN

بصراحه ما فهمته هذا .. بس احسه فندق .. و مكانه خارج الكامبس حق الجامعه ..


السكن خارج المجمعات السكنيه:

في هذا النوع .. السكن يكون تقريبا ارخص.. ويكون عادة داخل الاحياء الامريكيه .. يعني رح يسهل عليك الاندماج في المجتمع بشكل اكبر ..
و هي عباره عن بيوت خاصه .. يتم تاجيرها .. او تاجير غرفه او غرفتين من البيت ..
المشكله في مثل هذي البيوت .. انها احيانا تكون غير امنه .. او ان الروميت اللي معك يكون " صايع ضايع " .. يعني اتذكر مره شفت اعلان عن
غرفه في بيت ... و الرجال كاتب " free smoking / free drugs " .. لذلك اذا بتسكن في اماكن زي كذا ... لازم تتاكد
ان الروميت يكون كويس .. و حاول توضح له من البدايه الاشياء هذي .. علشان ما تصير مشاكل بعد العقد ..
ايضا الحفلات .. بعضهم يقلب البيت " قصر افراح " .. علشان كذا حاول تعرف هالمعلومات من البدايه ..
ايضا بعض الاشخاص .. يكون هوه صاحب البيت .. " يقولك التلفزيون هذا اللي في الصاله حقي .. اذا تبغى اشتر لك واحد وحطه في غرفتك " ..
او شي زي كذا .. حاول تتفاهم معاه من البدايه على الاشياء هذي ..
الحسنات في هذا النوع من الايجار .. انها تفيد تعلم اللغه ... لانك رح تسكن مع ثلاثه او اربعه .. و الوضع شبابي و فله ..
و ايضا انها في العاده تكون رخيصه .. يعني ما تتعدى 400 دولار ..



اللي يبغى يشوف مواقع الشقق هذي بالتفصيل ... يدخل على قوقل ماب .. و يروح على مدينه روشستر .. و بعدها يشوف هالاماكن حول الجامعه ..

ان شاء الله استفدتوا .. و لكم التحيه ..